Mateo 17:19 - Chayahuita (Shahui)

¹⁹ Ina quëran inaora yaꞌhuasoꞌ, caꞌtanoꞌsanënpitari natanquirin. —¿Onpoatontaꞌ Sinioro co quiyarisoꞌ nanitëraihuëꞌ inquitaꞌhuaisoꞌ? itopi.

Mateo 17:19 ပူးပေါင်းရင်းမြစ်များ

Mateo 17:18

Quëntahuachina, Quisosori sopai nontërin. “Iso huaꞌhuasha tananpitëquëꞌ. Pipimiatëquë huachi,” itohuachina, aꞌnaroáchin sopai pipirin. Huaꞌhuasha noyatërin huachi.

Mateo 17:20

—Co yaꞌipi cancanëma quëran huarëꞌ natëramacohuëꞌ niꞌton, co nanitëramahuëꞌ. Natëramaco naporini, catahuaitënquëmahuëꞌ. Yosësoꞌ yaꞌipiya nanitaparin. Piꞌpian tërantaꞌ ina natëtomaꞌ, nontohuatamaꞌ, catahuarinquëmaꞌ. Nani maꞌsha nanitaparamaꞌ. “Yosë nohuanton, iso motopi yaꞌhuincaꞌin,” tënamaꞌ naporini, ina nohuanton, yaꞌhuincaitonhuëꞌ. Inapochachin yaꞌipi cancanëma quëran natëramaco naporini, sacaiꞌ nininsoꞌ catahuaitënquëmahuëꞌ. [

Marcos 4:10

Niyontonpisopita paꞌpachinara, aꞌnaquën imapisopita co paꞌpihuëꞌ. Shonca catoꞌ caꞌtanoꞌsanënpitarë chachin co paꞌpihuëꞌ. “Apira aꞌchintërancoisoꞌ co noya nitotëraihuëꞌ. ¿Maꞌtaꞌ tapon naporan?” itopi.

Marcos 9:28

Ina quëran Quisososoꞌ caꞌtanoꞌsanënpitarëachin pëiquë yaꞌconconpi. —¿Onpoatontaꞌ Maistro quiyarisoꞌ co nanitëraihuëꞌ inquitaꞌhuaisoꞌ? itopi.