Mateo 16:12 - Chayahuita (Shahui)

¹² Naporo huarëꞌ yonquipi huachi: “Co pan chachin yonquiaton, naporinhuëꞌ. Parisioroꞌsaꞌ, satosioroꞌsaꞌ inapita aꞌchinpisoꞌ yonquiaton, pënëninpoaꞌ. Piꞌpisha pan ahuëpocatërinsoꞌ sëꞌyonpachinara, aꞌnaroáchin sëꞌcotërin. Inapochachin inapitantaꞌ co noꞌtëquën aꞌchinatonaraihuëꞌ, piyapiꞌsaꞌ anishacancantopi, tapon napotërinpoaꞌ,” topi.

Mateo 16:12 ပူးပေါင်းရင်းမြစ်များ

Mateo 16:11

¿Onpoatomataꞌ co yonquiramahuëꞌ? “Pan ahuëpocatërinso pochin yaꞌhuëtopisoꞌ ama nohuantocosohuëꞌ,” itohuatënquëmara, co cosharoꞌ yonquiato naporahuëꞌ, itërin.

Mateo 3:7

Ina quëran naꞌa parisioroꞌsaꞌ, satosioroꞌsaꞌ, inapitanta huëꞌpi. —Quiyantaꞌ aporintocoi, itopirinahuëꞌ, Coansha co nohuantërinhuëꞌ: —¡Canpitasoꞌ yaꞌhuan pochin cancantatomaꞌ, yanonpinamaꞌ! “Yosë isoroꞌpaꞌ anaꞌintohuachin, chaꞌëpoi,” topiramahuëꞌ. Co topinan chaꞌësaramahuëꞌ.

Mateo 5:20

Cotio maistroꞌsaꞌ, parisioroꞌsaꞌ, inapita Yosë quiricanën noya nitotaponaraihuëꞌ, co cancanëna quëran imapihuëꞌ. Canpitantaꞌ co yaꞌipi cancanëma quëran huarëꞌ imapatamahuëꞌ, co onporontaꞌ Yosë huaꞌanëntërinquë yaꞌconaramahuëꞌ,” tënin.

Hechos 23:8

Satosioroꞌsasoꞌ co natëtonaꞌpiroꞌsahuëꞌ. “Co Yosë ananpitaantarinpoahuëꞌ. Co huaꞌyanënpoaꞌ yaꞌhuëtërinpoahuëꞌ. Co anquëniroꞌsa tërantaꞌ yaꞌhuëpihuëꞌ,” toconpi. Parisioroꞌsaso nipirinhuëꞌ natëpi. “Huaꞌyanënpoaꞌ yaꞌhuëtërinpoaꞌ niꞌton, Yosë ananpitaantarinpoaꞌ. Anquëniroꞌsantaꞌ yaꞌhuërin,” topi.

1 Corintios 5:6

Iporaso nipirinhuëꞌ “Nóya imarai,” topiramahuëꞌ, co yaꞌipinquëmaꞌ noya ninamahuëꞌ. Co noꞌtëquën yonquiramahuëꞌ. Niꞌcoꞌ. “Pan nipatëra, piꞌpian ahuëpocatërinsoꞌ acohuachina, yaꞌipi sëꞌcotërin,” topi. Nani ina nitotëramaꞌ. Inapochachin aꞌnayanquëma tërantaꞌ co noyahuëꞌ yonquihuatamaꞌ, yaꞌipinquëmaꞌ nitapicancanaramaꞌ.