Mateo 16:14 - Chayahuita (Shahui)

¹⁴ —Nisha nisha cancantiarinën: “Coansha Paotistacoꞌ nanpiantarinsoꞌ niꞌton, naporin,” topi aꞌnaquën. “Co inahuëꞌ. Iniasëcoꞌ nanpiantamara,” topi aꞌnaquëontaꞌ. “Pënëntonaꞌpi iráca chiminpirinhuëꞌ, nanpiantarinsoꞌ nimara, tomantatonaꞌ, Irimiasë nimara,” topi aꞌnapitantaꞌ, itopi.

Mateo 16:14 ပူးပေါင်းရင်းမြစ်များ

Jeremías 1:1

Caso Irimiasëco. Tatahuësoꞌ, Iriquiasë itopi. Tatahuë, shimashonëhuëpita, inapitaso Corto huaꞌanoꞌsaráchin. Anatoto ninanoquë yaꞌhuërai. Inaso ninanoꞌ, Mincamin huënton noꞌpanënquë yaꞌhuërin. Pënëntaꞌhuaso marëꞌ Sinioro anitotërincosopita iso quiricaquë aninshitërahuë. Amon huiꞌnin Cosiasë itopisoꞌ Cota huëntonquë shonca cara piꞌipi copirno nicasoꞌ, anitotërinco. Cosiasë huiꞌninpitanta copirno yaꞌconpachinara, anitotaantarinco. Coaquin itopisoꞌton yaꞌconin. Ina quëran Sitiquiasëntaꞌ, yaꞌcoantarin. Ina, shonca aꞌna piꞌipi, aꞌnatërápo yoqui huaꞌanëntasoꞌ, Quirosarinquë yaꞌhuëpisopita quiquipi huachi.

Malaquías 4:5

Niꞌcoꞌ. Anaꞌintaꞌhuaso tahuëri nanihuachin, paꞌpi huëhuëpiro nisarin. Coꞌhuara ina tahuëri naniátërasohuëꞌ, Iniasë pënëntonaꞌpi aꞌpataranquëmaꞌ.

Mateo 14:2

“Maꞌpitacha nanitapaton, caniaꞌpiroꞌsaꞌ aꞌnaroáchin anoyatërin paya. Coansha Paotistacoꞌ nanpiantarinsoꞌ tënahuë,” itërin piyapinënpita nontaton. Iꞌhuamiáchin Coansha atëpataton, naporin.

Mateo 16:15

—¿Canpitapoꞌ? ¿Incota tënamaꞌ? itërin. Itohuachina,

Mateo 17:10

—Piꞌpian Sinioro yanatanainquën. Maistroꞌsaꞌ Yosë quiricanën aꞌchinpachinara, napopi: “Coꞌhuara Cristo oꞌmayatërasohuëꞌ, Iniasëꞌton huëantarin,” topi. ¿Onpoatontaꞌ napopi? itërin caꞌtaninsopitari.

Mateo 3:1

Naporoꞌ tahuëriꞌsaꞌ Coansha Paotista pënëntarin. Cotia parti pancana inotëroꞌ yaꞌhuërin. Co inaquë piyapiꞌsaꞌ yaꞌhuëpihuëꞌ. Inaquë yaꞌhuaton, Yosë nanamën shaꞌhuirarin. Naꞌa piyapiꞌsaꞌ huëꞌpi natanaponaꞌ:

Marcos 6:15

“Co inahuëꞌ. Iniasë pënëntonaꞌpi ipora,” topi aꞌnaquëontaꞌ. “Co inahuëꞌ. Ninotonaꞌpi iráca yaꞌhuërinsoꞌ nimara,” topi aꞌnaquëontaꞌ.

Marcos 8:28

—Nisha nisha yonquirapirinënquën. “Coansha Paotistacoꞌ nanpiantarinsoꞌ niꞌton, naporin,” topi aꞌnaquën. “Co inahuëꞌ. Iniasëcoꞌ nanpiantamara,” topi aꞌnaquëontaꞌ. “Ninotonaꞌpi iráca chiminpirinhuëꞌ, nanpiantarinsoꞌ nimara,” topi aꞌnapitantaꞌ, itopi.

Lucas 9:8

“Co inahuëꞌ. Iniasë yaꞌnoantarinsoꞌ nimara,” topi aꞌnaquëontaꞌ. “Co inahuëꞌ. Aꞌna pënëntonaꞌpi iráca chiminpirinhuëꞌ, nanpiantarinsoꞌ ipora,” topi aꞌnapitantaꞌ.

Juan 1:21

—Quëmasoꞌ Iniasënquën, iráca ayaponahuëꞌ, ¿yaꞌnoantamaranquën ti? itopi. —Co casoꞌ inacohuëꞌ, tënin. —¿Quëmasoꞌ pënëntonaꞌpi ninaraisoꞌ nimara ti? itaantapi. —Co inacohuëꞌ, tënin.

Juan 7:12

Nisha nisha yonquiatonaꞌ, ninontopi. “Inasoꞌ noya quëmapi,” topi aꞌnaquën. Aꞌnapitaso nipirinhuëꞌ taponaꞌ: “Co noyahuëꞌ. Yanonpintërinpoaꞌ,” topi.

Juan 9:17

Napoaton quëmapi itantaponaꞌ: —Nani anoyarayatërinquën niꞌquëhuarëꞌ, ¿maꞌtaꞌ quëma yonquiran? itopi. —Yosëri acorin pënëntacaso marëꞌ tënahuë, itërin.