Mateo 16:18 - Chayahuita (Shahui)

¹⁸ nasha nininën acochinquën. Pitro itaranquën. Ca nohuanto, naꞌpitëquë noya pëipiso pochin naꞌa piyapiꞌsaꞌ aꞌchintaran imainacoso marëꞌ. Aꞌchintohuatan, huëntonëhuëquë ayaꞌconarahuë. Oshaquëran naꞌasarama huachi. Co chimirin tërantaꞌ minsëarinquëmahuëꞌ.

Mateo 16:18 ပူးပေါင်းရင်းမြစ်များ

Génesis 22:17

Noya nicatënquën catahuamiataranquën. Ca nohuanto shiparinpita, tayoraroꞌsa nápo naꞌaponaꞌ. Marë yonsanquë inotëraꞌhuaya nápo, naꞌamiataponaꞌ. Naporahuaton, inapitaso inimiconëna minsëraꞌpiaponaꞌ.

2 Samuel 18:4

—Naporama niꞌquëhuarëꞌ, inapoꞌi nipachin, itërin Tapiri. Napotahuaton ninano yaꞌcoanaquë yaꞌhuincá tënin. Sontaronënpita pipicaiso marëꞌ naporin. Inapohuachina, aꞌna huënton aꞌna huënton pipipi. Aꞌnaquën huaranca huaranca. Aꞌnaquënsoꞌ, pasa pasa pipipi.

Copo naporinso' 38:17

Piyapiꞌsa chiminpachinara, tashinanquë paꞌsahuatona yaꞌhuëpi. ¡Inaquë yaꞌconpitaëchin co quëmaso niꞌchinanhuëꞌ!

Salmos 107:18

Coꞌchachin nicatona aꞌpocosharotopi. Napoatona tapinanpitërapi.

Salmos 127:5

Naꞌa shinërë yaꞌhuëtërinpoaso pochin naꞌa huiꞌnahuanpatëhuaꞌ, capa cancantarihuaꞌ. Inimiconënpoapita coisëquë quëpahuachinpoaꞌ, co atapanarinënpoahuëꞌ.

Salmos 69:12

Naní quëran chinotárinaco. Ninano yaꞌcoanaroꞌsaquë huënsëpisopitantaꞌ, pinorinaco. Noꞌpirahuëroꞌsa quëran huarëꞌ, cantahuachinara aꞌpiantërinaco.

Proverbios 24:7

(-)

Isaías 28:16

Napoaton Sinioro naporin: “Niꞌquëꞌ. Sionquë aꞌnara naꞌpi acoarahuë. Noyá huayonpinan nisahuaton, paꞌpi paꞌton. Inari pëi achiniarin. Ina, pëi simintonën pochin nisarin. Insosona natëhuachinco, co tëꞌhuarëꞌna yaꞌhuëaponhuëꞌ.

Isaías 28:6

Coisëroꞌsa nanan anoyatohuachinara, inari catahuapon noꞌtëquën shaꞌhuitacaisoꞌ. Sontaroꞌsa ninano paꞌpoyapisopitantaꞌ, chiníquën cancantatona paꞌpoyacaiso catahuapon.

Isaías 54:17

Napoaponahuëꞌ, co inso tëranta ataꞌhuantiinquëmaso marëꞌ huaꞌna acoaponhuëꞌ. Insosona shaꞌhuirapihuachinquën, quëmari acopitëraꞌpiapon. Inpitasona natëhuachinaco, ca nohuanton minsëtaponaꞌ. Sinioro chachin naporin,” tënin.

Mateo 10:2

Shonca catoꞌ acorin paatonaꞌ nanamën aꞌchinacaiso marëꞌ. Simonꞌton acorin. Pitro itopi antaꞌ. Iiontaꞌ acorin, Antërisë itopisoꞌ. Santiaco, Coansha, inapitantaꞌ acorin. Sipitio huiꞌninpita inahuasoꞌ.

Mateo 11:23

Capinaomoquë yaꞌhuëramasopitantaꞌ co noꞌtëquën yonquiramahuëꞌ. ‘Noyacoi niꞌtoi, Yosëꞌpaꞌ paꞌsarai,’ ¿topiramahuëꞌ ti? Co ina marëꞌ inatohuaꞌ paꞌsaramahuëꞌ. Parisitopiquë paꞌmiatarama huachi. Huaꞌquiꞌ aꞌchintëranquëmaꞌ. Naꞌa caniaꞌpiroꞌsaꞌ aꞌnaroáchin anoyatërahuë. Nani nicapomarahuëꞌ, co yaimaramacohuëꞌ. Sotomaquë naporahuë naporini, inapitaso natëitonacohuëꞌ. Co oshanëna marëꞌ Yosëri ataꞌhuanchitonhuëꞌ. Ipora huantaꞌ yaꞌhuaꞌitonahuëꞌ.

Mateo 18:17

Co inapita tërantaꞌ yanatëantahuachinhuëꞌ, yaꞌipi imaramasopita niyontonpachinaꞌ, yaꞌipiya shaꞌhuitëquëꞌ inahuarintaꞌ nanan anoyachinaꞌ. Inapitarintaꞌ pënëantapirinahuëꞌ, co inapita tërantaꞌ yanatantahuachinhuëꞌ, ama huachi iyama pochin niꞌcosohuëꞌ. Co imarinso pochinhuë nipon, Noma copirno marëꞌ coriqui maꞌpatonaꞌpi pochin nipon niꞌco huachi.

Mateo 4:18

Cariria sonoꞌ yonsanquë paꞌsahuaton, catoꞌ sami camayoroꞌsaꞌ quënanconin. Aꞌnasoꞌ Simon. Pitro itopi antaꞌ. Iinsoꞌ Antërisë itopi. Ritinënapita tëꞌyatapi sami macacaiso marëꞌ.

Mateo 7:24

Ina quëran pënëntaantarin: “Naꞌaquëmaꞌ natanamacoso marëꞌ huëꞌnamaꞌ. Natëhuatamaco, aꞌna quëmapi pochin nisaramaꞌ. Ina quëmapisoꞌ, natëricho quëran yapëirin. Yapëihuachina, noya yonquiaton, noya pëiaquë yonirin. Naꞌpitëꞌ quënanahuaton, inaquë noya pëirin.

Juan 1:42

Itahuaton, Quisosoquë quëparin. Quisosori notëërahuaton, itërin: —Carinquën nohuitëranquën. Quëmasoꞌ Simonquën. Coansha huiꞌninquën. Nasha nininën acotaranquën. Pitro ichinquën, itërin. Inaora nananquë Sipasë itopi. (Naꞌpi pochin tapon naporin.)

Hechos 2:47

“Ma noyacha Yosëso paya,” tosapi. Yaꞌipi piyapiꞌsari noya niꞌpi. Nani tahuëriya aꞌnapitantaꞌ imasapi niꞌton, Yosëri anoyacancantërin. Ina nohuanton, inapitantaꞌ yaꞌconpi.

Hechos 20:28

Canpitantaꞌ niꞌcona piꞌpian tërantaꞌ Yosë naniantotamaꞌ. Quisoso imapisopitantaꞌ noya niꞌcoꞌ. Ispirito Santo nani acorinquëmaꞌ huaꞌanën pochin nicacamaso marëꞌ. Inapitantaꞌ Yosë huëntonënquë yaꞌconpi. Quisoso chiminaton, ayaꞌconinpoaꞌ.

Hechos 8:1

Istipan tëpasoiꞌ, Saonontaꞌ: “Tëpacoꞌ,” tënin. Naporo quëran huarëꞌ cotio huaꞌanoꞌsaꞌ noꞌhuitatonaꞌ, Quisoso imapisopita chiníquën aparisitopi. Quirosarinquë napopi. Aparisitatonaꞌ, ayanquëëpi. Yaꞌipi Cotia parti, Samaria parti, inaquëpita yanquëëpi. Caꞌtanoꞌsaráchin co paꞌpihuëꞌ.

1 Corintios 15:55

¿Onporahuatontaꞌ chimirin minsëarinpoaꞌ? Co huachi nanitarinhuëꞌ. Yaꞌhuan quëtëhuachinpora chiminëso pochin chiminacasoꞌ yaꞌhuëpirinhuëꞌ, co huachi chiminacasoꞌ tëꞌhuatarihuahuëꞌ,” tënin.

Gálatas 2:9

Santiaco, Pitro, Coansha, inapitasoꞌ chini chiníquën nanantopi niꞌton, shaꞌhuitërinacoi. “Yosë naꞌcon catahuarinquën. Ina acorinquën nisha piyapiꞌsaꞌ aꞌchintacaso marëꞌ,” taꞌtonaꞌ, sëꞌquërinaco. Pirnapintaꞌ sëꞌquëpi. “Canpitasoꞌ nisha piyapiꞌsaꞌ aꞌchintocoꞌ. Quiyaso nipirinhuëꞌ cotioroꞌsaꞌ aꞌchintarai,” itohuachinacoira, “Noyahuaꞌ,” itërai.

Efesios 3:10

Naꞌcon Yosë yonquirinpoaꞌ. Ina nohuanton, oshaquëran aꞌnaya aꞌnayanpoaꞌ imarëhuaꞌ. Iporasoꞌ naꞌaquënpoaꞌ imapatëhuaꞌ, Quisocristo huëntonënquë yaꞌconëhuaꞌ. Inápaquë chiníquën nanantopisopitantaꞌ nicatënënpoaꞌ: “Ma noya Yosë yonquirin niꞌton, anoyacancantaton, huëntonënquë chachin ayaꞌconin paya,” tosapi.

Efesios 5:32

Inasoꞌ sacaiꞌ nitotacasoꞌ. Caso nipirinhuëꞌ Quisocristo noya yonquirinpoasoꞌ shaꞌhuitaranquëmaꞌ. Yaꞌipi imarëhuasopita inarëꞌquënpoaꞌ nichinpitërëhuaꞌ niꞌton, aꞌnaíchin pochin Yosë niꞌninpoaꞌ.

Colosenses 1:18

Yaꞌipi imarëhuasopita aꞌna huënton pochin ninëhuaꞌ. Inaora nonën pochachin Quisocristo niꞌninpoaꞌ. Inasoꞌ motënpoa pochin nicaton, huaꞌanëntërinpoaꞌ. Inaꞌton chiminaponahuëꞌ, nanpiantarin. Napoaton yaꞌipinpoaꞌ inasáchin natëcasoꞌ yaꞌhuërin huachi.

1 Timoteo 3:5

Co huiꞌninpita tërantaꞌ pënënpachinhuëꞌ, aꞌnapitarinta co yanatëponhuëꞌ. Napoaton co nanitërinhuë Yosë imapisopita noya catahuacasoꞌ.

Hebreos 12:28

Huaꞌanëntërinquë chachin ayaꞌconinpoaꞌ. Inápaquë paꞌpatëhuaꞌ, co onporontaꞌ taꞌhuantarihuahuëꞌ. Napoaton: “Yosparinquën Sinioro,” itahuaꞌ. Yaꞌipi cancanënpoa quëran inasáchin chinotahuaꞌ. Noya cancantatëhuaꞌ, natëahuaꞌ noya nicainpoaso marëꞌ. Ipora huantaꞌ Yosësoꞌ noꞌtëquën anaꞌintarin niꞌton, tëꞌhuatacasoꞌ yaꞌhuërin. Pënquë maꞌsha ahuiquitërëso pochin yaꞌipi co noyahuëꞌ nininsopita anaꞌintarin.

Apocalipsis 11:15

Ina quëran yaꞌnatontarinsoꞌ anquënintaꞌ, pihuiantarin. Pihuihuachina, inápaquë chiníquën nonsapi, natanahuë. “Iráca quëra huarëꞌ naꞌa copirnoroꞌsaꞌ yaꞌhuëpirinahuëꞌ, iporasoꞌ Yosëri yaꞌipiya huaꞌanëntarin. Quisocristorë chachin huaꞌanëntomiatarin. Co onporontaꞌ pipiapihuëꞌ,” tosapi.

Apocalipsis 21:14

Pairatopisoꞌ shonca catoꞌ naꞌpiquë paquëërin, panca nininsoꞌ. Aꞌnaya aꞌnaya naꞌpiquë Quisoso caꞌtanoꞌsanënpita nininënaꞌ ninshitopi. Shonca catoꞌ yaꞌhuërin niꞌton, yaꞌipi nanitopi.