Mateo 2:4 - Chayahuita (Shahui)

⁴ Copirno paꞌyanaton, cotio maistroꞌsaꞌ, corto huaꞌanoꞌsaꞌ, inapita amatërin. Amatahuaton, natanin. —¿Insëquëtaꞌ Cristo Yosëri aꞌpaimarinsoꞌ nasitapon? itërin.

Mateo 2:4 ပူးပေါင်းရင်းမြစ်များ

Esdras 7:6

Istrasësoꞌ, iráca pënëntërinsoꞌ quirica nóya nitotaton, aꞌchinaꞌpi yaꞌconin. Ina quiricaquë Sinioro nohuanton Moisësë ninshitërin. Naporahuaton Siniorori noya catahuarin. Napoaton Artaquirquisë copirnori yaꞌipi nataninsopita catahuacaso marëꞌ quëtërin. Inapoaton inasoꞌ, Papironia quëran Quirosarinquë huëntarin. Aꞌna huëntonaꞌ, israiroꞌsari imaquipi. Inapitasoꞌ aꞌnaquën corto huaꞌanoꞌsaꞌ. Aꞌnaquëntaꞌ, nihuiroꞌsaꞌ. Aꞌnapitasoꞌ, cantanaꞌpiroꞌsaꞌ. Aꞌnapitantaꞌ, yaꞌcoana aꞌpairoꞌsaꞌ. Aꞌnaquënsoꞌ, Yosë chinotacaso pëiquë sacatopisopita. Artaquirquisë nani canchisë piꞌipi copirno yaꞌconinso nisapasoꞌ, Quirosarinquë canquipi. Yaꞌnatiirinso yoquiquë yaꞌnatiirinso tahuëri chachin pipipi. Napoaponaraihuëꞌ, aꞌnatërápo yoqui nisahuaton, aꞌna tahuëri quëran Quirosarinquë canquipi. Siniorori catahuarin niꞌton, noya iratopi.

Salmos 2:2

Copirnoroꞌsaꞌ, huaꞌanoꞌsaꞌ, inapita niyontonpi. Sinioro ahuëcaiso marëꞌ nishaꞌhuitapi. Copirno huayoninso tërantaꞌ, co nohuantopihuëꞌ:

Malaquías 2:7

Ina pochin mini corto huaꞌanoꞌsasoꞌ, piyapiꞌsa aꞌchintacaiso yaꞌhuërin. Aꞌchintohuachinaꞌ, nohuitarinaco huachi. Yaꞌipi piyapiꞌsa inapitari aꞌchintacaiso marëꞌ paapacaiso yaꞌhuërin. Ca Sinioroco yaꞌipi nanitaparahuësoꞌ, inapita quëran anitotaranquëmaꞌ.

Mateo 13:52

—Yosë quiricanën nani nitotaramaꞌ. Yosë huaꞌanëntërinsoꞌ aꞌchintëranquëmaꞌ niꞌton, pëiꞌ huaꞌanën pochin nisaramaꞌ. Pëiꞌ huaꞌanën noya nipachina, yaꞌipi pëinënquë yaꞌhuëpisopita noya nocomarin. Nani naꞌcon aꞌchintëranquëmaꞌ Yosë nanamën aꞌchinacamaso marëꞌ. Iráca ninshitopisoꞌ nitotëramaꞌ. Naporahuaton, aꞌnantaꞌ nashamiachin aꞌchintaranquëmaꞌ. Yaꞌipiya nitotatomaꞌ, aꞌchintëraꞌpiaramaꞌ, itërin Quisosori.

Mateo 2:3

Ina natantahuaton, copirno Irotisë paꞌyanin. Quirosarinquë yaꞌhuëpisopitantaꞌ paꞌyanpi.

Mateo 2:5

—Cotia parti chachin nasitapon. Pirinquë nasitapon, itopi. Iráca pënëntonaꞌpi ninoton, Yosë quiricanënquë ninshitërin.

Mateo 21:15

Cotio maistroꞌsaꞌ, corto huaꞌanoꞌsaꞌ, inapitasoꞌ niꞌsápi. Huaꞌhuaroꞌsaso nipirinhuëꞌ paꞌyatatonaꞌ, chiníquën nonsapi. “¡Ma noyacha Quisososo paya! Tapicoꞌ shiin inasoꞌ. Yosë chachin aꞌpatimarinpoasoꞌ,” tosapi. Ina natanahuatonaꞌ, huaꞌanoꞌsari noꞌhuipi.

Mateo 21:23

Ina quëran Yosë chinotopiso pëiquë paantarin piyapiꞌsaꞌ aꞌchintantacaso marëꞌ. Aꞌchinaquëyaꞌ, cotio ansianoꞌsaꞌ, corto huaꞌanoꞌsaꞌ, inapita huëꞌpi. —¿Onporahuatontaꞌ chiníquën nanantaton, nipaꞌantopisopita aꞌparan? ¿Intaꞌ nanan quëtërinquën ina pochin nicacasoꞌ? Shaꞌhuitocoi, itopi.

Mateo 26:3

Ina quëran corto huaꞌanoꞌsaꞌ, cotio ansianoꞌsaꞌ, inapita Caihuasë pëinënquë niyontonpi. Inasoꞌ corto huaꞌan, chini chiníquën nanantërin.

Mateo 26:47

Nontaso chachin, Cotasë canquirin. Inantaꞌ Quisoso caꞌtanaponahuëꞌ, yashaꞌhuirapirin. Inarëꞌ naꞌa piyapiꞌsaꞌ huëꞌsapi, corto huaꞌanoꞌsaꞌ, cotio ansianoꞌsaꞌ, inapitari aꞌpapisopita. Sahuëni, shonqui, inapita sëꞌquërahuatonaꞌ huëꞌsapi.

Mateo 27:1

Tahuërianpitohuachina, yaꞌipi corto huaꞌanoꞌsaꞌ, cotio ansianoꞌsaꞌ, inapita napopianachin yonquipi Quisoso atëpatacaiso marëꞌ.

Mateo 7:29

Co huaꞌanhuëꞌ niponahuëꞌ, chiníquën nanantaton, aꞌchintërinpoaꞌ. Co cotio maistroꞌsasoꞌ ina pochin aꞌchinpihuëꞌ,” topi.

Marcos 8:31

Naporo quëra huarëꞌ chiminacasoꞌ ninoton, caꞌtanoꞌsanënpita shaꞌhuitërin. —Yosë quëran quëmapico niporahuëꞌ, naꞌcon parisitaꞌhuasoꞌ yaꞌhuërin. Cotio ansianoꞌsaꞌ, corto huaꞌanoꞌsaꞌ, cotio maistroꞌsaꞌ, inapita co huachi nohuantarinacohuëꞌ. Tëpararinaco. Chiminaporahuëꞌ, cara tahuëri quëran nanpiantarahuë, itërin Quisosori.

Lucas 20:19

Ina natanatonaꞌ, corto huaꞌanoꞌsaꞌ, cotio maistroꞌsaꞌ, inapitasoꞌ noꞌhuitopi: “Chinotatonpoaꞌ, pënënarinpoaꞌ,” taꞌtonaꞌ, yamapirinahuëꞌ tashinan pëiquë poꞌmocaiso marëꞌ. Piyapiꞌsaꞌ tëꞌhuatatonaꞌ, co mapihuëꞌ.

Lucas 23:10

Corto huaꞌanoꞌsaꞌ, cotio maistroꞌsaꞌ, inapita huëcatonaꞌ, Quisoso shaꞌhuirapiapirinahuëꞌ, co mantaꞌ tëninhuëꞌ.

Juan 18:3

Corto huaꞌanoꞌsaꞌ, parisioroꞌsaꞌ, inapita nani shaꞌhuitonin. Natanahuatonaꞌ, sontaroꞌsaꞌ, ponisiaroꞌsaꞌ, inapita aꞌpapi Quisoso macacaiso marëꞌ. Nansa, sahuëni, inapita quëpapi. Tashiꞌ niꞌton, nanparin, yonarin, inapitantaꞌ quëpapi. Cotasëri quëchitërahuaton, aꞌnotërin.

Juan 3:10

—Quëmasoꞌ Israiro maistronquën niponahuëꞌ, ¿co nitotëranhuëꞌ ti?

Juan 7:32

Ina pochin ninontopisoꞌ, parisioroꞌsaꞌ natantopi. Natantahuatonaꞌ, corto huaꞌanoꞌsarë chachin ponisiaroꞌsaꞌ aꞌpapi Quisoso macacaiso marëꞌ.

Juan 8:3

Cotio maistroꞌsaꞌ, parisioroꞌsaꞌ, inapita huëcatonaꞌ, aꞌna sanapi quëpi. Soꞌyahuan nipirinhuëꞌ, nisha quëmapiri ichihuëꞌërin. Nani quënanpi niꞌton, masahuatonaꞌ, Quisosoquë quëpi. Sanapi huancánachin ahuanirahuatonaꞌ, Quisoso itaponaꞌ:

Hechos 23:9

Napoaton ninontatonaꞌ, noncaroapi. Parisio maistroꞌsaꞌ huanirahuatonaꞌ, chiníquën nonpi. —Iso quëmapisoꞌ noya, tënai. Co mantaꞌ onporinhuëꞌ. Anquëni noninsoꞌ natamara. Huaꞌyani aꞌna nontomara, tënin aꞌnaquën. Napohuachinara, satosioroꞌsaꞌ noꞌhuitopi.

Hechos 4:5

Tahuëririnquë yaꞌipi cotio huaꞌanoꞌsaꞌ niyontonpi. Corto huaꞌanoꞌsaꞌ, ansianoꞌsaꞌ, maistroꞌsaꞌ, inapita huëꞌpi. Quirosarinquë chachin niyontonpi.

Hechos 6:12

Ina pochin nonatonaꞌ, naꞌa piyapiꞌsaꞌ anoꞌhuitopi. Cotio ansianoꞌsaꞌ, cotio maistroꞌsaꞌ, inapitantaꞌ anoꞌhuitopi. Co huachi Istipan noya niꞌpihuëꞌ. Napoaton maconpi. Maconahuatonaꞌ, quëpapi cotio huaꞌanoꞌsari natanacaiso marëꞌ.