Mateo 15:2 - Chayahuita (Shahui)

² —¿Onpoatontaꞌ caꞌtanoꞌsanënpita co quiya pochin nipihuëꞌ? Iráca shimashonënpoaꞌ inachintopisoꞌ aꞌchintërinënpoaꞌ. “Coꞌhuara coshachatërasëmahuëꞌ, iꞌshaquë piꞌpian niopoimiratocoꞌ ama oshahuanacaso marëhuëꞌ,” topi iráca. Quëmaso nipirinhuëꞌ co ina pochin nicacasoꞌ aꞌchintëranhuëꞌ, itopi.

Mateo 15:2 ပူးပေါင်းရင်းမြစ်များ

Génesis 1:14

Ina quëran Yosë taantarin: “¡Aꞌpininsopita piꞌiroꞌtëquë yaꞌhuëꞌin. Tahuëri, tashi aꞌpintacaso marëꞌ yaꞌhuëꞌin. Inapita aꞌpinpachina, tahuëri, tashiꞌ, nisha nisha acoarin. Naporahuaton yoquiroꞌsaꞌ, piꞌipiroꞌsaꞌ, inapitanta piyapiroꞌsa nitotapi huachi!” tënin. Topachina, inachachin yaꞌhuërin huachi.

Mateo 15:3

Napotohuachinara, Quisosori itërin: —¿Onpoatontaꞌ canpitantaꞌ shimashonënpoaꞌ inachintërinsoꞌ natëtomaꞌ, co Yosë pënëntërinsoꞌ natëramahuëꞌ?

Marcos 7:2

Quisoso caꞌtanoꞌsanënpita coshatasoiꞌ, quënanquipi. Aꞌnaquën co niopoimirataponaraihuëꞌ coshatapi. Parisioroꞌsasoꞌ coꞌhuara coshachatëraponahuëꞌ, piꞌpian iꞌshaquë niopoimiratopi. Yaꞌipi cotioroꞌsaꞌ ina pochin yonquipi. “Co inapohuatëhuahuëꞌ, oshahuanarihuaꞌ,” tëcatonaꞌ napopi. Shimashonënaꞌ inachintopisoꞌ niꞌton, inapopi.

Marcos 7:5

Napoaton parisioroꞌsaꞌ, cotio maistroꞌsaꞌ inapitari Quisoso natanpi. —¿Onpoatontaꞌ Maistro quëma aꞌchintëransopitasoꞌ, co niopoimirataponaraihuëꞌ coshatapi? Shimashonënpoaꞌ inachintopirinahuëꞌ, inahuasoꞌ co napopihuëꞌ, itopi.

Lucas 11:38

Parisioroꞌsasoꞌ yacoshatohuachinara, iꞌshaquë piꞌpian niopoimiratopi. “Inapohuatëhuaꞌ, oshanënpoaꞌ inquiarëhuaꞌ,” topi. Quisososo nipirinhuëꞌ yacoshatohuachina, co ina pochin nininhuëꞌ. Ina marëꞌ pëiꞌ huaꞌanën paꞌyanin. “¿Onpoatontaꞌ topinan coshatarin?” taꞌton, yonquirarin.

Gálatas 1:14

Cotioroꞌsaꞌ napopisoꞌ chiníquën imato, inasáchin yonquirahuë. Carëꞌ napopináchin piꞌipitopisoꞌ noya natëpirinahuëꞌ, casoꞌ naꞌcon naꞌcon natërahuë. Nani maꞌsha shimashonëhuëpita aꞌchinpisoꞌ yanatëpirahuëꞌ.

Colosenses 2:8

Aꞌnaquënso nipirinhuëꞌ nisha aꞌchinpi. Niꞌcona oshaquëran anishacancantochinquëmaꞌ. Nonpin nanan inahuara yonquipisoꞌ aꞌchinapi. Piyapiꞌsaꞌ yonquipisoráchin imasapi. Quisocristo aꞌchininsoꞌ co imapihuëꞌ. Nisha nisha isoroꞌpaquë chiníquën nanantopisopita yonquiatonaꞌ, nisha pënëntapi. Yaocoirinënquëmaꞌ. Canpitaso nipirinhuëꞌ ama inapita natëcosohuëꞌ.

1 Pedro 1:18

Iráca shimashonënpoapita topinan quëran yaꞌhuëpi. Moshatopirinahuëꞌ, co Yosë nohuitopihuëꞌ. Inapita nonanatomaꞌ, canpitantaꞌ topinan quëran yaꞌhuëpiramahuëꞌ, Yosë ocoirinquëmaꞌ ina nohuitacamaso marëꞌ. Ocoiinquëmaso marëꞌ co coriqui pahuërëtërinhuëꞌ. Huiꞌnin chachin aꞌpaimarin. Coriqui, oro, inapita aꞌna tahuëri taꞌhuantarin.