Mateo 15:3 - Chayahuita (Shahui)

³ Napotohuachinara, Quisosori itërin: —¿Onpoatontaꞌ canpitantaꞌ shimashonënpoaꞌ inachintërinsoꞌ natëtomaꞌ, co Yosë pënëntërinsoꞌ natëramahuëꞌ?

Mateo 15:3 ပူးပေါင်းရင်းမြစ်များ

Mateo 15:2

—¿Onpoatontaꞌ caꞌtanoꞌsanënpita co quiya pochin nipihuëꞌ? Iráca shimashonënpoaꞌ inachintopisoꞌ aꞌchintërinënpoaꞌ. “Coꞌhuara coshachatërasëmahuëꞌ, iꞌshaquë piꞌpian niopoimiratocoꞌ ama oshahuanacaso marëhuëꞌ,” topi iráca. Quëmaso nipirinhuëꞌ co ina pochin nicacasoꞌ aꞌchintëranhuëꞌ, itopi.

Mateo 15:4

Quiricanën quëran pënëninpoaꞌ. “Tatamaꞌ, mamamaꞌ, inapita noya nicatoma natëcoꞌ,” tënin. Naporahuaton, “Inso tëranta paꞌpinaꞌ, aꞌshinaꞌ inapita co noyahuë yonquirapitonaꞌ noꞌhuihuachinaꞌ, tëpacoꞌ,” tënin Yosë iráca.

Marcos 7:13

Ina pochin niaꞌchintatomaꞌ, co Yosë quiricanën natëramahuëꞌ. Huiꞌnamapitantaꞌ aꞌchintëramaꞌ inapochachin nicacaiso marëꞌ. Inapochachin pochin naꞌcon nisha nisha niaꞌchintëramaꞌ, itërin Quisosori.

Colosenses 2:23

Ina pochin nipënënpachinaꞌ, yonquínahuan pochin yaꞌnopirinahuëꞌ. “Maꞌsha aꞌporahuatoi, parisitërai. Parisitopiraihuëꞌ, ahuantërai. Ina marëꞌ Yosë noya noya niꞌnincoi,” topirinahuëꞌ, co noꞌtëquën yonquipihuëꞌ. Ina pochin nipirinahuëntaꞌ, co piꞌpian tërantaꞌ nanitopihuëꞌ co noyahuëꞌ yonquipisopita naniantacaisoꞌ.

Colosenses 2:8

Aꞌnaquënso nipirinhuëꞌ nisha aꞌchinpi. Niꞌcona oshaquëran anishacancantochinquëmaꞌ. Nonpin nanan inahuara yonquipisoꞌ aꞌchinapi. Piyapiꞌsaꞌ yonquipisoráchin imasapi. Quisocristo aꞌchininsoꞌ co imapihuëꞌ. Nisha nisha isoroꞌpaquë chiníquën nanantopisopita yonquiatonaꞌ, nisha pënëntapi. Yaocoirinënquëmaꞌ. Canpitaso nipirinhuëꞌ ama inapita natëcosohuëꞌ.

Tito 1:14

Ama cotioroꞌsaꞌ iráca napopisoꞌ natëinasohuëꞌ. Aꞌnaquën noꞌtën nanan aꞌporahuatonaꞌ, inahuara yonquinëna quëran aꞌchinapi. Ama inapita natëinasohuëꞌ.