Mateo 18:11 - Chayahuita (Shahui)

¹¹ Naꞌa piyapiꞌsaꞌ co noyahuëꞌ cancantatonaꞌ, chihuëpiso pochin nipi. Yosë quëran quëmapico niꞌto, oꞌmarahuë inapita nichaꞌëcaꞌhuaso marëꞌ.]

Mateo 18:11 ပူးပေါင်းရင်းမြစ်များ

Mateo 10:6

Israiroꞌsaꞌ aꞌchintoncoꞌ. Inapitasoꞌ, ohuicaroꞌsaꞌ chihuëpiso pochin niꞌtonaꞌ, co Yosë yonquipihuëꞌ. Napoaton pënënacasoꞌ yaꞌhuërin.

Mateo 15:24

Napotohuachinara, sanapi itërin: —Quëmasoꞌ imoya nisha piyapinquën. Israiroꞌsaꞌ catahuaꞌhuaso marëꞌ Yosë aꞌparinco. Inahuaso Yosë piyapinënpita nipirinahuëꞌ, ohuica chihuërinso pochin nipi niꞌton, catahuarahuë, itërin.

Mateo 18:12

Niꞌcoꞌ. Aꞌna quëmapi pasa ohuicaroꞌsaꞌ pëꞌtahuarin. Yaꞌipiya nosororin. Pastoquë coshatacaiso marëꞌ quëparinquë aꞌnaya tërantaꞌ chihuëhuachina, yonípon paꞌnin. Aꞌnapitasoꞌ inaquëranchin patahuaton, huaꞌquiꞌ yonisarin.

Mateo 9:12

Natanahuaton, Quisosori itërin: —Isopitasoꞌ tëhuënchachin nohuantopi imainacosoꞌ. Niꞌcoꞌ. Caniaꞌpiroꞌsasoꞌ notoro nohuantopi. Nipirinhuëꞌ, “Co caniorahuëꞌ,” topatërasoꞌ, co notoro nohuantërëhuëꞌ.

Lucas 15:24

Iso huiꞌnahuë chiminin pochin niponahuëꞌ, iporasoꞌ yaꞌnoantarin. Ayatë pochin nipirinhuëꞌ, iporasoꞌ niantarahuë,’ itërin. Ina quëran pita nisapi.

Lucas 15:32

Iyaꞌhuaso nipirinhuëꞌ, nani huënantarin. Chimininso pochin niponahuëꞌ, yaꞌnoantarin. Ayatërëso pochin nitopirëhuahuëꞌ, niantarëhuaꞌ. Ina marëꞌ noya cancantacasoꞌ yaꞌhuërin,’ itërin paꞌpini,” tënin Quisoso.

Lucas 19:10

Naꞌa piyapiꞌsaꞌ co Yosë natëtonahuëꞌ, chihuëpi pochin nipi. Inapita yonicaꞌhuaso marëꞌ oꞌmarahuë. Cancanënaꞌ anoyacancantaꞌhuaso marëꞌ oꞌmarahuë, tënin Quisoso.

Lucas 9:56

Ina quëran aꞌna ninanoquë paantarin.

Juan 10:10

Ihuatëroꞌsaꞌ co noyahuëꞌ yonquipi. Ihuatacaisoꞌ, tëpatacaisoꞌ, ataꞌhuantacaiso inapita nicacaisoráchin yonquipi. Caso nipirinhuëꞌ oꞌmarahuë imarinacosopita Yosë nohuitacaiso marëꞌ. Noya noya nanpicaiso marëꞌ oꞌmarahuë.

Juan 12:47

Aꞌnaquëmaꞌ natanpiramacohuëꞌ, co natëramacohuëꞌ. Co natëhuatamacohuëꞌ, co carimaꞌ anaꞌintaranquëmahuëꞌ. Co ina marëꞌ oꞌmarahuëꞌ. Piyapiꞌsaꞌ nichaꞌëcaꞌhuaso marëꞌ oꞌmarahuë.

Juan 3:17

Co anaꞌintinpoaso marëꞌ huiꞌnin aꞌpaimarinhuëꞌ. Nichaꞌëinpoaso marëꞌ aꞌpaimarin. Huiꞌnin quëran chaꞌërihuaꞌ.

1 Timoteo 1:15

Noꞌtëquën shaꞌhuitaranquëmaꞌ. Yaꞌipi piyapiꞌsaꞌ natëinaꞌ. Quisocristo isoroꞌpaquë oꞌmarin oshahuanoꞌsaꞌ anoyacancantacaso marëꞌ. Casoꞌ naꞌcon naꞌcon oshahuanpirahuëꞌ, anoyacancantërinco.