Mateo 16:4 - Chayahuita (Shahui)

⁴ Ipora yaꞌhuëramasopita co noyahuëꞌ cancantëramaꞌ. Nitëhuananpitopisopita pochin cancantatomaꞌ, co piꞌpisha tërantaꞌ Yosë yanatëramahuëꞌ. ‘Sacaiꞌ nicacaso nininsoꞌ niquëꞌ natëiinquën,’ itopiramacohuëꞌ, co Yosë nohuantërinhuëꞌ ina pochin nicaꞌhuasoꞌ. Isoíchin anitotarinquëmaꞌ. Aꞌna tahuëri canpita nitotacamaso marëꞌ, Conasë pochin nisarahuë” itërin. Ina quëran patërin huachi.

Mateo 16:4 ပူးပေါင်းရင်းမြစ်များ

Génesis 6:3

Napoaponahuëꞌ, Siniorori co costatonhuëꞌ tapon: “Co piyapiꞌsa yaꞌhuëmiatápaiso yaꞌhuërinhuëꞌ. Piyapi niꞌton, chiminacaiso yaꞌhuërin. Napoaton pasa cato shonca piꞌipiraꞌ, nanpiponaꞌ,” tënin.

Oseas 4:17

Iprain israiroꞌsaso aꞌporahuatonaco, mamanshiráchin moshapi. Noꞌpirahuëroꞌsa huënton notatopiso pochin yaꞌipi anotopi. Naquëranchin naquëranchin mamanshi marëꞌ sacatopisopita sanapiꞌsarëꞌ poꞌpi. Noya nicatona natëcaisosoꞌ, co nohuantopihuëꞌ. Taparo nicacaiso tëhuënchinsoꞌ, paꞌya paꞌyatopi.

Jonás 1:1

Israiro noꞌpaquë aꞌnara pënëntonaꞌpi yaꞌhuërin, Conasë itopisoꞌ. Paꞌpinsoꞌ, Amitai itopi. Aꞌna tahuëri Conasësoꞌ, Siniorori camairin:

Jonás 1:17

Coꞌhuara tëꞌyaichátërasoihuëꞌ, Sinioroso aꞌnara panca sami Conasë miꞌtacaso marëꞌ camairin. Inapotohuachina, cara tahuëri tashirë chachin ina yoꞌnamënquë yaꞌhuërin.

Mateo 16:5

Caꞌtanoꞌsanënpita sono aquëtëran pëntonpirinahuëꞌ, naniantopi pan quëpacaisoꞌ.

Marcos 8:12

Chiníquën sëtaton, itapon: —¿Maꞌmarëtaꞌ yaniꞌnamaꞌ? “Sacaiꞌ nininsoꞌ niquëꞌ niꞌiinquën,” itopiramacohuëꞌ, co Yosë nohuantërinhuëꞌ aꞌnotaꞌhuanquëmasoꞌ, itërin.

Marcos 8:38

Ipora tahuëriꞌsaꞌ yaꞌhuëpisopita co noyahuëꞌ nipi. Nitëhuananpitopisopita pochin cancantopi. Tapayatomaco aꞌpohuatamaco, aꞌna tahuëri carimantaꞌ tapayatënquëmaꞌ, aꞌpoaranquëmaꞌ. Nanamëhuë aꞌpohuatamaꞌ, carimantaꞌ oꞌmantahuato, aꞌpoaranquëmaꞌ. Yosë quëran quëmapico niꞌto, aꞌna tahuëri oꞌmantararahuë. Tatahuë pochin huënaratahuato, noya anquëniroꞌsapitaroꞌco oꞌmantararahuë, itërin.

Hechos 18:6

Inapitaso nipirinhuëꞌ noꞌhuitonaꞌ, Paono pinopi. Napoaton tananpitërin. —Tëhuënchachin Yosë anaꞌintarinquëmaꞌ. Nani yaꞌipi aꞌchintopiranquëmahuëꞌ, co yanatëramahuëꞌ niꞌton, canpitaora tëhuënëmaquë ninaꞌintaramaꞌ. Iporaso nisha piyapiꞌsaꞌ aꞌchintarahuë huachi, tënin Paono.

Hechos 2:40

Itahuaton, naꞌcon pënënin. —Ipora yaꞌhuëpisopita co mantaꞌ Yosë yanatëpihuëꞌ. Ina marë noꞌtëquën anaꞌintarin. Canpitaso nipirinhuëꞌ ama inapita pochin cancantocosohuëꞌ. Yosë nontocoꞌ anoyacancanchinquëmaꞌ. Ina quëran chaꞌësaramaꞌ, itërin.