Mateo 21:1 - Chayahuita (Shahui)

¹ Nani Quirosarinquë yaꞌcaritahuatonaꞌ, Oriposë panënquë canconpi. Ina yaꞌcariya aꞌna ninanoꞌ yaꞌhuërin, Pitipaqui itopisoꞌ. Inaquë canconahuaton, catoꞌ caꞌtanoꞌsanënpita shaꞌhuitërin:

Mateo 21:1 ပူးပေါင်းရင်းမြစ်များ

Mateo 20:34

Itohuachinara, nosoroaton, sëꞌhuarayarin. Aꞌnaroáchin noya niꞌtopi. Inapotohuachina, Quisoso imapi huachi.

Mateo 21:2

—Pasoꞌ ninanoquë pacoꞌ. Pëiꞌ yaꞌnatimarinquë canconpatamaꞌ, mora huaꞌhuinë chachin aꞌsonpinan quënanconaramaꞌ. Huaꞌhuinsoꞌ, huiꞌnapishin. Cato chachin iꞌquiritahuatomaꞌ, quëshico.

Mateo 24:3

Ina quëran Oriposë panënquë paꞌsahuaton, inaquë huënsëconin. Caꞌtanoꞌsanënpitaráchin yaꞌhuëpi. Inapitari huëcapairahuatonaꞌ, itiipi: —¿Onporotaꞌ Maistro ohuatapi? Ayaroꞌ tahuëri yaꞌcaritohuachin, ¿maꞌtaꞌ onporahuachinaꞌ nitotapoi? ¿Onporotaꞌ oꞌmantararan? Inapita shaꞌhuitocoi quiyantaꞌ nitochii, itopi.

Mateo 26:30

Ina quëran Yosë cantanën cantarahuatonaꞌ, pipipi. Pipirahuatonaꞌ, Oriposë panënquë paꞌpi huachi.

Marcos 13:3

Ina quëran Oriposë panënquë paꞌsahuaton, inaquë huënsëconin. Caꞌtanoꞌsanënpitaráchin yaꞌhuëapi. Aquë quëran Yosë chinotopiso pëiꞌ notëërapi. Pitro, Santiaco, Coansha, Antërisë, inapitari itaponaꞌ:

Marcos 14:26

Nani Yosë cantanën cantarahuatonaꞌ, Oriposë panënquë paꞌpi.

Lucas 21:37

Nani tahuëri Yosë chinotopiso pëiquë aꞌchinin. Tashiꞌ nipachina, Oriposë panënquë huëꞌëcaso marëꞌ paꞌnin.

Lucas 22:39

Ina quëran pipirahuaton, Oriposë panënquë paꞌnin. Nani tashiꞌ inaquë paꞌnin. Caꞌtanoꞌsanënpitarintaꞌ imapi.

Juan 8:1

Quisososo nipirinhuëꞌ Oriposë panënquë paꞌnin.

Hechos 1:12

Ina natanahuatonaꞌ, Oriposë panën quëran nohuaramarahuatonaꞌ, Quirosarinquë paantapi. Co aquëyahuëꞌ. Aꞌna quiromitro pochin aquërinsoꞌ.