Mateo 21:15 - Chayahuita (Shahui)

¹⁵ Cotio maistroꞌsaꞌ, corto huaꞌanoꞌsaꞌ, inapitasoꞌ niꞌsápi. Huaꞌhuaroꞌsaso nipirinhuëꞌ paꞌyatatonaꞌ, chiníquën nonsapi. “¡Ma noyacha Quisososo paya! Tapicoꞌ shiin inasoꞌ. Yosë chachin aꞌpatimarinpoasoꞌ,” tosapi. Ina natanahuatonaꞌ, huaꞌanoꞌsari noꞌhuipi.

Mateo 21:15 ပူးပေါင်းရင်းမြစ်များ

Mateo 20:24

Ina quëran oshaquëran aꞌnapita caꞌtanoꞌsanënpitari natanpi. “Chini chiníquën nanantacaisoꞌ ¿nohuantopi ti?” taꞌtonaꞌ, noꞌhuipi.

Mateo 21:23

Ina quëran Yosë chinotopiso pëiquë paantarin piyapiꞌsaꞌ aꞌchintantacaso marëꞌ. Aꞌchinaquëyaꞌ, cotio ansianoꞌsaꞌ, corto huaꞌanoꞌsaꞌ, inapita huëꞌpi. —¿Onporahuatontaꞌ chiníquën nanantaton, nipaꞌantopisopita aꞌparan? ¿Intaꞌ nanan quëtërinquën ina pochin nicacasoꞌ? Shaꞌhuitocoi, itopi.

Mateo 21:9

Aꞌnaquën quëchitërapi. Aꞌnaquëontaꞌ imasapi. Papona pochin chiníquën nonsapi: —¡Nichaꞌëcoi Tata Yosë! ¡Ma noyacha Quisososo paya! Tapico shiin inasoꞌ. ¡Quëmari chachin chiníquën nanan quëtëran! ¡Quëma nohuanton, israiroꞌsacoi huaꞌanëntarincoi! itopi.

Mateo 22:42

—Iráca Yosë quiricanënquë shaꞌhuitërinpoaꞌ. “Aꞌna tahuëri aꞌna quëmapi acoarahuë piyapiꞌsaꞌ nichaꞌëcaso marëꞌ. Inasoꞌ Cristo itopisoꞌ,” tënin Yosë. ¿Intaꞌ shiin inasoꞌ? itërin Quisosori. —Tapicoꞌ shiin inasoꞌ, topi parisioroꞌsaꞌ.

Mateo 26:3

Ina quëran corto huaꞌanoꞌsaꞌ, cotio ansianoꞌsaꞌ, inapita Caihuasë pëinënquë niyontonpi. Inasoꞌ corto huaꞌan, chini chiníquën nanantërin.

Mateo 26:59

Corto huaꞌanoꞌsaꞌ, cotio huaꞌanoꞌsaꞌ inapitari yatëpapi niꞌton, aꞌnaya aꞌnaya yonípi Quisoso shaꞌhuirapicaiso marëꞌ.

Mateo 27:1

Tahuërianpitohuachina, yaꞌipi corto huaꞌanoꞌsaꞌ, cotio ansianoꞌsaꞌ, inapita napopianachin yonquipi Quisoso atëpatacaiso marëꞌ.

Mateo 27:20

Corto huaꞌanoꞌsaꞌ, cotio ansianoꞌsaꞌ, inapitaso nipirinhuëꞌ, aꞌnaya aꞌnaya piyapiꞌsaꞌ shaꞌhuitëraꞌpiapi: —“Parapasë ocoirahuaton, Quisoso atëpatëquëꞌ,” itocoꞌ, itëraꞌpiapi.

Mateo 9:27

Ina quëran pipirahuaton paꞌsapirinhuëꞌ, catoꞌ somarayari imaquiapi. Co mantaꞌ quënantopihuëꞌ. Quisoso imaratonaꞌ, chiníquën nontapi. —¡Nosorocoi Sinioro! Quëmasoꞌ Tapicoꞌ shinquën. Yosë aꞌpaimarinquën niꞌton, nosoroatoncoi anoyatocoi, topiraihuëꞌ, itopi.

Marcos 11:18

“¡Maꞌpitacha nitotërin paya!” topi yaꞌipi piyapiꞌsaꞌ. Napoaton corto huaꞌanoꞌsaꞌ, cotio maistroꞌsaꞌ, inapitanta natanahuatonaꞌ, tëꞌhuatopi. “Yaꞌipi piyapiꞌsari yaimapi,” taꞌtonaꞌ, Quisoso tëpacaisoꞌ chinotopi.

Lucas 20:1

Ina quëran Yosë chinotopiso pëiquë paantarahuaton, piyapiꞌsaꞌ aꞌchintantarin. Noya nanan pënëntaquëyaꞌ, cotio ansianoꞌsaꞌ, cotio maistroꞌsaꞌ, corto huaꞌanoꞌsaꞌ, inapita huëꞌpi.

Lucas 22:2

Corto huaꞌanoꞌsaꞌ, cotio maistroꞌsaꞌ, inapitari chinotopi Quisoso tëpacaisoꞌ. Piyapiꞌsaꞌ tëꞌhuatatonaꞌ, co nanitopihuëꞌ aꞌninquëchin macacaisoꞌ.

Lucas 22:66

Tahuërihuachina, cotio ansianoꞌsaꞌ, corto huaꞌanoꞌsaꞌ, cotio maistroꞌsaꞌ, inapita niyontonpi. Nani niyontonpachinaꞌ, inaquë Quisoso quëpapi natanacaiso marëꞌ.

Juan 11:57

Corto huaꞌanoꞌsaꞌ, parisioroꞌsaꞌ, inapitasoꞌ nani piyapiꞌsaꞌ shaꞌhuitopi: “Quisoso quënanpatamaꞌ, shaꞌhuitocoi maii,” itopi. Tashinan pëiquë poꞌmocaiso marëꞌ napotopi.

Juan 12:19

Natanahuatonaꞌ, parisioroꞌsaꞌ ninontopi. —Topinan quëran pënënpirëhuahuëꞌ, co piyapiꞌsaꞌ piꞌpisha tërantaꞌ natërinënpoahuëꞌ. ¡Niꞌcochi! ¡Naꞌcon naꞌcon piyapiꞌsaꞌ Quisoso imasapi! nitopi ninontatonaꞌ.

Juan 4:1

Iꞌhuasoꞌ naꞌa piyapiꞌsaꞌ Coansha imapi. Naꞌa aporintërin. Iporasoꞌ naꞌcon naꞌcon Quisoso imasapi. Co Quisoso chachin aporintërinhuëꞌ. Ina shaꞌhuitohuachincoi, caꞌtanoꞌsanënpitacoi aporintarai. Naꞌcon naꞌcon aporintarai. Parisioroꞌsarintaꞌ natantopi.

Juan 7:42

¿Coꞌta “Tapicoꞌ shiin niꞌton, ina ninanonënquë chachin nasitapon? Pirinquë nasitapon,” tënin Yosë quiricanënquë, topi aꞌnaquëontaꞌ.