Mateo 2:13 - Chayahuita (Shahui)

¹³ Tayora nitotonaꞌpiroꞌsaꞌ paꞌpachinara, Yosë anquëninëni huëꞌënquë Cosi yaꞌnotahuaton itapon: —Copirno nani chinotërin huaꞌhuasha tëpacaso marëꞌ. Apira sontaroꞌsaꞌ aꞌpararin ina yonicaiso marëꞌ. Napoaton aꞌnaroáchin ichitaꞌaquëꞌ. Aꞌshinë chachin Iquipitoꞌpaꞌ quëpaquëꞌ. Inaquë yacapatëquëꞌ. Noya huënantacasoꞌ nipachin, shaꞌhuitantaranquën, itërin anquëniri.

Mateo 2:13 ပူးပေါင်းရင်းမြစ်များ

1 Reyes 3:5

Naporo tashi chachin Siniorori huëꞌënquë yaꞌnotahuaton itapon: “Maꞌsona nohuantëransoꞌ natanco acochinquën,” itërin.

Éxodo 1:22

Huaraonso nipirinhuëꞌ, piyapinënpita itapon: “Israiroaꞌhuaroꞌsa quëmapiaꞌhuaya nasitohuachin, iꞌquë tëꞌyaitoco chimiichin. Sanapiaꞌhuaroꞌsaso nipirinhuëꞌ, noya nanpiꞌinaꞌ,” itërin.

Mateo 1:20

Huëꞌësoꞌ, Yosë anquëninëni yaꞌnotimarin nontacaso marëꞌ. —Tashita Cosi. Carinquën nohuitëranquën. Quëmasoꞌ Tapicoꞌ shinquën. Piꞌpian shaꞌhuitaponquën oꞌmarahuë. Maria noya maquëꞌ. Co quëmapiri sëꞌhuarinhuëꞌ. Ispirito Santo nohuanton, inaora cayorin. Napoaton noya maquëꞌ.

Mateo 10:23

Aparisitohuachinënquëmaꞌ, aꞌna ninanoquë paantacoꞌ. Inaquëntaꞌ aꞌchiantacoꞌ. Naꞌa ninanoroꞌsaꞌ Cotia parti yaꞌhuërin. Co yaꞌipi ninanoroꞌsaquë paꞌshatërasënquëmahuëꞌ, cantaꞌ oꞌmantararahuë. Yosë quëran quëmapico niꞌto, aꞌna tahuëri oꞌmantarahuë Yosë huaꞌanëntërinsoꞌ acocaꞌhuaso marëꞌ.

Mateo 2:12

Ina quëran tashiꞌ huëꞌësoiꞌ, Yosë nohuanton, huaꞌnapi. —Ama copirno yaꞌhuërinquë pantatomaꞌ, shaꞌhuitocosohuëꞌ, itërin anquëniri. Napoaton aꞌna ira paꞌtahuatonaꞌ, yaꞌhuëpiꞌpaꞌ canconpi huachi.

Mateo 2:14

Natanahuaton, aꞌnaroáchin Cosi huënsëintarin. Tashiꞌ nipirinhuëꞌ, huaꞌhuasha quëparin. Aꞌshinë chachin ichitaꞌarahuaton, Iquipitoꞌpaꞌ paꞌpi.

Mateo 2:16

Copirno Irotisësoꞌ tayora nitotonaꞌpiroꞌsaꞌ ninarápirinhuëꞌ, co yaꞌnopihuëꞌ. “Nonpintërinaco ipora,” taꞌton, chiníquën noꞌhuitërin. Noꞌhuitaton, sontaroꞌsaꞌ Pirinꞌpaꞌ aꞌparin quëmapiaꞌhuaroꞌsaꞌ tëpacaiso marëꞌ. “Iꞌhuá chachin tayora yaꞌnorin niꞌton, co canopiaꞌhuaroꞌsaráchin tëpacasoꞌ yaꞌhuërinhuëꞌ. Catoꞌ piꞌipitërinquë huarëꞌ tëpacoꞌ,” itahuaton, aꞌparin. Sontaroꞌsasoꞌ paꞌsahuatonaꞌ, yaꞌipi quëmapiaꞌhuaya Pirinquë yaꞌhuërinsopita tiquipi. Yaꞌcariyantaꞌ yonitonaꞌ, catoꞌ piꞌipitërinquë huarëꞌ tëpapi.

Mateo 2:22

Canconahuaton, nanan natantërin. “Irotisë huiꞌnin yaꞌhuërëꞌ huaꞌanëntantarin. Ariquirao itopisoari paꞌpin yaꞌhuërëtërin,” topi, natantërin. Ina tëꞌhuataton, co nohuantërinhuëꞌ inatohuaꞌ yaꞌhuëcasoꞌ. Naporahuaton, huaꞌnantarin. —Ama copirno yaꞌhuërinquë chachin panantaquësohuëꞌ, itërin anquëniri. Ina natanahuaton, Cariria parti paꞌnin yaꞌhuëcaso marëꞌ.

Hechos 10:22

—Capitan Cornirio aꞌparincoi. Inasoꞌ nóya quëmapi. Nisha piyapi niponahuëꞌ, Yosë chinotërin. Yaꞌipi cotioroꞌsari noya niꞌpi. Iꞌhuara yaꞌhuasoꞌ, aꞌnanaya anquëniri yaꞌnotimarahuaton, shaꞌhuitimarin. “Piyapiꞌsaꞌ aꞌpaquëꞌ Pitro macontaꞌinaꞌ. Ina aꞌchintarinquën, noya natanquëꞌ,” itërin niꞌton, aꞌparincoi huëꞌnai, itërin.

Hechos 10:7

Anquëni paꞌpachina, catoꞌ piyapinën amatërin. Aꞌna sontarontaꞌ amatërin, nani tahuëri camairinsoꞌ. Inantaꞌ Yosë chinotërin.

Hechos 12:11

Naporoꞌ Pitro noꞌtëquën yonquirin: “Co huaꞌnarëso pochin niꞌnahuëꞌ. Sinioro chachin anquëninën aꞌpatimarinco nichaꞌëincoso marëꞌ. Irotisë, cotio huaꞌanoꞌsaꞌ, inapita yatëpapirinacohuëꞌ, nichaꞌërinco,” tënin.

Hechos 12:7

Aꞌnanaya Sinioro anquëninën inaquë yaꞌnotimarin. Huënaráchin aꞌpinin. Pitro pichianahuaton, ochinanin. “Manóton huënsëquëꞌ paꞌa,” itërin. Napotohuachina, tanpain quëran catina inaora niiꞌquiritërin. Cato quëran chachin niiꞌquiritërin.

Hechos 16:36

Ina natanahuaton, Paono itapon: —Coisëroꞌsaꞌ nanan aꞌpatërinaco ocoiaꞌhuainquëmaso marëꞌ. Napoaton noya pipicoꞌ, itërin huaꞌani.

Hechos 5:19

Yono tashiꞌ Sinioro anquëninën huëꞌsahuaton, yaꞌcoana iꞌsoatiirin. Caꞌtanoꞌsaꞌ aipiran quëparahuaton, shaꞌhuitërin:

Hechos 7:19

Cosi naporinsoꞌ co nitotërinhuëꞌ niꞌton, nonpintaton, israiroꞌsaꞌ aparisitërin. Ahuihuitahuaton, chiníquën asacatërin. Naporahuaton: “Quëmapiaꞌhua nasitohuachin, aipiran tëꞌyatocoꞌ chimiin,” itërin.

Josué 3:13

Corto huaꞌanoꞌsa Sinioro caposonën, pitënpi quëran nohuaraitapi. Inaso Sinioro, yaꞌipiroꞌpaꞌ huaꞌanëntërin. Ipora nohuaraitasoi chachin, Cortaniiso yanisarin huachi. Inapoaton pëtëtëran iꞌsha oꞌmarinsoꞌ, iꞌ paꞌcopitopiquë sanoirinso pochin nicapon,” itërin.

Josué 3:17

Corto huaꞌanoꞌsasoꞌ, Siniororëꞌ anoyatopiso caposonën pitënpi quëran huanirápi. Cortaniiꞌ huinquintërinso huáncana huanisoiꞌ, yaꞌipi aꞌnapita israiroꞌsasoꞌ, noꞌpaꞌ paꞌtatona pëntonpi.

Josué 4:10

Siniorori Cosoi quëran israiroꞌsa camairin. Yaꞌipi camaitërinso nicasoi corto huaꞌanoꞌsasoꞌ, Cortaniiꞌ yanirinso huáncana huanirápi. Siniororëꞌ anoyatopiso caposonën, pitënpi quëran huanirápi. Moisësënta ina pochin Cosoi camairin niꞌton, inapochin nipi. Manorahuatonaꞌ, Cortaniiꞌ yanirinso pëntontopi.

Josué 4:18

Corto huaꞌanoꞌsa pipihuachinara, naquëranchin Cortaniisoꞌ, inachachin niantarin. Coꞌhuara yaniyátëraponhuëꞌ paquiitërinso pochachin niantarin.

Apocalipsis 12:14

Yosëri catahuarin chaꞌëcaso marëꞌ. Panca onian pochin anpiantëhuanaton, taꞌarin. Co piyapi yaꞌhuërinquëhuëꞌ paꞌsahuaton, cara piꞌipi miria pochin inaquë naꞌpiarin. Yosë nohuanton, maꞌsha yaꞌhuërin capacasoꞌ.

Apocalipsis 12:4

Huinamën quëran inápaquë huihuicontahuachina, tayoraroꞌsaꞌ aꞌtëntontarahuaton, isoroꞌpaquë tëꞌyatimarin. Patoma pochin tëꞌyatimarin. Ina quëran huaꞌnarëso pochin quënantarahuë. Panca yaꞌhuan pochin nininsoꞌ paꞌnin. Sanapi notënanquë huaniarin. “Huaihuachin, huaꞌhuin matahuato, caꞌsarahuë,” taꞌton, ninararin.

Apocalipsis 12:6

Aꞌshinso nipirinhuëꞌ, co piyapi yaꞌhuërinquëhuëꞌ taꞌarin. Inaquë Yosëri nani tapatërin yaꞌhuëcaso marëꞌ. Cara piꞌipi miria pochin inaquë yaꞌhuarin niꞌton, cosharoꞌ quëtapi.