Mateo 20:6 - Chayahuita (Shahui)

⁶ Iꞌhuaraya huarëꞌ naquëranchin cachiquë paantarahuaton, quëmapiꞌsaꞌ quënancoantarin. ‘¿Onpoatomataꞌ topinan huaniaramaꞌ? ¿Yaꞌipi tahuëri ipora co sacatëramahuëꞌ paꞌ?’ itoonin.

Mateo 20:6 ပူးပေါင်းရင်းမြစ်များ

Eclesiastés 9:10

Maꞌsona tëranta nicacasoꞌ yonquihuatan, yaꞌipi cancanën quëran niquëꞌ. Aꞌna tahuëri chiminpatan, co huachi manta nisaranhuëꞌ. Co manta yonquiaranhuëꞌ. Co inaquëso maꞌsha nitotërëhuëꞌ. Co inaquësoꞌ yonquínahuan ninëhuëꞌ.

Mateo 20:5

Ina quëran camotëchin naquëranchin cachiquë paantarahuaton, aꞌnapitantaꞌ iminënquë aꞌparin sacatacaiso marëꞌ. Tëhuërënahuasoꞌ, inapotaantarin.

Mateo 20:7

‘Co sacachátëraraihuëꞌ. Co inso tërantaꞌ camairincoihuëꞌ niꞌtoi, ninaarai,’ itopi. ‘Inta nipachin, canpitantaꞌ iminëhuëquë sacatocoꞌ,’ itërin. Aꞌna oraíchin piꞌi yaꞌconacasoꞌ nisapirinhuëꞌ, paꞌpi sacataponaꞌ.

Mateo 20:9

Aꞌna oraíchin sacatopirinahuëꞌ, huëꞌpachinara, yaꞌipi tahuëri nanirinsoꞌ pahuërërin.

Juan 9:4

Ipora chachin catahuarahuë. Yosë natëto, ina marëꞌ sacatarahuë. Co huaꞌquiꞌ isoroꞌpaquë yaꞌhuarëhuahuëꞌ. Aꞌna tahuëriáchin pochin yaꞌhuërëhuaꞌ. Shiarahuaton tashihuachin, co huachi nanitarihuahuëꞌ maꞌsha nicacasoꞌ.

Hechos 17:21

Inaquë yaꞌhuëpisopita nasha nananoꞌsaꞌ paꞌyatopi. Nisha nisha aꞌchinpisoꞌ yanatanpi. Nisha piyapiꞌsaꞌ huëꞌpisopitantaꞌ yanatanpi.

Hebreos 6:12

Ama amitomarahuëꞌ, naꞌcon Yosë yonquicoꞌ. Noya natëpisopita nonancoꞌ. Inapitasoꞌ imamiatapi. “Yosë noꞌtëquën nontërinpoaꞌ,” taꞌtonaꞌ, noya natëapi. Maꞌsha onpoaponaraihuëꞌ, noya ahuantapi. Iráca Yosëri shaꞌhuitërinso chachin ninapi.