Mateo 16:23 - Chayahuita (Shahui)

²³ Quisosori tahuërëtahuaton, itërin. —¡Taꞌtëquëꞌ iyasha! Sopai nohuanton, napotëranco. ¿Yaanishacancantëranco ti? Co Yosë pochin yonquiranhuëꞌ. Piyapinquën niꞌton, quëmaora nohuantëransoachin yonquiran, itërin Quisosori.

Mateo 16:23 ပူးပေါင်းရင်းမြစ်များ

Génesis 3:17

Ina quëran quëmapinta itapon: —Saꞌan natëton, nara nitërinso co capacasohuë nipirinhuëꞌ, caꞌnan. Naporanso marëꞌ yaꞌipiroꞌpaꞌ co huachi noyatacaso marëhuëꞌ shaꞌhuitarahuë. Napoaton nitapiarin. Paꞌpi chiníquën sacataquë huarëꞌ coshataran. Chiminaquë huarëꞌ inapoaran.

2 Samuel 19:22

Apisai napopirinhuëꞌ, Tapisoꞌ Coaponta itapon: —Canpitaso Sirohuia huaꞌhuinpitanquëmaꞌ. Catonquëma chachin yaiꞌhuërëtatoma naporamaꞌ. Caso nipirinhuëꞌ, co ina pochin yonquirahuëꞌ. Ca mini Israiro copirnocosoꞌ. ¡Napoaton canpitasoꞌ, co nisha camaitamaso yaꞌhuërinhuëꞌ! Co nohuantërahuëꞌ ipora tahuëri aꞌna Israiro quëmapi tëranta chiminacasoꞌ, itërin.

Isaías 8:14

Israiroꞌsanquëmasoꞌ, cato huënton yaꞌhuëramaꞌ. Natëhuatamaco, carima catahuaranquëma noꞌtëquën chinotamacosoꞌ. Coꞌsoꞌ natëhuatamacohuëꞌ, pëcotan pochin nisarahuë. Iraquë naꞌpi iꞌpatochináchin yaꞌhuërinso pochin nisarahuë. Huënsonquë maꞌsha mapiso pochin, ritiquë sami mapiso pochin, Quirosarinquë yaꞌhuëpisopita anaꞌintarahuë.

Mateo 16:22

Ina natanahuaton, aꞌnaroáchin Pitrori amasha quëparahuaton, chiníquën pënënin: —¡Ama Sinioro napoquësohuëꞌ! Ama Yosë nohuanchinsohuëꞌ, itopirinhuëꞌ,

Mateo 18:7

Isoroꞌpaquë sacaiꞌ Yosë imacasoꞌ. Nisha nisha yaꞌhuërin piyapiꞌsaꞌ anishacancantacaisoꞌ. Ina marëꞌ oshahuanpi. Anishacancantonaꞌpiso nipirinhuëꞌ, naꞌcon naꞌcon oshahuanin. Yosëri chiníquën anaꞌintarin niꞌton, ¡maꞌhuantacha nisarin paya!

Mateo 4:10

—Inca co nohuantërahuëꞌ. Quëmasoꞌ sopai huaꞌanquën. Patoco huachi. Yosë quiricanën quëran shaꞌhuitërinpoaꞌ: “Sinioroíchin chinotëquëꞌ. Inasáchin natëcasoꞌ yaꞌhuërin,” tënin, itërin Quisosori.

Marcos 8:33

Quisososo nipirinhuëꞌ tahuërërahuaton, yaꞌipi caꞌtanoꞌsanënpita niꞌsarin. —¡Taꞌtëquëꞌ iyasha! Sopai nohuanton, napotëranco. Co Yosë pochin yonquiranhuëꞌ. Piyapinquën niꞌton, quëmaora nohuantëransoachin yonquiran, itërin.

Lucas 4:8

—Inca co nohuantërahuëꞌ. Yosë quiricanënquë shaꞌhuitërinpoaꞌ. “Sinioroíchin chinotëquëꞌ. Inasáchin natëcasoꞌ yaꞌhuërin. Inasoꞌ huaꞌanëntërinpoaꞌ,” tënin, itërin Quisosori.

Juan 6:70

—Shonca catonquëmaꞌ acoranquëmaꞌ imacamacoso marëꞌ. Aꞌnaëmaso nipirinhuëꞌ, sopai pochin cancantërin, itërincoi.

Romanos 14:13

Napoaton ama huachi ninocancosohuëꞌ. Aꞌnapita imapisopita catahuacoꞌ noya cancanchinaꞌ. Niꞌcona anishacancantotamaꞌ.

Romanos 14:21

Ama mantaꞌ aꞌnapita anishacancantacamasoꞌ yonquicosohuëꞌ. Caꞌnamaso marëꞌ, oꞌoramaso marëꞌ, ama inapita marëꞌ aꞌnapita anishacancantocosohuëꞌ. Iyaparin pochin nosoroatomaꞌ, catahuacoꞌ noya noya imacaiso marëꞌ.

Filipenses 3:19

Inapitasoꞌ co Quisocristo nanamën imapihuëꞌ. Maꞌsona tërantaꞌ yanipachinara, nipi. Ina marëꞌ tapanacasoꞌ yaꞌhuëpirinhuëꞌ, co tapanpihuëꞌ. “Nohuantato, napoarahuë,” toconpi. Isoroꞌpaquë yaꞌhuërinsopitaráchin yonquipi. Aꞌna tahuëri pënquë parisitomiatapi.

Colosenses 3:2

Ama maꞌsharáchin yonquicosohuëꞌ. Yosëꞌpaꞌ yaꞌhuërinsopita yonquirácoꞌ.