Mateo 20:23 - Chayahuita (Shahui)

²³ —Imaramaco niꞌton, canpitantaꞌ parisitapoma mini. Napoaponahuëꞌ, co casoꞌ nanitërahuëꞌ chiníquën nanan quëtaꞌhuanquëmasoꞌ. Tata Yosëíchin nanitërinsoꞌ. Inari nohuantërinsopita acoarin. Nani inapita marëꞌ taparin huachi, itërin.

Mateo 20:23 ပူးပေါင်းရင်းမြစ်များ

Mateo 13:11

“Yosë huaꞌanëntërinsoꞌ co insontaꞌ inaora yonquinën quëran nitotërinhuëꞌ. Canpitasoꞌ yaꞌipiya aꞌchintaranquëmaꞌ. Aꞌnapitaso nipirinhuëꞌ co yaꞌipi aꞌchintarahuëꞌ. Pënënto nanan quëransáchin aꞌchintarahuë.

Mateo 20:24

Ina quëran oshaquëran aꞌnapita caꞌtanoꞌsanënpitari natanpi. “Chini chiníquën nanantacaisoꞌ ¿nohuantopi ti?” taꞌtonaꞌ, noꞌhuipi.

Mateo 25:34

Ina quëran inchinanëhuë quëran acorahuësopita itarahuë: ‘Yaꞌipinquëmaꞌ huëcatomaꞌ, Yosë huaꞌanëntërinquë yaꞌconquicoꞌ. ¡Ma noyacha Tata Yosë nosororinquëma paya! Isoroꞌpaꞌ ninin quëran huarëꞌ yonquirinquëmaꞌ huaꞌanëntërinquë ayaꞌcoinquëmaso marëꞌ.

Marcos 10:40

Napoaponahuëꞌ, co casoꞌ nanitërahuëꞌ chiníquën nanan quëtaꞌhuanquëmasoꞌ. Tata Yosëíchin nanitërinsoꞌ. Inari nohuantërinsopita inchinanëhuë quëran ahuënsëarin. Nani inapita marëꞌ taparin huachi, itërin.

Hechos 12:2

Santiaco maconpi. Inasoꞌ Coansha iin. Mapachinara, sahuëniquë atëpatërin.

Romanos 8:17

Huiꞌninpoaꞌ niꞌton, naꞌcon naꞌcon catahuarinpoaꞌ. Aꞌna tahuëri yaꞌhuërinꞌpaꞌ noya acoarinpoaꞌ. Quisocristo noya acorinso pochin acoarinpoaꞌ canpoantaꞌ. Ina imarëhuaso marëꞌ aparisitopirinënpoahuëꞌ, inapochachin inarëꞌquënpoaꞌ noya noya yaꞌhuëcontarihuaꞌ.

1 Corintios 2:9

Napoaponahuëꞌ, Yosë quiricanënquë naporin: “Yosë nosorohuatëhuaꞌ, noya noya catahuarinpoaꞌ. Noya nininsopita nani tapatërinpoaꞌ. Co inso tërantaꞌ ina pochin niꞌchininhuëꞌ. Co incari tërantaꞌ nataninhuëꞌ. Yosë noya yonquirinpoasoꞌ, co insontaꞌ inaora nitotërinhuëꞌ,” tënin quiricanënquë.

2 Corintios 1:7

Canpitantaꞌ aparisitohuachinënquëmaꞌ, Yosë catahuarinquëmaꞌ chiníquën cancantacamaso marëꞌ. Napoaton co Yosë aꞌpoaramahuëꞌ. Chiníquën cancantatomaꞌ, imamiataramaꞌ, tënai. Ina marëꞌ noya cancantërai.

Colosenses 1:24

Imarëhuasopita marëꞌ Quisocristo chiníquën parisitërin. Parisitaton, huëntonënquë ayaꞌconinpoaꞌ. Ina quëran imarëhuasopitantaꞌ parisitacasoꞌ yaꞌhuërin aꞌnapitantaꞌ imacaiso marëꞌ. Napoaton ipora cantaꞌ parisitarahuë canpitantaꞌ imacamaso marëꞌ. Parisitaporahuëꞌ, noya cancantërahuë.

Hebreos 11:16

Nipirinhuëꞌ, co isoroꞌpaꞌ naꞌcon yonquipihuëꞌ. Yosë naꞌcon naꞌcon nohuantopi. Ina yaꞌhuërinquë chachin yaꞌhuëcaisoꞌ nohuantopi. Napoaton Yosë tapon: “Nóya yonquirinaco niꞌton, huiꞌnahuëpita pochin niꞌsarahuë. Aꞌna tahuëri inápaquë quëpantarahuë. Nani tapatërahuë yaꞌhuëcaisoꞌ,” tënin.

Apocalipsis 1:9

Ca Coanshaco ninshitaranquëmaꞌ. Canpitaroꞌco chachin imarahuë. Ina marëꞌ parisitopirëhuahuëꞌ, huaꞌanëntërinquë ayaꞌconinpoaꞌ. Quisocristo chachin catahuahuachinpoaꞌ, noya ahuantarëhuaꞌ. Yosë nanamën aꞌchinahuëso marëꞌ aparisitërinaco. Quisocristo imarahuë niꞌton, aꞌna soꞌtonꞌpaꞌ aꞌparinaco, Patomosë itopiquë.