Mateo 20:3 - Chayahuita (Shahui)

³ Ina quëran yono piꞌiriahuasoꞌ, cachiquë paantarin aꞌna sacatoroꞌsaꞌ yoniantacaso marëꞌ. Aꞌnaquën quënancoantarin.

Mateo 20:3 ပူးပေါင်းရင်းမြစ်များ

Mateo 20:2

Aꞌnaquën quënanconahuaton: ‘Sacatocoꞌ,’ itohuachina, natanpi. ‘¿Onpo marëtaꞌ asacatarancoi?’ itohuachinara: ‘Aꞌnapita canapiso nápoꞌ pahuërëaranquëmaꞌ,’ itërin. ‘Noyahuaꞌ. Ina nápo marëꞌ niꞌquëhuarëꞌ, sacatarai,’ topachinara, iminënquë aꞌparin sacatacaiso marëꞌ.

Mateo 20:4

‘Canpitantaꞌ iminëhuëquë sacatocoꞌ noꞌtëquën pahuërëꞌinquëmaꞌ,’ itohuachina: ‘Noyahuaꞌ. Sacachii nipachin,’ taꞌtonaꞌ, inahuantaꞌ paantapi sacataponaꞌ.

Marcos 15:25

Yono piꞌirirahuasoꞌ, corosëquë patanantapi.

Hechos 16:19

Huaꞌanënpitaso nipirinhuëꞌ noꞌhuitopi. “Co huachi ninorinhuëꞌ niꞌton, co huachi canarëhuahuëꞌ,” taꞌtonaꞌ, Paono, Sirasërë chachin masahuatonaꞌ, cachiquë quëpapi ninano huaꞌanoꞌsaꞌ nontacaiso marëꞌ.

Hechos 2:15

‘Isopita noꞌpipi,’ topiramahuëꞌ, co noꞌpiraihuëꞌ. Co yono piꞌiyátërarinhuëꞌ. Co tashiramiachin noꞌpirëhuëꞌ. Ispirito Santo yaꞌcoancantërincoi niꞌton, naporai.

1 Timoteo 5:13

Aꞌnaquëontaꞌ topinan niꞌtaponaꞌ paꞌsápatonaꞌ, chiropi. Naporahuaton, maꞌtona maꞌtona nonsapi, pinotapi, co napocasohuëꞌ nipirinhuëꞌ.

Hebreos 6:12

Ama amitomarahuëꞌ, naꞌcon Yosë yonquicoꞌ. Noya natëpisopita nonancoꞌ. Inapitasoꞌ imamiatapi. “Yosë noꞌtëquën nontërinpoaꞌ,” taꞌtonaꞌ, noya natëapi. Maꞌsha onpoaponaraihuëꞌ, noya ahuantapi. Iráca Yosëri shaꞌhuitërinso chachin ninapi.