Mateo 15:31 - Chayahuita (Shahui)

³¹ Piyapiꞌsari niꞌsahuatonaꞌ, paꞌyatopi. “Niꞌcoꞌ. Nëꞌhuëyaroꞌsaꞌ nonsapi. Apiaroꞌsaꞌ nani noyatopi. Sonpacharoꞌsaꞌ noya iratopi. Somarayaroꞌsantaꞌ noya quënantopi. ¡Ma noyacha Yosëso paya! ¡Ma noyacha niꞌton, piyapinënpitanpoa catahuarinpoa paya!” topi.

Mateo 15:31 ပူးပေါင်းရင်းမြစ်များ

Génesis 32:28

Naporoꞌ ina quëmapirisoꞌ itapon: —Co huachi Cacopo itarinënhuëꞌ. Ipora quëran huarëꞌ Israiro itarinën. Yosë chinitëran, piyapiꞌsanta chinitëran. Chinitaton canatëran niꞌton, ina pochin nohuitarinën, itërin.

Génesis 33:20

Ina piquëran Cacoposoꞌ, Yosë chinotacaso marëꞌ aꞌnara artaro ninin. Ina nisahuaton aninihuanin: Ir Iroi Israiro, itërin.

Éxodo 24:10

Inaquë pantahuachinara, Israirori chinotërinso Yosë chachin quënanpi. Noyápiachin nininquë toꞌquëtërin. Sapiro naꞌpiraꞌhua huënaratërinquë pochin toꞌquëtërin. Aꞌninquëchin piꞌiroꞌtë pochin yaꞌnorin.

Mateo 15:30

Napohuachina, notohuaroꞌ piyapiꞌsaꞌ huëꞌpi. Nisha nisha caniori maninsopita quësapi. Aꞌnaquën sonpacha, aꞌnaquën somaraya. Apiaroꞌsaꞌ, nëꞌhuëyaroꞌsaꞌ, inapita quësahuatonaꞌ, Quisoso pirayan acoipi. Inaquë acoihuachinara, yaꞌipimiachin anoyatërin.

Mateo 18:8

Napoaton imirama quëran, nantëma quëranhuë nipon co noyahuëꞌ nipatamaꞌ, oshahuanamaꞌ. Ninishitëimiratëramaꞌ, ninishitërantëtëramaꞌ, ninapotërama naporini, noya noya niitomahuëꞌ. Tantoimira, tantorancha nipomarahuëꞌ, Yosëꞌpaꞌ paatomaꞌ, co parisitopiquë paꞌitomahuëꞌ. Imiramaꞌ, nantëmaꞌ, inapita nishitëtëramaso pochin cancantatomaꞌ, yaꞌipi aoshahuaninquëmasoꞌ aꞌpocoꞌ.

Mateo 21:14

Ina quëran naꞌa caniaꞌpiroꞌsaꞌ Yosë chinotopiso pëiquë yaꞌconpi Quisosori anoyatacaso marëꞌ. Aꞌnaquën somaraya nininsoꞌ. Aꞌnaquëontaꞌ apiaroꞌsaꞌ. Inapita huëꞌpachinara, aꞌnaroáchin anoyatërin.

Mateo 8:10

Quisosori natanahuaton, paꞌyatërin. Napoaton piyapiꞌsaꞌ itapon: —¡Ma noyacha iso quëmapi natërinco paya! Nisha piyapi niponahuëꞌ, israiroꞌsa quëran noya noya natërinco.

Mateo 9:32

Ina quëran paꞌpachina, aꞌnapitantaꞌ canquipi. Nëꞌhuëya quëpi. Sopai nohuanton, co nanitërinhuëꞌ nonacasoꞌ.

Mateo 9:33

Quisosori nosoroaton, sopai aꞌpatërin. Aꞌpatohuachina, aꞌnaroáchin noyatërin. Noya nonsarin huachi. Piyapiꞌsari niꞌpachinara, paꞌyanpi. —Co onporontaꞌ iso pochin niꞌchinëhuahuëꞌ. Iráca quëran huarëꞌ co insontaꞌ isëquë naporinhuëꞌ, topi.

Mateo 9:8

Piyapiꞌsaꞌ ina nicatonaꞌ, paꞌyanpi. —¡Ma noyacha Yosëri catahuarin paya! Piyapi niponahuëꞌ chiníquën nanan quëtërin paya, topi.

Marcos 2:12

Itohuachina, aꞌnaroáchin noyatahuaton, huanirin. Pëꞌsaraꞌhuaya masahuaton, yaꞌhuërinquë paantarin. Ina niꞌsahuatonaꞌ, piyapiꞌsaꞌ paꞌyanpi. —¡Ma noyacha Yosëso niꞌton, aꞌnaroáchin anoyatërin paya! Co onporontaꞌ ina pochin niꞌchinëhuahuëꞌ, topi.

Marcos 7:37

“¡Maꞌpitacha Quisoso nitotërin paya! Nëꞌhuëroꞌsaꞌ anoyatohuachina, noya natantopi huachi. Co nonpirinahuëntaꞌ, aꞌnaroáchin anoyatërin niꞌton, noya nonsapi. ¡Yaꞌipichi noya ninin paya!” topi.

Marcos 9:43

Maꞌsona tërantaꞌ iyaroꞌsaꞌ anishacancantohuachinquëmaꞌ, aꞌpocoꞌ. Iso pochin yonquicoꞌ. Aꞌna imirama quëran co noyahuëꞌ nipatamaꞌ, oshahuanamaꞌ. Ninishitëimiratëramaꞌ naporini, tantoimiraya nipomarahuëꞌ, Yosëꞌpaꞌ paꞌitomahuëꞌ. Cato imirarëꞌquëma chachin parisitopiquë paꞌpatamasoꞌ, paꞌpi co noyahuëꞌ nisaramaꞌ. Inaquësoꞌ pën co onporontaꞌ tacopiarinhuëꞌ.

Lucas 14:13

Saꞌahuaroꞌsaꞌ, apiaroꞌsaꞌ, sonpacharoꞌsaꞌ, somaraya nininsopita, inapitantaꞌ nosoroaton, amatëquëꞌ.

Lucas 14:21

Napotohuachinara, inpriatoso ayanahuaton huaꞌanën shaꞌhuitiirin. “Co huachi nohuantopihuëꞌ,” itërin. Natanahuaton, noꞌhuitërin. “Manóton paantaquëꞌ. Cachiquë tërantaꞌ paaton, piyapi maconquëꞌ. Saꞌahuaroꞌsaꞌ, apiaroꞌsaꞌ, somaraya nininsopita, sonpacharoꞌsaꞌ inapita maconquëꞌ,” itërin. Itohuachina, paꞌsahuaton, macontarin.

Lucas 18:43

Itohuachina, aꞌnaroáchin noya niꞌtërin. “¡Ma noyacha Yosësoꞌ niꞌton, anoyarayatërinco paya!” taꞌton, Quisoso imarin. Piyapiꞌsantaꞌ paꞌyatatonaꞌ, “Ma noyacha Yosësoꞌ niꞌton, anoyarayatërin paya,” topi.

Lucas 7:16

Ina nicatonaꞌ, yaꞌipi piyapiꞌsaꞌ paꞌyanpi. —¡Ma noyacha Tata Yosëso paya! Ma noya quëmapi aꞌpatimarinpoaꞌ pënëinpoaso marëꞌ. Nani maꞌsha nanitaparin, topi. Ina quëran taantapi: —Yosë co naniantërinpoahuëꞌ. Catahuarinpoa huachi, topi.

Juan 9:24

Ina quëran huiꞌnin amatantapi. —Yosë niꞌsarinquën niꞌquëhuarëꞌ, noꞌtëquën shaꞌhuitocoi. Quisososoꞌ co noyahuëꞌ niꞌton, oshahuanin, tënai, itopi.