Mateo 20:22 - Chayahuita (Shahui)

²² —Canpitasoꞌ co yaꞌipi nitochátëraramahuëꞌ niꞌton, co noꞌtëquën yonquiramahuëꞌ. Máin oꞌorëso pochin chiníquën parisitarahuë. Canpitantaꞌ aparisitohuachinënquëmaꞌ, ¿ahuantapomaꞌ ti? itërin. —Ahuantarai, topi cato chachin.

Mateo 20:22 ပူးပေါင်းရင်းမြစ်များ

Mateo 26:35

—Co Sinioro napoarahuëꞌ. Quëma imasaranquën niꞌton, yatëpapirinacohuëntaꞌ co onporontaꞌ nonpinapiaranquënhuëꞌ, itaantarin Pitrori. Inachachin topi yaꞌipiya.

Mateo 26:39

Amashamiachin paꞌsahuaton, isonconin. Noꞌpaquë huarëꞌ monshomarahuaton, Yosë nontërin: “Quëma nohuantohuatan Tata, nichaꞌëco ama maꞌsha onpoꞌisohuëꞌ. Main oꞌorëso pochin parisitaꞌhuasoꞌ yaꞌhuërin. Co parisitaꞌhuasoꞌ nohuantopirahuëꞌ, quëma nohuantohuatan, noya, tënahuë. Noꞌtëquën yanatëranquën,” itërin.

Mateo 26:42

Ina quëran paantarahuaton, Yosë nontaantarin. —Nohuantohuatan Tata, nichaꞌëco ama maꞌsha onpoꞌisohuëꞌ. Nipirinhuëꞌ co nohuantohuatanhuëꞌ, maꞌsona yaonpotohuatancontaꞌ noya, tënahuë. Noꞌtëquën yanatëranquën, itaantarin.

Mateo 26:56

Napoaponahuëꞌ, Yosë nohuanton, iporasoꞌ masaramaco. Quiricanën quëran ninorinacoso chachin masaramaco, itërin. Ina quëran yaꞌipi caꞌtanoꞌsanënpitari taꞌananpipi huachi.

Lucas 22:42

“Quëma nohuantohuatan Tata, nichaꞌëco, ama maꞌsha onpoꞌisohuëꞌ. Main oꞌorëso pochin parisitaꞌhuasoꞌ yaꞌhuërin. Co parisitaꞌhuasoꞌ nohuantaporahuëꞌ, quëma nohuantohuatan, maꞌsona yaonpotohuatancontaꞌ noya, tënahuë. Noꞌtëquën yanatëranquën,” itërin. [

Juan 18:11

Quisososo nipirinhuëꞌ co nohuantërinhuëꞌ. —Sahuëni iyasha poꞌmoantaquëꞌ. Tananpitëquëꞌ mainaco. Tatahuë nohuanton, masarinaco. Main oꞌorëso pochin chiníquën parisitarahuë. ¿Co ina nitotëranhuëꞌ ti? itërin.

Romanos 8:26

Iporasoꞌ co chiníquën cancantopirëhuahuëꞌ, Ispirito Santo catahuarinpoaꞌ. Yosë nontohuatëhuara, co nitotërëhuahuëꞌ maꞌsona itacaso nipirinhuëꞌ, catahuarinpoaꞌ. Cancanënpoa quëran inari Yosë nontërin. Tarëtarinso pochin ninin. Canpoasoꞌ co natanpirëhuahuëꞌ, Yosërisoꞌ natanin.

Santiago 4:3

Aꞌnaquëmaꞌ Yosë nontohuatamara, maꞌsha nipiramahuëꞌ, co quëtërinquëmahuëꞌ. Canpitaora nipaꞌyatacamaso marëꞌ maꞌsha nohuantëramaꞌ niꞌton, co quëtërinquëmahuëꞌ.