Mateo 20:16 - Chayahuita (Shahui)

¹⁶ Tëhuënchachin aꞌnaquënsoꞌ ipora co piyapiꞌsari noya niꞌpirinahuëꞌ, aꞌna tahuëri Yosëri nóya niꞌsarin. Aꞌnaquënso nipirinhuëꞌ ipora piyapiꞌsari noya niꞌpirinahuëꞌ, aꞌna tahuëri co Yosëri noya niꞌsarinhuëꞌ,” itërin Quisosori.

Mateo 20:16 ပူးပေါင်းရင်းမြစ်များ

Mateo 19:30

Aꞌnaquënso ipora chiníquën nanantopirinahuëꞌ, aꞌna tahuëri topinan piyapi pochin nisapi. Aꞌnaquënso nipirinhuëꞌ ipora topinan piyapi pochin nicaponaraihuëꞌ, aꞌna tahuëri chiníquën nanantapi, itërin Quisosori.

Mateo 21:31

Catoꞌ huiꞌnin chachin shaꞌhuitopirinhuëꞌ, ¿insoaritaꞌ natërinsoꞌ? itërin Quisosori. —Yaꞌnan camairinsoꞌ paꞌpin natëton, sacatërin, itopi. —Noꞌtëquën naporamaꞌ. Aꞌnasoꞌ “Paꞌi nipachin,” taponahuëꞌ, co paꞌninhuëꞌ. Inapochachin copirno marëꞌ coriqui maꞌpatonaꞌpiroꞌsaꞌ, monshihuanaꞌpiroꞌsaꞌ, inapita co noyahuëꞌ yonquipirinahuëꞌ, iporasoꞌ ina naniantahuatonaꞌ, Yosë imasapi. Imatonaꞌ, tëhuënchachin huaꞌanëntërinquë yaꞌconapi. Canpitaso nipirinhuëꞌ co yayaꞌconamahuëꞌ.

Mateo 22:14

Inapochachin notohuaroꞌ piyapiꞌsaꞌ Yosëri amatërin huëntonënquë yaꞌconacaiso marëꞌ. Naꞌa natanpirinahuëꞌ, caraíchin huayonin,” itërin.

Mateo 7:13

Ina quëran itaantarin: “Niꞌcoꞌ. Catoꞌ ira yaꞌhuërin. Aꞌnasoꞌ pancana. Co sacaihuëꞌ paꞌtacasoꞌ niꞌton, naꞌa piyapiꞌsaꞌ ina paꞌtapi. Yaꞌcoanamënsoꞌ pancana nipirinhuëꞌ, ina paꞌtohuatamaꞌ, parisitopiquë paatomaꞌ, parisitomiatápomaꞌ. Aꞌna iraso nipirinhuëꞌ, sacai pochin paꞌtacasoꞌ. Yaꞌcoanamënsoꞌ yamianashaꞌhuaya. Caraíchin piyapiꞌsaꞌ ina quënanpi. Inaquë yaꞌconpatamaꞌ, nanpimiataramaꞌ. Ina ira paꞌtocoꞌ. Sacaiꞌ Yosë imacasoꞌ niponahuëꞌ, chiníquën cancantatomaꞌ, imaco huachi,” tënin Quisoso.

Marcos 10:31

Aꞌnaquën ipora chiníquën nanantopirinahuëꞌ, aꞌna tahuëri topinan piyapi pochin nisapi. Aꞌnaquënso nipirinhuëꞌ, ipora topinan piyapi pochin nicaponahuëꞌ, aꞌna tahuëri chiníquën nanantapi, itërin Quisosori.

Lucas 14:24

Yaꞌnan amatërahuësopitasoꞌ, co huachi caꞌpainacosoꞌ nohuantërahuëꞌ niꞌton, inapocoꞌ,” itërin huaꞌani, tënin Quisoso.

Lucas 15:7

Inapochachin Yosë niꞌninpoaꞌ. Noya piyapi yaꞌhuëhuachin, Yosëri noya niꞌsarin. Nipirinhuëꞌ, oshahuanoꞌsantaꞌ nosororin. Aꞌnaya tërantaꞌ co noyahuëꞌ yonquirinsoꞌ naniantohuachin, Yosë yaꞌhuërinquëntaꞌ capa cancantomiatapi,” itërin Quisosori.

Lucas 7:47

Tëhuënchachin naꞌcon oshahuanpirinhuëꞌ, oshanën inquitarahuë. Napoaton naꞌcon naꞌcon nosororinco, tënahuë. Aꞌnaquënso nipirinhuëꞌ, “Co aquëtëꞌ oshahuanahuëꞌ,” taꞌtonaꞌ, co onpopinchin nosororinacohuëꞌ, tënin.

Romanos 5:20

Iráca Moisësë pënëntërin oshahuanëhuasoꞌ anitotinpoaso marëꞌ. Ina quëran naꞌcon oshahuanëhuasoꞌ nitotërëhuaꞌ. Naꞌcon oshahuanpirëhuahuëꞌ, inaora nohuanton, Yosë naꞌcon naꞌcon nosororinpoaꞌ.

Romanos 8:30

Nohuantërinpoaꞌ niꞌton, huëntonënquë chachin ayaꞌconinpoaꞌ. Oshanënpoaꞌ inquitatonpoaꞌ, noya niꞌninpoaꞌ. Ina nohuanton, aꞌna tahuëri inápaquë noya noya acoarinpoaꞌ.

Romanos 9:30

Napoahuarëꞌ ¿maꞌtaꞌ tëcarihuaꞌ? tënahuë yonquiato. Nisha piyapiꞌsaꞌ huaꞌquiꞌ co Yosë yonquipirinahuëꞌ, inari anoyacancantërin. “Yosë noꞌtëquën nonin,” taꞌtonaꞌ natëpi. Napoaton noya niꞌnin.

1 Tesalonicenses 2:13

Yosë nanamën aꞌchintohuatëinquëmara, noya natanamaꞌ. “Co piyapi yonquirinsoꞌ aꞌchintërinpoahuëꞌ. Yosë nanamën chachin aꞌchintërinpoaꞌ,” tënamaꞌ. Tëhuënchachin Yosë nanamën niꞌton, ina natëhuatamaꞌ, nanamën quëran anoyacancantarinquëmaꞌ. Ina marëꞌ nani tahuëri “Yosparinquën,” itërai Yosë.