Mateo 18:33 - Chayahuita (Shahui)

³³ Carinquën nosororanquënso pochachin aꞌna iyasha nosorocamaso nipirinhuëꞌ, ¿co piꞌpian tërantaꞌ nosororanhuëꞌ ti?’ itërin.

Mateo 18:33 ပူးပေါင်းရင်းမြစ်များ

Mateo 18:32

Ina natanahuaton, nihuitonaꞌpi amataantarin. ‘¡Quëmasoꞌ paꞌpi co noyahuëꞌ cancantëran! “Nosoroco,” itëranco niꞌton, huaꞌhuayátërahuë nihuipirancohuëꞌ, yaꞌipiya topinan ayatëranquën.

Mateo 18:34

Ina quëran chiníquën noꞌhuiton, sontaroꞌsaꞌ amatahuaton, tashinan pëiquë apoꞌmotërin antaꞌ. ‘Pahuërëinco huarëꞌ chiníquën aparisitëquëꞌ,’ itërin,” tënin.

Mateo 5:7

Aꞌnapita nosorohuatamaꞌ, Yosë nosoroarinquëmaꞌ canpitantaꞌ. Noya cancantaramaꞌ.

Mateo 6:12

Co noyahuëꞌ nicatoi, oshahuanai. Nosoroatoncoi, oshanëhuëi inquitocoi. Aꞌnapita maꞌsha onpotohuachincoi, nanan anoyatëraiso pochachin oshanëhuëi inquitatoncoi, anoyacancantocoi.

Efesios 4:32

Yaꞌipi piyapi noya nontocoꞌ. Nosoroatomaꞌ, catahuacoꞌ. Maꞌsha onpotohuachinënquëmaꞌ, ama ina yonquicosohuëꞌ. Quisocristo imaramaꞌ niꞌton, Yosë oshanëmaꞌ inquitërinquëmaꞌ. Canpita marëꞌ chiminin niꞌton, nanan anoyatërinquëmaꞌ. Inapochachin canpitantaꞌ aꞌnapita maꞌsha onpotohuachinënquëmaꞌ, nanan anoyatatomaꞌ, noya nontocoꞌ.

Colosenses 3:13

Ama yaiꞌhuërëtocosohuëꞌ. Aꞌnapita noꞌhuihuachinquëmaꞌ, nanan anoyatocoꞌ. Maꞌsha onpotopirinquëmaontaꞌ, naniantocoꞌ. Sinioro oshanëmaꞌ nani inquitërinquëmaꞌ. Ina nonanatomaꞌ, canpitantaꞌ nanan anoyatocoꞌ.