Mateo 19:21 - Chayahuita (Shahui)

²¹ —Yosë pochachin cancantamasoꞌ nohuantohuatan, yaꞌipi maꞌshanënpita paꞌanconahuaton, coriqui canaransoꞌ saꞌahuaroꞌsaꞌ quëtëquëꞌ. Ina quëran imaco huachi. Co huachi maꞌsharáchin yonquihuatanhuëꞌ, inápaquë canamiataran, itërin Quisosori.

Mateo 19:21 ပူးပေါင်းရင်းမြစ်များ

Génesis 17:1

Apran iscon shonca iscon piꞌipitasoꞌ, Siniorori yaꞌnotahuaton, itapon: —Caso Yosëco, yaꞌipi nanitaparahuë. Natëtonco, nohuantërahuësoráchin niquëꞌ.

Génesis 6:9

Noi naporinso shaꞌhuichinquëmaꞌ: Noiso Yosëíchin natëton, nóya ninin. Naporo tahuëriꞌsa inaíchin Yosë nohuantërinso ninin.

Copo naporinso' 1:1

Oso parti itopiquë aꞌnara quëmapi yaꞌhuërin, Copo itopisoꞌ. Inasoꞌ noyasáchin nicaton, co manta tëhuërinhuëꞌ. Yosë noꞌtëquën natëton, co manta piyapiꞌsa maꞌsha onpotërinhuëꞌ.

Salmos 37:37

Noya nicaton noꞌtëquënáchin imarinsoꞌ, niꞌquëꞌ. Inasoꞌ co paꞌyan paꞌyan tëcatonhuëꞌ, sano cancantapon.

Mateo 16:24

Ina quëran yaꞌipi caꞌtanoꞌsanënpita itërin: —Yaimapatamaco, canpitaora nohuantëramasoꞌ naniantatomaꞌ, Yosë nohuantërinsoráchin imacoꞌ. Corosëquë chiníquën parisitërëꞌ. Canpitantaꞌ parisitapomarahuëꞌ, imamiatoco.

Mateo 19:20

—Huaꞌhuatapo quëran huarëꞌ inapita natërahuë. ¿Maꞌtaꞌ pahuantarinco nicaꞌhuasoꞌ? itaantarin maꞌhuani.

Mateo 19:22

Ina natanahuaton, co huachi noya cancantërinhuëꞌ. “Huaꞌhuayátërahuë maꞌsha yaꞌhuëtërinco,” taꞌton, sëtërin. Sëtaton, paꞌnin huachi.

Mateo 19:28

—Tëhuënchachin iyaroꞌsaꞌ canaaramaꞌ. Yosë quëran quëmapico niꞌto, aꞌna tahuëri yaꞌipiya anoyatarahuë. Naporoꞌ noya noya yaꞌnoato, huaꞌanëntacasoꞌ shiraquë huënsëarahuë. Inaquë coisë pochin noꞌtëquën shaꞌhuitarahuë. Canpitantaꞌ acoaranquëmaꞌ yaꞌipi israiroꞌsaꞌ shonca catoꞌ huënton chachin nininsoꞌ huaꞌanëntacamaso marëꞌ. Shonca catonquëmaꞌ napoaramaꞌ.

Mateo 4:19

—Huëcoꞌ iyaroꞌsaꞌ, imaquico aꞌchinchinquëmaꞌ. Sami manamaso pochachin piyapiꞌsaꞌ masaramaꞌ Yosë imacaiso marëꞌ, itërin Quisosori.

Mateo 5:48

Tata Yosë pochin cancantacasoꞌ yaꞌhuërin. Inaso noyasáchin ninin niꞌton, canpitantaꞌ ina pochin cancantatomaꞌ, noyasáchin nicoꞌ,” tënin.

Mateo 8:22

Quisosori itërin: —Aꞌnaquën co nohuantopihuëꞌ imainacosoꞌ. Chimipi pochin cancantopi. Inapitari paꞌpichinaꞌ. Quëmaso nipirinhuëꞌ ca naꞌcon naꞌcon yonquiatonco, imaco, itërin.

Mateo 9:9

Ina quëran Quisoso paantarahuaton, Matio quënanconin. Coriqui Noma copirno marëꞌ maꞌpatërinquë huënsëarin. Quisosori itapon: —Huëquëꞌ iyasha imaco, itërin. Itohuachina, aꞌnaroáchin huanirahuaton, imarin.

Marcos 10:21

Ina natanahuaton, nirayarin. “Tëhuënchachin noya yonquirin,” taꞌton nosororin. —Isontaꞌ iyasha Yosë nohuantërin taꞌa. Paquëꞌ. Yaꞌipi maꞌshanënpita paꞌanahuaton, coriqui canaransoꞌ saꞌahuaroꞌsaꞌ quëtëquëꞌ. Ina quëran huëquëꞌ imaco huachi. Inapohuatan, aꞌna tahuëri Yosëꞌpaꞌ canamiataran, itërin.

Marcos 2:14

Ina quëran naꞌhuëpon pochin, Nihui quënanconin. Arpio huiꞌnin inasoꞌ. (Matio itopi antaꞌ.) Coriqui Noma copirno marëꞌ maꞌpatërinquë huënsëarin. Quisosori itapon: —Huëquëꞌ iyasha imaco, itërin. Itohuachina, huanirahuaton Quisoso imasarin huachi.

Marcos 8:34

Naꞌa piyapiꞌsaꞌ yaꞌcariya huaniapi. —Amashamiachin huëcoꞌ iyaroꞌsaꞌ, aꞌchinchinquëmaꞌ, itohuachina, huëꞌpi natanacaiso marëꞌ. Caꞌtanoꞌsanënpitantaꞌ natanapi. —Yaimapatamaco, canpitaora nohuantëramasoꞌ naniantocoꞌ. Yosë nohuantërinsoráchin imaco huachi. Corosëquë chiníquën parisitërëꞌ. Inapochachin canpitantaꞌ parisitapomarahuëꞌ, imamiatoco.

Lucas 12:33

Ama naꞌcon maꞌsha yontoncosohuëꞌ. Maꞌsha yaꞌhuëtohuachinquëmaꞌ, paꞌanahuatomaꞌ, saꞌahuaroꞌsaꞌ quëtocoꞌ. Inapotohuatamaꞌ, Yosë acanaarinquëmaꞌ. Isoroꞌpaquë maꞌsha aꞌnaroáchin mocarin. Ihuarinënpoaꞌ. Maꞌshari aꞌquirin. Inapaquëso nipirinhuëꞌ Yosë acanahuachinpoaꞌ, yaꞌhuëtomiatarinpoaꞌ.

Lucas 14:33

Inapochachin pënënanquëmaꞌ. Sacaiꞌ imamancosoꞌ, tënahuë. Napoaton noya yonquiatomaꞌ, imaco. Casáchin yonquihuatamaco, tëhuënchachin noya imasaramaco,” tënin Quisoso.

Lucas 16:9

Coriqui yaꞌhuëtohuachinquëmaꞌ, ama canpitaoráchin iꞌquicosohuëꞌ. Aꞌnapita pahuantohuachinaꞌ, quëtocoꞌ. Inapohuatamaꞌ, Yosëꞌpaꞌ noya niꞌsarinquëmaꞌ. Chiminpatamaꞌ, Yosë inápaquë quëpantarinquëmaꞌ. Coriquinëmaꞌ patopiramahuëꞌ, inatohuaꞌ noya noya yaꞌhuëcontaramaꞌ.

Lucas 18:22

Ina natanahuaton, Quisosori itantarin: —Isontaꞌ Yosë nohuantërin. Paaton, yaꞌipi maꞌshanënpita paꞌanconquëꞌ. Coriqui canaransoꞌ saꞌahuaroꞌsaꞌ quëtonquëꞌ. Ina quëran imaquico. Inapotohuatan, Yosëꞌpaꞌ naꞌcon canamiataran, itërin.

Lucas 5:27

Ina quëran Quisoso paantarahuaton, aꞌna quëmapi quënanconin, Nihui itopisoꞌ. (Inachachin Matio itopi antaꞌ.) Coriqui Noma copirno marëꞌ maꞌpatonaꞌpi inasoꞌ. Coriqui maꞌpatërinquë huënsëarin. —Huëquëꞌ iyasha imaco, itërin.

Lucas 6:40

Maistrosoꞌ noya noya nitotaton, aꞌnapita aꞌchintërin. Natanpisopitasoꞌ co naꞌcon naꞌcon nitotopihuëꞌ. Nani yaꞌipi aꞌchintohuachina, maistronëna pochin nisapi.

Lucas 9:23

Ina quëran piyapiꞌsaꞌ pënëantarin. —Yaimapatamaco, canpitaora nohuantëramasoꞌ naniantocoꞌ. Yosë nohuantërinsoráchin imaco huachi. Corosëquë chiníquën parisitërëꞌ. Canpitantaꞌ parisitapomarahuëꞌ, nani tahuëri imamiatoco.

Juan 10:27

Casoꞌ ohuica pëꞌtahuanaꞌpi pochin ninahuë. Imarinacosopita ohuicanëhuëpita pochin niꞌnahuë. Nohuitërahuë. Noya nataninaco. Nontohuatëra, natëtonaco, imarinaco.

Juan 12:26

Nohuantërahuësoꞌ yanipatamaꞌ, ca pochin cancantatomaꞌ imaco. Insëquësona paꞌpato, piyapinëhuëpita imasarinaco. Inquëma tërantaꞌ ca marëꞌ sacatohuatamaꞌ, Yosë noya niꞌsarinquëmaꞌ, itërin Quisosori.

Hechos 2:45

Aꞌnaquënsoꞌ maꞌshanënapita paꞌanahuatonaꞌ, coriqui maꞌpatopi. Ina quëran aꞌnapita pahuantohuachinara, quëtopi.

Hebreos 10:34

Tashinan pëiquë poꞌmohuachinara, co tëꞌhuatomarahuëꞌ, nicapomaꞌ paꞌnamaꞌ. Paatomaꞌ, catahuaramaꞌ. Canpitantaꞌ imaramaso marëꞌ maꞌshanëmaꞌ osërëtopirinënquëmahuëꞌ, co sëtëramahuëꞌ. “Yosë chachin nohuitërëhuaꞌ. Nasha cancan quëtërinpoaꞌ. Co insontaꞌ nanitërinhuëꞌ inasoꞌ osërëtinpoasoꞌ,” taꞌtomaꞌ, nóya cancantëramaꞌ.