Mateo 17:9 - Chayahuita (Shahui)

⁹ Ina quëran motopi quëran nohuaramapona pochin, Quisosori itërin: —Achin niꞌnamasoꞌ, ama insontaꞌ shaꞌhuitocosohuëꞌ. Yosë quëran quëmapico niꞌto, aꞌna tahuëri nanpiantarahuë. Naporo huarëꞌ aꞌnapita shaꞌhuitocoꞌ, itërin.

Mateo 17:9 ပူးပေါင်းရင်းမြစ်များ

Mateo 12:16

—Ama aꞌnapita shaꞌhuitocosohuëꞌ, itërin.

Mateo 17:12

Carimaso nipirinhuëꞌ shaꞌhuitaranquëmaꞌ. Nani mini huëantapirinhuëꞌ, co nohuitopihuëꞌ. Co yanatëtonaraihuëꞌ, inahuara yonquinëna quëran noꞌhuipi. Cantaꞌ Yosë quëran quëmapico nipirahuëꞌ, inapochachin aparisitarinaco, itërin Quisosori.

Mateo 17:20

—Co yaꞌipi cancanëma quëran huarëꞌ natëramacohuëꞌ niꞌton, co nanitëramahuëꞌ. Natëramaco naporini, catahuaitënquëmahuëꞌ. Yosësoꞌ yaꞌipiya nanitaparin. Piꞌpian tërantaꞌ ina natëtomaꞌ, nontohuatamaꞌ, catahuarinquëmaꞌ. Nani maꞌsha nanitaparamaꞌ. “Yosë nohuanton, iso motopi yaꞌhuincaꞌin,” tënamaꞌ naporini, ina nohuanton, yaꞌhuincaitonhuëꞌ. Inapochachin yaꞌipi cancanëma quëran natëramaco naporini, sacaiꞌ nininsoꞌ catahuaitënquëmahuëꞌ. [

Mateo 17:22

Cariria parti papona pochin, Quisosori caꞌtanoꞌsanënpita shaꞌhuitaantarin: —Yosë quëran quëmapico nipirahuëꞌ, piyapiꞌsaꞌ masarinaco. Shaꞌhuirapihuachinaco, masarinaco.

Mateo 17:23

Mapachinaco, tëpaarinaco. Chiminaporahuëꞌ, cara tahuëri quëran Yosë ananpitaantarinco huachi, itërin. Natanahuatonaꞌ, paꞌpi, sëtopi.

Mateo 17:8

Napotohuachina nëꞌpëtintapirinahuëꞌ, Quisosoráchin quënanpi.

Mateo 8:20

—Sacaiꞌ imancosoꞌ iyasha, tënahuë. Anashiroꞌsaꞌ, huëꞌëshinantëna yaꞌhuëtopi, inaquë huëꞌëpi. Inairaroꞌsantaꞌ pëꞌpëtëna yaꞌhuëtopi. Caso nipirinhuëꞌ Yosë quëran quëmapico niporahuëꞌ, co pëiꞌ yaꞌhuëtërincohuëꞌ. Paꞌsápato, co yaꞌhuëmiatërahuëꞌ, itërin.

Mateo 8:4

—Ama piyapiꞌsaꞌ shaꞌhuitëquësohuëꞌ. Corto huaꞌan yaꞌhuërinquë paaton, noyatëransoꞌ aꞌnotonquëꞌ niꞌinquën. Naporahuaton, maꞌsona Moisësë shaꞌhuirinsoꞌ quëpaquëꞌ noyatëransoꞌ nitotacaiso marëꞌ, itërin. Napotohuachina, paꞌnin huachi.

Marcos 8:30

—Ama ina aꞌnapita shaꞌhuitocosohuëꞌ, itërin Quisosori.

Lucas 8:56

Aꞌshin, paꞌpin, inapita paꞌyanpi. “Maꞌpitacha nitotaton, ananpitaantaran paya,” itopirinahuëꞌ, “Ama aꞌnapita shaꞌhuitocosohuëꞌ,” itërin Quisosori.

Lucas 9:36

Nani nontohuachina, niꞌsápirinahuëꞌ, co aꞌnapita quënanpihuëꞌ. Quisosoráchin quënanpi. Ina yonquiatonaꞌ, co mantaꞌ topihuëꞌ. Nani niꞌpirinahuëꞌ, naporo tahuëriꞌsaꞌ co insontaꞌ shaꞌhuitopihuëꞌ.