Mateo 19:30 - Chayahuita (Shahui)

³⁰ Aꞌnaquënso ipora chiníquën nanantopirinahuëꞌ, aꞌna tahuëri topinan piyapi pochin nisapi. Aꞌnaquënso nipirinhuëꞌ ipora topinan piyapi pochin nicaponaraihuëꞌ, aꞌna tahuëri chiníquën nanantapi, itërin Quisosori.

Mateo 19:30 ပူးပေါင်းရင်းမြစ်များ

Mateo 20:16

Tëhuënchachin aꞌnaquënsoꞌ ipora co piyapiꞌsari noya niꞌpirinahuëꞌ, aꞌna tahuëri Yosëri nóya niꞌsarin. Aꞌnaquënso nipirinhuëꞌ ipora piyapiꞌsari noya niꞌpirinahuëꞌ, aꞌna tahuëri co Yosëri noya niꞌsarinhuëꞌ,” itërin Quisosori.

Marcos 10:31

Aꞌnaquën ipora chiníquën nanantopirinahuëꞌ, aꞌna tahuëri topinan piyapi pochin nisapi. Aꞌnaquënso nipirinhuëꞌ, ipora topinan piyapi pochin nicaponahuëꞌ, aꞌna tahuëri chiníquën nanantapi, itërin Quisosori.

Lucas 13:30

Aꞌnaquënsoꞌ ipora co piyapiꞌsari noya niꞌpirinahuëꞌ, aꞌna tahuëri Yosëri nóya niꞌsarin. Aꞌnaquënso nipirinhuëꞌ ipora piyapiꞌsari noya niꞌpirinahuëꞌ, aꞌna tahuëri co Yosëri noya niꞌsarinhuëꞌ, itërin Quisosori.

Gálatas 5:7

Canpitaso noya imasapiramahuëꞌ, ¿inta nonpintatënquëmaꞌ, nisha ayonquirinquëmaꞌ? tënahuë.

Hebreos 4:1

Yosë nani shaꞌhuitërinpoaꞌ. “Ipora huantaꞌ yacatahuaranquëmaꞌ sano cancantacamaso marëꞌ,” itërinpoaꞌ. Noya nanan nani natanëhuaꞌ. Iráca natanpirinahuëꞌ, co natëpihuëꞌ. “Yosë noꞌtëquën nontërinpoaꞌ,” co topihuëꞌ. Topinan quëran natanpi niꞌton, co Yosëri anoyacancantërinhuëꞌ. Niꞌcona canpitantaꞌ topinan quëran natantamaꞌ. Co natëhuatamahuëꞌ, co sano cancantaramahuëꞌ.