Mateo 20:12 - Chayahuita (Shahui)

¹² ‘Pasopitasoꞌ, aꞌna oraíchin sacatopi. Quiyaso nipirinhuëꞌ, yaꞌipi tahuëri sacatërai. Tashiramiachin quëran huarëꞌ piꞌi piꞌcarincoi. Huaꞌquiꞌ sacatopiraihuëꞌ, napopianachin pahuërërancoi. Co noꞌtëquën pahuërërancoihuëꞌ,’ itërin aꞌnari.

Mateo 20:12 ပူးပေါင်းရင်းမြစ်များ

Jonás 4:8

Piꞌi pipihuachina Yosësoꞌ: “¡Ipora tahuëri paꞌpi chiníquën piꞌi piꞌcachin!” tënin. Napohuachina, paꞌpi chiníquën piꞌi piꞌcataton Conasë yatëparin. Piꞌi tapinantochináchin ninatanaton yachiminin: —Chiminahuë naporini, noya noya niitonhuëꞌ, tënin noꞌhuitaton.

Malaquías 1:13

Canpitaso nonpatamara, napomantaramaꞌ: ‘Maꞌcháchinta Yosë marëꞌ sacatatëhua poꞌsárëhuasoꞌ,’ tënamaꞌ. Napoatoma nocanamaco. Ihuatëramasohuë nipon, ohuaca sonpachahuë nipon, caniaꞌpihuë nipon, quëshitomaco chinotamacoso marëꞌ aꞌnotohuatamacora: ‘Noya ipora ina marëꞌ Sinioro cancantërin,’ toconamaꞌ.

Malaquías 3:14

Naporamaꞌ: ‘Topinan quëran Yosë imarai. Noya natëpiraihuëꞌ, co manta canaraihuëꞌ. Co noyahuëꞌ ninëhuaso aꞌpocaso marëꞌ Yosë chinotohuatëhuara, sëtohuachinara aꞌmopiso aꞌmorëhuaꞌ. Ina pochin aꞌmotëhua canpoantaꞌ, Yosë chinotopirëhuahuëꞌ, topinan quëran napoarëhuaꞌ.

Mateo 20:11

Coriqui maꞌpataponaraihuëꞌ, huaꞌanën noꞌhuiconpi.

Lucas 12:55

Sor parti quëran chiníquën ihuantohuachina, ‘Huënoca yaꞌhuëapon,’ tënamaꞌ. Naporoꞌ huënocatërin.

Romanos 3:27

Napoaton co inso tëranta nocanacasoꞌ yaꞌhuërinhuëꞌ, tënahuë. Co pënëntërinsoꞌ natërëhuaso marëꞌ Yosë noya niꞌninpoahuëꞌ. Quisocristo naporinsoꞌ natërëhuaso marëꞌ nichaꞌërinpoaꞌ niꞌton, co aꞌnapita nocanacasoꞌ yaꞌhuërinhuëꞌ.

Romanos 3:30

Aꞌnaíchin Yosë yaꞌhuërin. Yaꞌipinpoaꞌ napopianachin nosororinpoaꞌ. Cotioroꞌsantaꞌ, nisha piyapiꞌsantaꞌ, Quisocristo imapachinaꞌ, anoyacancantarin.

1 Corintios 4:11

Iporahuantaꞌ parisitarai. Aꞌna tahuëri tana natanai. Yamororai. Aꞌmocaꞌhuaisontaꞌ pahuantërincoi. Ahuërinacoi. Paꞌsápatoi, co huachi yaꞌhuëmiatëraihuëꞌ.

Efesios 3:6

Naꞌa piꞌipi cotioroꞌsaráchin Yosë chinotopi. “Nichaꞌësaranquëmaꞌ,” itaton, Yosëri naꞌcon catahuarin. Iporaso nipirinhuëꞌ nisha piyapiꞌsanquëmantaꞌ catahuarinquëmaꞌ. Noya nanan natanatomaꞌ, Quisocristo imaramaꞌ niꞌton, canpitantaꞌ nichaꞌësarinquëmaꞌ. Napoaton aꞌna huëntoínchin pochin ninëhuaꞌ.

Santiago 1:11

Niꞌcoꞌ. Piꞌi chiníquën picatohuachina, papotërinsoꞌ aꞌnaroáchin ahuirin. Yanconëontaꞌ anotohuachina, co huachi noyápiachin nininhuëꞌ. Ahuirin huachi. Inapochachin maꞌhuanoꞌsantaꞌ aꞌna tahuëri chiminapi antaꞌ. Sacatápirinahuëꞌ, chiminaponaꞌ. Nani maꞌsha yaꞌhuëtopirinahuëꞌ, patapi.