Mateo 2:9 - Chayahuita (Shahui)

⁹ Ina natanahuatonaꞌ, paꞌpi huachi. Paꞌsapirinahuëꞌ, aꞌnanaya tayora quënaantapi. Yaꞌhuëpiquë niꞌpiso chachin inápaquë paaton, quëchitërarin. Huaꞌhuasha yacapatërinquë chachin tayora chiniconin.

Mateo 2:9 ပူးပေါင်းရင်းမြစ်များ

Proverbios 8:17

Nosororinacosopita, carinta nosororahuë. Inpitaso cancantohuachinaco, quënanarinaco.

Mateo 2:10

Ina niꞌsahuatonaꞌ, paꞌpi paꞌyatopi. Capa cancantatonaꞌ, pëiquë yaꞌconpi. Inaquë huaꞌhuasha quënanconpi. Aꞌshiontaꞌ yaꞌhuarin, Maria itopisoꞌ. Huaꞌhuasha quënanahuatonaꞌ, isonconahuatonaꞌ, chinotopi. Ina quëran caposoaꞌhuayanënapita iꞌsoatahuatonaꞌ, maꞌsha paꞌton nininsoꞌ quëtopi. Oro, yonarin pochin pimóchin nininsoꞌ, yaquiꞌ pimóchin nininsoꞌ inapita quëtopi.

Mateo 2:2

—¿Insëquëtaꞌ nasha copirno nasitërin? Cotio copirno yaꞌconacasoꞌ nani nasitërin ipora. Yaꞌhuërai parti yaꞌhuasocoi, nasha tayora yaꞌnorinsoꞌ quënanai. Ina nicatoi: “Yosëri aꞌpaimarinsoꞌ nasitërin huachi,” taꞌtoi, huëꞌnai ina chinotapoi, itëraꞌpiapi.

Mateo 2:8

—Pirinꞌpaꞌ nasha copirno nasitërin ipora. Inatohuaꞌ paatomaꞌ, noyá yonícoꞌ. Huaꞌhuasha quënanpatamaꞌ, huënantatomaꞌ, shaꞌhuitiintaco cantaꞌ paato chinochi, itërin nonpintaton.

2 Pedro 1:19

Ina yonquiatoi: “Ma noꞌtëquëncha Yosëri ninorin paya,” tënai. Iráca quëra huarëꞌ pënëntonaꞌpiroꞌsaꞌ ninshitërinënpoaꞌ. Yosë nohuanton, coꞌhuara nasichátëraponhuëꞌ, Quisocristo napocasoꞌ ninopi. “Noꞌtëquën ninshitopi,” taꞌtoi, quiricanën naꞌcon natërai. Canpitantaꞌ ina nontatomaꞌ, yonquicoꞌ. Noꞌtëquën anitotërinpoaꞌ. Tashiꞌ nipachina, nanparin noya aꞌpintërinpoaꞌ. Inapochachin Yosë quiricanën quëran aꞌpintërinpoaꞌ noꞌtëquën yonquicaso marëꞌ. Tahuërianpitaquë huarëꞌ nanparin noya orotërin. Inapochachin ipora Quisocristo oꞌmantaquë huarëꞌ quiricanën yaꞌhuëtërinpoaꞌ ina nohuitacaso marëꞌ. Oꞌmantahuachin, noyá nohuitarihuaꞌ. Huënio tayora huënaráchin aꞌpininso pochin aꞌpintarinpoaꞌ.