Mateo 2:19 - Chayahuita (Shahui)

¹⁹ Naporoꞌ Cosisoꞌ Iquipitoquë yacapatarin. Irotisë chiminpachina, Yosë anquëninëni yaꞌnotantarin. Huaꞌnarinso pochin Cosiri quënanin.

Mateo 2:19 ပူးပေါင်းရင်းမြစ်များ

Salmos 139:7

Ispiritonën pataꞌhuasoꞌ, ¡co onporonta nanichitohuëꞌ! Taꞌananpipiranquënhuë tërantaꞌ, ¡co onporo pachitënquënhuëꞌ!

Mateo 1:20

Huëꞌësoꞌ, Yosë anquëninëni yaꞌnotimarin nontacaso marëꞌ. —Tashita Cosi. Carinquën nohuitëranquën. Quëmasoꞌ Tapicoꞌ shinquën. Piꞌpian shaꞌhuitaponquën oꞌmarahuë. Maria noya maquëꞌ. Co quëmapiri sëꞌhuarinhuëꞌ. Ispirito Santo nohuanton, inaora cayorin. Napoaton noya maquëꞌ.

Mateo 2:20

—Huaꞌhuasha tëpanaꞌpi nani chiminin niꞌton, israiroꞌsaꞌ yaꞌhuëpiquë panantaquëꞌ. Huaꞌhuasha aꞌshinë chachin quëpantaquëꞌ, itërin.

Mateo 2:22

Canconahuaton, nanan natantërin. “Irotisë huiꞌnin yaꞌhuërëꞌ huaꞌanëntantarin. Ariquirao itopisoari paꞌpin yaꞌhuërëtërin,” topi, natantërin. Ina tëꞌhuataton, co nohuantërinhuëꞌ inatohuaꞌ yaꞌhuëcasoꞌ. Naporahuaton, huaꞌnantarin. —Ama copirno yaꞌhuërinquë chachin panantaquësohuëꞌ, itërin anquëniri. Ina natanahuaton, Cariria parti paꞌnin yaꞌhuëcaso marëꞌ.

Mateo 27:19

Huaꞌan shiranënquë huënsëasoꞌ, saꞌinintaꞌ nanan aꞌpatiirin Quisoso ocoicaso marëꞌ. “Achin tashiꞌ aꞌninquëchin huaꞌnarahuë. Quisoso huaꞌnato, chiníquën paꞌyanahuë. Inasoꞌ noya quëmapi. Co mantaꞌ onporinhuëꞌ niꞌton, nichaꞌëquëꞌ. Co tëpacasoꞌ yaꞌhuërinhuëꞌ,” itërin saꞌini. Ina marëntaꞌ Piratori co yatëparinhuëꞌ.

Hechos 5:19

Yono tashiꞌ Sinioro anquëninën huëꞌsahuaton, yaꞌcoana iꞌsoatiirin. Caꞌtanoꞌsaꞌ aipiran quëparahuaton, shaꞌhuitërin: