Mateo 20:7 - Chayahuita (Shahui)

⁷ ‘Co sacachátëraraihuëꞌ. Co inso tërantaꞌ camairincoihuëꞌ niꞌtoi, ninaarai,’ itopi. ‘Inta nipachin, canpitantaꞌ iminëhuëquë sacatocoꞌ,’ itërin. Aꞌna oraíchin piꞌi yaꞌconacasoꞌ nisapirinhuëꞌ, paꞌpi sacataponaꞌ.

Mateo 20:7 ပူးပေါင်းရင်းမြစ်များ

Eclesiastés 9:10

Maꞌsona tëranta nicacasoꞌ yonquihuatan, yaꞌipi cancanën quëran niquëꞌ. Aꞌna tahuëri chiminpatan, co huachi manta nisaranhuëꞌ. Co manta yonquiaranhuëꞌ. Co inaquëso maꞌsha nitotërëhuëꞌ. Co inaquësoꞌ yonquínahuan ninëhuëꞌ.

Mateo 20:1

“Natanco iyaroꞌsaꞌ, Yosë huaꞌanëntërinsoꞌ aꞌchintaantaꞌinquëmaꞌ. Aꞌna quëmapi yaꞌhuërin, pancana noꞌpaꞌ huaꞌanëntërinsoꞌ. Inaquë opasáchin shaꞌnin. Panca imin yaꞌhuëtërin niꞌton, piyapiꞌsaꞌ nohuantërin iminënquë asacatacaso marëꞌ. Tashiramiachin paꞌnin sacatoroꞌsaꞌ yonípon.

Mateo 20:6

Iꞌhuaraya huarëꞌ naquëranchin cachiquë paantarahuaton, quëmapiꞌsaꞌ quënancoantarin. ‘¿Onpoatomataꞌ topinan huaniaramaꞌ? ¿Yaꞌipi tahuëri ipora co sacatëramahuëꞌ paꞌ?’ itoonin.

Mateo 20:8

Nani tashihuachina, huaꞌanëni inpriatonën shaꞌhuitërin: ‘Yaꞌipi sacatoroꞌsaꞌ amatahuaton, pahuërëquëꞌ. Iꞌhuaraya huarëꞌ sacatërinsopitaꞌton pahuërëquëꞌ,’ itërin.

Juan 9:4

Ipora chachin catahuarahuë. Yosë natëto, ina marëꞌ sacatarahuë. Co huaꞌquiꞌ isoroꞌpaquë yaꞌhuarëhuahuëꞌ. Aꞌna tahuëriáchin pochin yaꞌhuërëhuaꞌ. Shiarahuaton tashihuachin, co huachi nanitarihuahuëꞌ maꞌsha nicacasoꞌ.

Hechos 4:16

—¿Maꞌtaꞌ isopita onpotahuaꞌ? Apia nani anoyatopi. Yaꞌipi Quirosarinquë yaꞌhuëpisopita nitotopi. Nani niꞌpi. Co nanitërëhuahuëꞌ “Nonpinápi,” taꞌcasoꞌ.

Romanos 16:25

Nani tahuëriya Yosë chinotahuaꞌ. Yaꞌipi nanitaparin. Ina achinicancaninquëmaꞌ imamiatacamaso marëꞌ. Nanamën tëninso pochachin catahuarinquëmaꞌ. Ina nanan chachin aꞌchintëranquëmaꞌ. Quisocristo nanamën inasoꞌ. Iráca quëran huarëꞌ co nanamën nitotopirinahuëꞌ, iporasoꞌ Yosë anitotërinpoaꞌ.

Efesios 6:8

Noya nipatëhuaꞌ, Yosëꞌpaꞌ acanaarinpoaꞌ. Maꞌhuanoꞌsahuë nipon, piyapinënpitahuë nipon, yaꞌipinpoaꞌ noꞌtëquën shaꞌhuitarinpoaꞌ. Insosona noya nipachin, acanararin. Ina yonquiatomaꞌ, noya nicoꞌ.

Colosenses 1:26

Iráca iso nanan co nitotopihuëꞌ. Iporaso nipirinhuëꞌ imarëhuasopita anitotërinpoaꞌ. Yonquirinso chachin anitotërinpoaꞌ.

Hebreos 6:10

Yosë co topinan anaꞌintarinquëmahuëꞌ. Iráca noya ninamaꞌ. Imapisopita nosoroatomaꞌ, catahuaramaꞌ noya imacaso marëꞌ. Ipora huantaꞌ noya ninosoroaramaꞌ niꞌton, co Yosë naniantarinquëmahuëꞌ.