Mateo 15:32 - Chayahuita (Shahui)

³² Ina quëran caꞌtanoꞌsanënpita përasahuaton, itapon: —Piyapiꞌsaꞌ nosororahuë. Nani cara tahuëri pochin natanarinaco niꞌton, co huachi mantaꞌ cosharoꞌ yaꞌhuëtopihuëꞌ capacaisoꞌ. Co topinan yaaꞌparahuëꞌ, tanari canahuachinaꞌ, itërin.

Mateo 15:32 ပူးပေါင်းရင်းမြစ်များ

Mateo 12:40

Iráca Conasë marëquë tëꞌyaitohuachinara, panca sami pochin nininsoari miꞌtërin. Cara tahuëri tashirë chachin inaquë yaꞌhuapirinhuëꞌ. Ina quëran Yosë nohuanton, chaꞌërin. Inapochachin cantaꞌ Yosë quëran quëmapico niꞌto, chiminpato, cara tahuëri tashirë chachin acoporoꞌ yaꞌhuaporahuëꞌ, chaꞌësarahuë huachi.

Mateo 14:13

Coansha tëpapisoꞌ natantahuaton, Quisoso piyapiꞌsaꞌ patërin. Potiquë yaꞌconahuaton, co piyapi yaꞌhuërinquëhuëꞌ paꞌnin. Piyapiꞌsaꞌ natantahuatonaꞌ, imapi. Ira paꞌtatonaꞌ, inahuaꞌton canconpi.

Mateo 15:33

—Paꞌpi notohuaroꞌ piyapiꞌsaꞌ yamorapi. ¿Intohuacha cosharoꞌ macatëꞌ isonapoꞌ piyapi aꞌcarë nicaya? Co pëiꞌ isëquë yaꞌhuërinhuëꞌ, itopi.

Mateo 20:34

Itohuachinara, nosoroaton, sëꞌhuarayarin. Aꞌnaroáchin noya niꞌtopi. Inapotohuachina, Quisoso imapi huachi.

Mateo 27:63

—Sinioro huaꞌan, Quisosocosoꞌ nonpintëꞌ, tënai. Nani yonquirai. Coꞌhuara chimiyantëraponhuëꞌ, piyapiꞌsaꞌ shaꞌhuitërin. “Tëpahuachinaco, cara tahuëri quëran nanpiantarahuë,” toconin.

Mateo 9:36

Paaton, notohuaroꞌ piyapiꞌsaꞌ quënanin. Co Yosë yonquiatonahuëꞌ, co napion cancantopi. Ohuicaroꞌsa pochin inahuasoꞌ, co incari tërantaꞌ aꞌpairinhuëꞌ. “¿Incha catahuaincoi paya?” taꞌtonaꞌ, nisha nisha yonquipi. Napoaton Quisosori nosororin.

Marcos 9:22

Naꞌaroꞌ pënquë sopairi tëꞌyatërin. Iꞌquëntaꞌ tëꞌyaitërin tëpacaso marëꞌ. Nosorocoi, Sinioro. Nanitohuatan, anoyatëquëꞌ, itërin.

Lucas 7:13

Ina quënanahuaton, Quisosori nosororin. —Ama imoya naꞌnëquësohuëꞌ, itërin.

Hechos 27:33

Tahuëri yaꞌcaritohuachina, Paono itantarincoi: —Iporasoꞌ, iyaroꞌsaꞌ, nani catoꞌ simana paꞌyanatomaꞌ, co coshatëramahuëꞌ.

Hebreos 4:15

Inasoꞌ yaꞌipinpoaꞌ noyá nohuitërinpoaꞌ. Sopai yaminsërinpoasontaꞌ nitotërin. Co chiníquën cancantërëhuahuëꞌ niꞌton, sopai shaꞌhuitarinpoaꞌ ama Yosë natëcaso marëhuëꞌ. Quisosontaꞌ isoroꞌpaquë nipon, sopairi naꞌcon yanonpintaton, nisha nisha shaꞌhuitopirinhuëꞌ minsëcaso marëꞌ, co inasoꞌ sopai natërinhuëꞌ.