Mateo 16:20 - Chayahuita (Shahui)

²⁰ Ina quëran yaꞌipi caꞌtanoꞌsanënpita itapon: “Ca mini Cristoco. Yosë chachin acorinco piyapiꞌsaꞌ nichaꞌëcaꞌhuaso marëꞌ. Ina nitotapomarahuëꞌ, ama iporasoꞌ aꞌnapita shaꞌhuitocosohuëꞌ,” itërin.

Mateo 16:20 ပူးပေါင်းရင်းမြစ်များ

Mateo 1:16

Cacopontaꞌ huiꞌnahuanpachina, Cosi itopi. Cosi yasaꞌapachina, Maria manin. Ina huaꞌhuinsoꞌ Quisoso, Cristo itopisoꞌ.

Mateo 16:16

Simon Pitrori itërin: —Quëmasoꞌ Cristo. Yosë huiꞌnin chachinquën. Ina nanpiton, aꞌpaimarinquën, itërin.

Mateo 17:9

Ina quëran motopi quëran nohuaramapona pochin, Quisosori itërin: —Achin niꞌnamasoꞌ, ama insontaꞌ shaꞌhuitocosohuëꞌ. Yosë quëran quëmapico niꞌto, aꞌna tahuëri nanpiantarahuë. Naporo huarëꞌ aꞌnapita shaꞌhuitocoꞌ, itërin.

Mateo 8:4

—Ama piyapiꞌsaꞌ shaꞌhuitëquësohuëꞌ. Corto huaꞌan yaꞌhuërinquë paaton, noyatëransoꞌ aꞌnotonquëꞌ niꞌinquën. Naporahuaton, maꞌsona Moisësë shaꞌhuirinsoꞌ quëpaquëꞌ noyatëransoꞌ nitotacaiso marëꞌ, itërin. Napotohuachina, paꞌnin huachi.

Marcos 8:30

—Ama ina aꞌnapita shaꞌhuitocosohuëꞌ, itërin Quisosori.

Marcos 9:9

Motopi quëran nohuaramapona pochin, Quisosori itërin: “Achin niꞌnamasoꞌ ama insontaꞌ shaꞌhuitocosohuëꞌ. Yosë quëran quëmapico niꞌto, aꞌna tahuëri nanpiantarahuë. Naporo huarëꞌ aꞌnapita shaꞌhuitocoꞌ,” itërin.

Lucas 2:11

Ipora tashiꞌ aꞌnara quëmapiaꞌhuaya Pirinquë nasitërin. Inasoꞌ Cristo, Yosëri aꞌpaimarinsoꞌ. Sinioro niꞌton, chinotacasoꞌ yaꞌhuërin. Nani oꞌmarin piyapiꞌsaꞌ cancanënaꞌ anoyatacaso marëꞌ.

Lucas 9:21

Pitrori napotopirinhuëꞌ: “Ama inasoꞌ ipora aꞌnapita shaꞌhuitocosohuëꞌ,” itahuaton, shaꞌhuitërin:

Lucas 9:36

Nani nontohuachina, niꞌsápirinahuëꞌ, co aꞌnapita quënanpihuëꞌ. Quisosoráchin quënanpi. Ina yonquiatonaꞌ, co mantaꞌ topihuëꞌ. Nani niꞌpirinahuëꞌ, naporo tahuëriꞌsaꞌ co insontaꞌ shaꞌhuitopihuëꞌ.

Juan 1:41

Shiarahuaton, iin quënanconin. —Iya Simon, Cristo nani quënanai, Yosëri aꞌpaimarinsoꞌ, itërin.

Juan 1:45

Pinipiri Natanino yonisahuaton, quënanconin. —Nani iyasha Cristo quënanai, Yosë quiricanën quëran ninopisoꞌ. Moisësë, pënëntonaꞌpiroꞌsaꞌ, inapita ninotonaꞌ, inaquë ninshitopi. Inasoꞌ Quisoso, Cosi huiꞌnin. Nasaritoquë yaꞌhuërinsoꞌ, itërin.

Juan 11:27

—Natëranquën mini Sinioro. Tëhuënchachin quëmasoꞌ Cristo. Yosë huiꞌninquën. Isoroꞌpaquë aꞌpaimarinquënsoꞌ, itërin.

Juan 20:31

Iso quiricaquë ninshitërahuësopitasoꞌ, Quisoso natëcamaso marëꞌ ninshitërahuë: “Inasoꞌ tëhuënchachin Cristo, Yosë huiꞌnin. Inari aꞌpaimarinsoꞌ,” taꞌtomaꞌ, ina imaco huachi. Imapatamaꞌ, Yosë nohuitatomaꞌ nanpimiataramaꞌ.

Hechos 2:36

Yosë huiꞌnin chachin iyaroꞌsaꞌ, corosëquë apatanantëramaꞌ. Inapotopiramahuëꞌ, Yosëri noya noya niꞌnin. ‘Inasoꞌ Cristo, aꞌpaimarahuësoꞌ. Sinioro niꞌton, natëcasoꞌ yaꞌhuërin,’ tënin. Noꞌtëquën iyaroꞌsaꞌ nani shaꞌhuitëranquëmaꞌ,” itërin.

1 Juan 2:22

Tëhuënchachin nonpin nanan shaꞌhuitarinënquëmaꞌ. “Quisososoꞌ co Cristohuëꞌ. Co Yosë huiꞌninhuëꞌ,” taꞌtonaꞌ, yanonpintërinënquëmaꞌ. Inapoatonaꞌ, Quisocristo inimicotapi. Tata Yosëntaꞌ aꞌpopi.

1 Juan 5:1

Yaꞌipi Quisocristo imarëhuasopita aꞌna huënton pochin ninëhuaꞌ. “Quisocristo Yosë huiꞌnin chachin,” tënëhuaꞌ niꞌton, huëntonënquë yaꞌconëhuaꞌ. Huiꞌninpita pochin niꞌninpoaꞌ. Niꞌcoꞌ. “Quëmapi tëhuënchachin nosorohuatëra, huiꞌninpitantaꞌ nosororëꞌ,” topi.