Mateo 19:26 - Chayahuita (Shahui)

²⁶ Yaꞌipiya notëërahuaton, itapon: —Co insontaꞌ inaora nanitërinhuëꞌ chaꞌëcasoꞌ. Yosëíchin nanitërin anoyacancantinquëmasoꞌ. Yaꞌipiya nanitaparin, itërin.

Mateo 19:26 ပူးပေါင်းရင်းမြစ်များ

Génesis 18:14

¡Caso Sinioroco niꞌto, yaꞌipi nohuantërahuësoꞌ nanitaparahuë nicaꞌhuasoꞌ! Aꞌna piꞌi quëran, nicaponquën huëantarahuë. Naporoꞌ Sara huaꞌhuanaton, huaꞌhuin ipoarin huachi, itërin.

1 Reyes 17:16

Siniorori piyapinën quëran shaꞌhuitërinso chachin arina, tomaꞌ, inapita yaꞌhuërinsoꞌ, co nitiquirinhuëꞌ. Yaꞌhuërachinin.

Copo naporinso' 42:2

“Quëmasoꞌ Sinioro tëhuënchachin yaꞌipi nanitaparan. Maꞌsona yanipatan, co insonta yaꞌcopiarinquënhuëꞌ ina nicacaso marëꞌ.

Números 11:23

Siniororiso napoaponahuëꞌ itapon: —“Co inaso nanitaparanhuëꞌ,” ¿itëranco ti? Inta nipachin. ¿In taꞌma noꞌtëquën noinpaꞌ? itërin.

Mateo 19:25

Ina natanahuatonaꞌ, paꞌyanpi. —Napoahuarëꞌ ¿chaꞌërëꞌpo taꞌma aꞌnaya tëranta nica? nitopi.

Mateo 19:27

—Niꞌquëꞌ Maistro. Quiyasoꞌ yaꞌipi maꞌshanëhuëi patahuatoi, imasarainquën. ¿Maꞌtaꞌ ina marëꞌ canapoi? itërin Pitrori.

Marcos 10:27

Yaꞌipiya notëërahuaton, Quisosori itapon: —Co insontaꞌ inaora nanitërinhuëꞌ chaꞌëcasoꞌ. Yosëíchin nanitërin anoyacancantinquëmasoꞌ. Yaꞌipiya nanitaparin, itërin.

Lucas 1:37

Yosë yaꞌipi nanitaparin, itërin anquëniri.

Lucas 18:27

—Co insontaꞌ inaora nanitërinhuëꞌ chaꞌëcasoꞌ. Yosëíchin nanitërin anoyacancantinquëmasoꞌ. Yaꞌipi nanitaparin, itërin Quisosori.

Hebreos 6:6

Quisocristo aꞌpohuachinaꞌ, ¿incaricha anoyacancantërëꞌpoiya? Co huachi nanitapihuëꞌ chaꞌëcaisoꞌ. Yosë huiꞌnin chachin canpoa marëꞌ chiminin. Co ina nohuantohuachinahuëꞌ, naquëranchin corosëquë patanantopiso pochin cancantapi. Ina aꞌpohuachinaꞌ, piyapisari Quisoso tëhuaponaꞌ.

1 Samuel 14:6

Papon pochin Conatansoꞌ, catahuarinso itapon: —Huiristino sontaroꞌsasoꞌ motopi aquëtëran yaꞌhuëapi. Inapitasoꞌ co canpoa pochin Yosë chinotopihuëꞌ. Huëquë inatohua paꞌa. Tapona Sinioro catahuarinpo inapita minsërëꞌ. Ina topachina caraíchinta nipirinahuëꞌ, inimicoroꞌsa minsëpi. Naꞌanta nipachina ina nohuanton minsëtopi, itërin.