Mateo 16:8 - Chayahuita (Shahui)

⁸ Ninontopisoꞌ nitotaton, Quisosori itërin: —¿Onpoatontaꞌ “capa pan,” toconamaꞌ? Tëhuënchachin co noya natëyatëraramacohuëꞌ.

Mateo 16:8 ပူးပေါင်းရင်းမြစ်များ

Mateo 14:31

Aꞌnaroáchin Quisosori maimirarin. Oshirahuaton, ahuaniintarin: —Co yaꞌipi cancanën quëran natërancohuëꞌ niꞌton, acopoiꞌ paꞌsapiranhuëꞌ. ¿Onpoatontaꞌ co noya natërancohuëꞌ? itërin.

Mateo 16:7

Natanahuatonaꞌ, caꞌtanoꞌsanënpita capini ninontopi. —¿Onpoatontaꞌ naporin? tënin aꞌnasoꞌ. —Ahuën. Capa pan. Co quënëhuahuëꞌ niꞌton, napotërinpoaꞌ nimara, tënin aꞌnantaꞌ.

Mateo 6:30

Pacatoro quëran huarëꞌ Yosëri yonquirin. Aꞌna tahuëríchin yaꞌhuëpirinhuëꞌ, ahuipachina, ahuiquitërë huachi. Co huaꞌquiꞌ yaꞌhuëpirinhuëꞌ, Yosëri yonquirin. Ina nohuanton, noya papotërin. Canpitasoꞌ ina quëran naꞌcon naꞌcon yonquirinquëmaꞌ. ¿Onpoatomataꞌ nipachin, co natëramahuëꞌ? ‘Yosë catahuarinco mini,’ taꞌcaso nipirinhuëꞌ.

Mateo 8:26

—¿Onpoatomataꞌ tëꞌhuaramasoꞌ? ¿Co noya natëyatëraramacohuëꞌ ti? itërin. Ina quëran huënsëintarahuaton, ihuan aꞌparin. Sonontaꞌ nontërin. —Sanoquëꞌ, itohuachina, aꞌnaroáchin coꞌsacaiꞌ sanoirin.

Marcos 16:14

Ina quëran shonca aꞌnara caꞌtanoꞌsanënpita misaquë coshatasoiꞌ, Quisosori yaꞌnotiirin. “¿Onpoatomataꞌ, iyaroꞌsaꞌ, co natëtëramahuëꞌ? Co natantochináchinhuëꞌ cancantërama nica. ‘Quisoso nani nanpiantarin. Cari niꞌnahuë,’ itopirinënquëmahuëꞌ, co natëtëramahuëꞌ,” itërin.

Juan 16:30

Quëmasoꞌ yaꞌipi nitotëran. Yosë quëran oꞌmaran, tënai. Co huachi natanaꞌhuainquënso tërantaꞌ yaꞌhuërinhuëꞌ, itërai.

Hebreos 4:13

Yaꞌipi ninëhuasopita Yosësoꞌ nitotërin. Poꞌoana quëran nipirëhuahuëꞌ, yaꞌipi niꞌninpoaꞌ. Co piꞌpisha tërantaꞌ inasoꞌ nonpintarihuahuëꞌ. Yaꞌipi yonquirëhuasopitantaꞌ noyá nitotërin. Ayaroꞌ tahuëri yaꞌipinpoaꞌ ninëhuasopita aipitarinpoaꞌ. Naporoꞌ coisë pochin nontarinpoaꞌ. Nontohuachinpoaꞌ, noꞌtëquën shaꞌhuitacasoꞌ yaꞌhuapon.

Apocalipsis 2:23

Sanapi imarinsopitasoꞌ co natërinacohuëꞌ niꞌton, ataꞌhuantarahuë. Ina nicatonaꞌ, yaꞌipi imarinacosopitantaꞌ yonquiapi. ‘Tëhuënchachin Sinioro nohuitërinpoaꞌ. Yonquirëhuasontaꞌ nitotërin. Co noyahuëꞌ nipatëhuaꞌ, noꞌtëquën anaꞌintarinpoaꞌ,’ tosapi.