Mateo 16:6 - Chayahuita (Shahui)

⁶ Ina quëran Quisosori itërin: —Parisioroꞌsaꞌ, satosioroꞌsaꞌ inapita, pan ahuëpocatërinsoꞌ pochin yaꞌhuëtopi. Ama iyaroꞌsaꞌ ina nohuantocosohuëꞌ, itërin.

Mateo 16:6 ပူးပေါင်းရင်းမြစ်များ

Mateo 16:1

Ina quëran parisioroꞌsaꞌ, satosioroꞌsaꞌ inapita Quisoso nontacaiso marëꞌ huëꞌpi. Nonpintatonaꞌ, nontopi atëhuëcaiso marëꞌ. “Yosë aꞌpaimahuachinquën, sacaiꞌ nicacaso nininsoꞌ niquëꞌ. Quiyantaꞌ ina nicatoi, natëiinquën,” itiipi.

Mateo 16:11

¿Onpoatomataꞌ co yonquiramahuëꞌ? “Pan ahuëpocatërinso pochin yaꞌhuëtopisoꞌ ama nohuantocosohuëꞌ,” itohuatënquëmara, co cosharoꞌ yonquiato naporahuëꞌ, itërin.

Mateo 16:12

Naporo huarëꞌ yonquipi huachi: “Co pan chachin yonquiaton, naporinhuëꞌ. Parisioroꞌsaꞌ, satosioroꞌsaꞌ inapita aꞌchinpisoꞌ yonquiaton, pënëninpoaꞌ. Piꞌpisha pan ahuëpocatërinsoꞌ sëꞌyonpachinara, aꞌnaroáchin sëꞌcotërin. Inapochachin inapitantaꞌ co noꞌtëquën aꞌchinatonaraihuëꞌ, piyapiꞌsaꞌ anishacancantopi, tapon napotërinpoaꞌ,” topi.

Mateo 16:5

Caꞌtanoꞌsanënpita sono aquëtëran pëntonpirinahuëꞌ, naniantopi pan quëpacaisoꞌ.

Mateo 16:7

Natanahuatonaꞌ, caꞌtanoꞌsanënpita capini ninontopi. —¿Onpoatontaꞌ naporin? tënin aꞌnasoꞌ. —Ahuën. Capa pan. Co quënëhuahuëꞌ niꞌton, napotërinpoaꞌ nimara, tënin aꞌnantaꞌ.

Mateo 3:7

Ina quëran naꞌa parisioroꞌsaꞌ, satosioroꞌsaꞌ, inapitanta huëꞌpi. —Quiyantaꞌ aporintocoi, itopirinahuëꞌ, Coansha co nohuantërinhuëꞌ: —¡Canpitasoꞌ yaꞌhuan pochin cancantatomaꞌ, yanonpinamaꞌ! “Yosë isoroꞌpaꞌ anaꞌintohuachin, chaꞌëpoi,” topiramahuëꞌ. Co topinan chaꞌësaramahuëꞌ.

Marcos 8:15

Quisosoriso nipirinhuëꞌ pënënarin: —Niꞌcona iyaroꞌsaꞌ. Pan ahuëpocatërinso pochin parisioroꞌsaꞌ yaꞌhuëtopi. Irotisë imapisopitantaꞌ yaꞌhuëtopi. Ama iyaroꞌsaꞌ ina nohuantocosohuëꞌ, itërin.

Lucas 12:1

Huaꞌhuayatërahuëꞌ piyapiꞌsaꞌ niyontonpi Quisoso natanacaiso marëꞌ. Naꞌa huaranca yamorapi niꞌton, niyaꞌquëtapi. Caꞌtanoꞌsanënpita aꞌchintaton, itapon: “Tëhuënchachin iyaroꞌsaꞌ, parisioroꞌsaꞌ yanonpinpi. Napoaton aꞌchinpisoꞌ, pan ahuëpocatërinso pochin niconaton aꞌnaroáchin piyapiꞌsaꞌ yanonpintopi. Niꞌcona nonpintochinënquëmaꞌ.

Lucas 12:15

Napotahuaton, yaꞌipiya pënënin. —Ama iyaroꞌsaꞌ maꞌsha canacamasoáchin yonquicosohuëꞌ. Co nani maꞌsha yaꞌhuëtinquëmaꞌ huarëꞌ noya nanpiaramahuëꞌ, itërin.

Juan 4:33

—¿Aꞌnapitari cosharoꞌ quëtiimara? nitopiraihuëꞌ, co coshachatërarinhuëꞌ.

Gálatas 5:9

Niꞌcoꞌ iyaroꞌsaꞌ. Pan nipatëra, piꞌpian ahuëpocatërinsoꞌ acotohuachinara, yaꞌipi sëꞌcotërin. Inapochachin piꞌpian tërantaꞌ nonpin nanan yonquihuatamaꞌ, co huaꞌquiya quëranhuëꞌ yaꞌipinquëmaꞌ nitapicancanaramaꞌ.