Mateo 18:24 - Chayahuita (Shahui)

²⁴ Napohuachina, aꞌnaraꞌ quëntapi naꞌa huaranca nihuirinsoꞌ. Co apira pahuërëtochináchinhuëꞌ nihuitërin.

Mateo 18:24 ပူးပေါင်းရင်းမြစ်များ

Génesis 44:10

Napotohuachina, Cosi piyapinënsoꞌ taantarin: —Noyapaꞌ. Naporama niꞌquëhuarëꞌ, inapochinquëma nipachin. Nipirinhuëꞌ, insosona minë quënaparahuësoíchin, piyapinëhuë nisarin. Aꞌnapitanquëmasoꞌ, co manta onpoaramahuëꞌ, itërin.

Salmos 40:12

Naꞌcon maꞌsha onporahuë. Co tiquinahuanhuë niꞌton, co shaꞌhuichináchinhuëꞌ. Co noyahuëꞌ ninahuëso marëꞌ parisitárahuë. Yaꞌpirahuë quëraontaꞌ, co huachi noya quënantërahuëꞌ. Motohuëquë naꞌcon ain yaꞌhuërin. Ina quëran naꞌcon naꞌcon maꞌsha onporahuë. Naporahuaton co huachi chiníquën cancantërahuëꞌ.

Mateo 18:23

Ina quëran itaantarin: “Yosë huaꞌanëntërinsoꞌ aꞌchinchinquëmaꞌ, natancoꞌ. Aꞌna huaꞌan naporinso pochin ninin. Naꞌa piyapinënpitari nihuirin niꞌton, aꞌnaya aꞌnaya amatërin natanacaso marëꞌ.

Mateo 18:25

‘Huaꞌhuayátërahuë nihuirinco niꞌton, co onporontaꞌ nanitarinhuëꞌ pahuërëincosoꞌ,’ taꞌton, inpriatonën itapon: ‘Iso quëmapi co nanitërinhuëꞌ pahuërëincosoꞌ. Chiminaquë huarëntaꞌ sacatopirinhuëꞌ, co onporontaꞌ pahuërarincohuëꞌ. Napoaton yaꞌipi maꞌshanënpita matonquëꞌ. Ina quëran inaora chachiontaꞌ paꞌanquëꞌ. Saꞌin, huiꞌninpitarë chachin paꞌanquëꞌ piꞌpian tërantaꞌ canaꞌi,’ itërin huaꞌani.

Mateo 25:15

Itahuaton, aꞌnaya aꞌnaya quëtëraꞌpiarin. Co napopianachin quëtërinhuëꞌ. Nanitinpichin tantiaton, nisha nisha quëtërin. Aꞌnasoꞌ aꞌnatërápo huaranca coriqui oro quëran nininsoꞌ quëtërin. Aꞌnasoꞌ cato huaranca quëtërin. Aꞌnantaꞌ huaranca quëtërin. Nani inpriatonënpita quëtahuaton, paꞌnin huachi.

Mateo 25:16

Aꞌnatërápo huaranca maꞌpatonaꞌpisoꞌ aꞌnaroáchin natërin. Paaton, naꞌa maꞌsha paꞌanin. Ina quëran inapita paꞌanaton, naꞌcon naꞌcon coriqui canarin. Nani tahuëri inapoaton, oshaquëran aꞌnatërápo huaranca aquëtëꞌ canaantarin.

Mateo 25:20

Aꞌnatërápo huaranca maꞌpatonaꞌpiso huëꞌsahuaton, coriqui aꞌnotiirin. ‘Niꞌquëꞌ sinioro, aꞌnatërápo huaranca quëtopirancohuëꞌ, ina quëran aꞌnatërápo huaranca aquëtëꞌ nani canarahuë,’ itiirin.

Mateo 25:22

Ina quëran aꞌnantaꞌ huëꞌnin: ‘Niꞌquëꞌ sinioro, cato huaranca quëtopirancohuëꞌ, nani cato huaranca aquëtëꞌ canarahuë,’ itiirin.

Mateo 25:24

Piquëran quëtërinsoso nipirinhuëꞌ, huëꞌsahuaton itiirin: ‘Quëmasoꞌ sinioro co nosororancoihuëꞌ. Co quëmaora shacaponahuëꞌ, nitërinsoꞌ manan. Co sacataponahuëꞌ, canaran.

Lucas 13:4

Siroiquëntaꞌ aꞌna tori anotaton, shonca posa yaꞌpi tëparin: ‘Inapitantaꞌ naꞌcon naꞌcon oshahuanpi,’ ¿topiramahuëꞌ ti? Co naporinhuëꞌ, tënahuë casoꞌ. Naꞌa piyapiꞌsaꞌ Quirosarinquë inachachin oshahuanpi. Canpitantaꞌ co noyahuëꞌ yonquiramaꞌ. Co ina naniantohuatamahuëꞌ, chiminatomaꞌ, parisitomiataramaꞌ,” itërin Quisosori.

Lucas 16:5

Naporahuaton, coꞌhuara huaꞌani ocoiyatërasohuëꞌ, nihuitopisopita amatërin. Aꞌnaya aꞌnaya huëꞌpi. Aꞌnasoꞌ huëꞌpachina, natanin. ‘¿Onpotaꞌ huaꞌan nihuiran?’ itërin.

Lucas 16:7

Ina quëran aꞌnantaꞌ huëꞌnin. Huëꞌpachina, ‘¿Onpotaꞌ quëmantaꞌ nihuitëran?’ itërin. ‘Trico maꞌparahuë niꞌton, pasa costaro marëꞌ nihuirahuë,’ tënin. ‘Inta nipachin, Posa shoncaíchin ninshitantaquëꞌ,’ itërin. Inapotëraꞌpiaton, naꞌa amiconënpita catahuarin ama naꞌcon pahuërëtacaiso marëhuëꞌ.