Mateo 18:22 - Chayahuita (Shahui)

²² —Co canchisëroichin nanan anoyatacasoꞌ yaꞌhuërinhuëꞌ. Canchisë shonca canchisëroꞌ anoyatocoꞌ, itërin Quisosori.

Mateo 18:22 ပူးပေါင်းရင်းမြစ်များ

Génesis 4:24

Iin tëparinso marëꞌ Caino tëpahuachinasoꞌ, canchisëro aquëtë Yosëri iꞌhuërëtapon. Caso nipirinhuëꞌ, tëpatërahuëso marëꞌ tëpahuachinaco, canchisë shonca canchisëro aquëtë iꞌhuërëtacaiso yaꞌhuërin,” itërin.

Isaías 55:7

Co noyahuëꞌ nipisopita, co noyahuëꞌ nipisoꞌ aꞌpoinaꞌ. Nitapicancanpisopitantaꞌ, co noyahuëꞌ yonquipisoꞌ aꞌpoinaꞌ. Yosë chachin tahuërëtaantatomaꞌ, natëantacoꞌ. Inaso noya niꞌton, oshanëma inquitarinquëmaꞌ.

Miqueas 7:19

Iporanta Sinioro nosoroantacoi. Co noyahuëꞌ ninaisoꞌ inquitatoncoi paꞌpitatë pochin nitëquëꞌ. Marë anpotërinquë maꞌsha tëꞌyaitopiso pochin oshanëhuëinta nitëquëꞌ.

Mateo 18:23

Ina quëran itaantarin: “Yosë huaꞌanëntërinsoꞌ aꞌchinchinquëmaꞌ, natancoꞌ. Aꞌna huaꞌan naporinso pochin ninin. Naꞌa piyapinënpitari nihuirin niꞌton, aꞌnaya aꞌnaya amatërin natanacaso marëꞌ.

Marcos 11:25

Noya cancantatomaꞌ, Yosë nontocoꞌ. Aꞌna piyapi maꞌsona tërantaꞌ onpotohuachinquëmaꞌ, canpitarintaꞌ piꞌpian tërantaꞌ noꞌhuihuatamaꞌ, ina naniantocoꞌ. Yaꞌipi cancanëma quëran huarëꞌ nanan anoyatocoꞌ Tata Yosë oshanëmaꞌ inquichinquëmaꞌ. [

Romanos 12:21

Ama sopai natëcosohuëꞌ. Nani maꞌsha ayonquirinquëmasoꞌ aꞌpomiatocoꞌ. Yosë yonquiatomaꞌ, noyasáchin nicoꞌ. Inapohuatamaꞌ, sopai minsëaramaꞌ.

Efesios 4:26

Aꞌna piyapi noꞌhuihuatamaꞌ, niꞌcona oshahuantamaꞌ. Coꞌhuara piꞌi yaꞌcoyantërasohuëꞌ, nanan anoyatocoꞌ.

Efesios 4:31

Ama aꞌnapita noꞌhuitomaꞌ, yonquirácosohuëꞌ. Aꞌnaroáchin nanan anoyatocoꞌ. Ama noꞌhuitacamasoꞌ nohuantocosohuëꞌ. Ama noꞌhuito canainquëmasohuëꞌ. Ama iquianan quëran ninontocosohuëꞌ. Nipinocasontaꞌ co noyahuëꞌ. Ama piꞌpian tërantaꞌ co noyahuëꞌ nicosohuëꞌ.

Colosenses 3:13

Ama yaiꞌhuërëtocosohuëꞌ. Aꞌnapita noꞌhuihuachinquëmaꞌ, nanan anoyatocoꞌ. Maꞌsha onpotopirinquëmaontaꞌ, naniantocoꞌ. Sinioro oshanëmaꞌ nani inquitërinquëmaꞌ. Ina nonanatomaꞌ, canpitantaꞌ nanan anoyatocoꞌ.

1 Timoteo 2:8

Napoaton nani parti niyontonpachinaꞌ, quëmapiꞌsaꞌ Yosë nonchinaꞌ, tënahuë. Ama noꞌhuichinasohuëꞌ. Ama nisha nisha ninonchinasohuëꞌ. Noyápiachin cancantatonaꞌ, Yosë nonchinaꞌ.