Mateo 15:28 - Chayahuita (Shahui)

²⁸ —¡Ma noya imoya natëranco! Yaꞌipi cancanën quëran huarëꞌ natëranco niꞌton, huaꞌhuan anoyachinquën, itërin. Napotohuachina, aꞌnaroáchin huaꞌhuin noyatërin huachi.

Mateo 15:28 ပူးပေါင်းရင်းမြစ်များ

Salmos 145:19

Noya nicatona natëpisopitasoꞌ, Siniorori nohuantopisoꞌ acotërin. Catahuacaso marëꞌ nontohuachinara, natanaton nichaꞌësarin.

Mateo 14:31

Aꞌnaroáchin Quisosori maimirarin. Oshirahuaton, ahuaniintarin: —Co yaꞌipi cancanën quëran natërancohuëꞌ niꞌton, acopoiꞌ paꞌsapiranhuëꞌ. ¿Onpoatontaꞌ co noya natërancohuëꞌ? itërin.

Mateo 15:27

—Naporin mini Sinioro. Napoaponahuëꞌ, piꞌpian tërantaꞌ cosharoꞌ atatohuachina, niꞌniraꞌhuayari capitërin niꞌton, quiyantaꞌ catahuacoi, topirahuëꞌ, tënin.

Mateo 8:10

Quisosori natanahuaton, paꞌyatërin. Napoaton piyapiꞌsaꞌ itapon: —¡Ma noyacha iso quëmapi natërinco paya! Nisha piyapi niponahuëꞌ, israiroꞌsa quëran noya noya natërinco.

Mateo 8:13

Ina quëran capitan itantarin: —¡Yaꞌhuëranquë iyasha paantaquëꞌ! Natëranco niꞌton, apiramiachin piyapinën noyatarin, itërin. Naporo chachin piyapinën noyatërin. Paantahuachina, sano quënanconin huachi.

Mateo 9:22

Quisosori tahuërëtahuaton, sanapi quënanin. —Noya cancantëquëꞌ, imoya. Natëranco niꞌton, noyataran, itërin. Naporo chachin noyatërin. Huënaiꞌ noꞌnarin huachi.

Marcos 5:34

—Natëranco niꞌton, nani imoya, anoyatëranquën. Nani noyatëran niꞌton, noya paquë huachi, itërin.

Lucas 17:5

Ina quëran caꞌtanoꞌsanënpitari itopi: —Catahuacoi Sinioro, Yosë noya noya natëꞌi, itopi.

Lucas 7:50

Quisososo nipirinhuëꞌ sanapi itantapon: —Natëranco niꞌton, Yosë nichaꞌërinquën. Noya paquë huachi, itërin.

Lucas 7:9

Quisoso natanahuaton, paꞌyatërin. Ina quëran tahuërëtahuaton, piyapiꞌsaꞌ itapon: —¡Ma noya ina quëmapi natërinco paya! Nisha piyapi niponahuëꞌ, israiroꞌsa quëran noya noya natërinco. Napoaton ca nohuanto, apiramiachin piyapinën noyatarin, tënin.

2 Tesalonicenses 1:3

Iporasoꞌ iyaroꞌsaꞌ noya noya imasaramaꞌ. Cancanëma quëran huarëꞌ ina natëramaꞌ. Naꞌcon naꞌcon ninosororamaꞌ niꞌton, nani tahuëri “Yosparinquën,” itërai Yosë. Ina naꞌcon catahuarinquëmaꞌ niꞌton, ina pochin nontacasoꞌ yaꞌhuërin. Ina Yosë nohuantërin.

1 Samuel 2:30

Napoaton Sinioro israiroꞌsanpoa chinotërëhuaso naporin: ‘Nani yonquipirahuë piyapinëhuënquën nisápamasoꞌ. Quëmá quëran pipipisopitantaꞌ, inapoꞌina topirahuë. Iporaso nipirinhuëꞌ shaꞌhuitaranquën: Co onporo napocamaso yaꞌhuërinhuëꞌ. Noya niꞌninacosopita tëhuënchinsoꞌ, carinta noya niꞌsarahuë. Nocaninacopitaso nipirinhuëꞌ, atapamiatarahuëꞌ. Ca Sinioroco napotaranquëmaꞌ.