Mateo 15:16 - Chayahuita (Shahui)

¹⁶ —¿Co canpita tërantaꞌ yonquiyátëramahuëꞌ ti? Inta nipachin, aꞌchinchinquëmaꞌ.

Mateo 15:16 ပူးပေါင်းရင်းမြစ်များ

Mateo 13:51

Ina quëran caꞌtanoꞌsanënpita natanin: —Nani aꞌchintëranquëmasoꞌ ¿nitotëramaꞌ ti? itërin. —Nani nitotërai, itopi.

Mateo 15:10

Ina quëran piyapiꞌsaꞌ përasahuaton, aꞌchintërin. —Yaꞌipinquëmaꞌ natanco noꞌtëquën yonquicamaso marëꞌ.

Mateo 15:15

—Achin Maistro aꞌchintërancoisoꞌ, aꞌchintaantacoi quiyantaꞌ noꞌtëquën nitochii, itërin Pitrori.

Mateo 15:17

Nani maꞌsha caꞌnëhuaso marëꞌ, co ina marëꞌ oshahuanëhuahuëꞌ. Co cosharoꞌ cancanënpoaquë yaꞌconinhuëꞌ. Chiꞌchirinamënpoaquë yaꞌconin. Ina quëran inquiantarëhuaꞌ. ¿Co ina nitotëramahuëꞌ ti?

Mateo 16:11

¿Onpoatomataꞌ co yonquiramahuëꞌ? “Pan ahuëpocatërinso pochin yaꞌhuëtopisoꞌ ama nohuantocosohuëꞌ,” itohuatënquëmara, co cosharoꞌ yonquiato naporahuëꞌ, itërin.

Mateo 16:9

Aꞌchintápiranquëmahuëꞌ, ¿ipora huantaꞌ co yonquiramahuëꞌ ti? Yonquicoꞌ iyaroꞌsaꞌ. Iꞌhua chachin aꞌnatërápo painchin nipirinhuëꞌ aꞌnatërápo huaranca piyapi ananitërahuë. ¿Ina naniantëramaꞌ ti? Naporoꞌ pëꞌsotopisoꞌ shonca catoꞌ iꞌmëꞌ mëntatëramaꞌ.

Marcos 6:52

Nani pan anaꞌatërinsoꞌ nicaponaraihuëꞌ, co ina yonquipihuëꞌ.

Marcos 7:18

—¿Co canpita tërantaꞌ nitochátëraramahuëꞌ ti? Inta nipachin, aꞌchintantaꞌinquëmaꞌ. Nani maꞌsha caꞌnëhuaso marëꞌ co ina marëꞌ oshahuanëhuahuëꞌ. Co cosharoꞌ cancanënpoaquë yaꞌconinhuëꞌ. Chiꞌchirinamënpoaquë yaꞌconin. Ina quëran inquiantarëꞌ. Napoaton yaꞌipi cosharoꞌ noya capacasoꞌ. Coshatërëhuaso marëꞌ co oshahuanëhuahuëꞌ, itërin.

Marcos 9:32

Natanaponaraihuëꞌ, co natëtacaisoꞌ nanitopihuëꞌ. “¿Onpoatontaꞌ ina pochin nontërinpoaꞌ?” topi yonquinëna quëran. Naporahuaton tëꞌhuatatonaꞌ, co nohuantopihuëꞌ natanacaisoꞌ.

Lucas 18:34

Natanaponaraihuëꞌ, co nitotopihuëꞌ. Maꞌsona tapon naporinsoꞌ co yonquipihuëꞌ.

Lucas 24:45

Yosë quiricaquë naporinsopita aꞌchintaantarin. Aꞌchintaton, catahuarin noꞌtëquën yonquicaiso marëꞌ.

Lucas 9:45

Natanaponaraihuëꞌ, co nanitopihuëꞌ natëtacaisoꞌ. “¿Onpoatontaꞌ ina pochin nontërinpoaꞌ?” topi yonquinëna quëran. Naporahuaton, tëꞌhuatatonaꞌ co nohuantopihuëꞌ natanacaisoꞌ.

Hebreos 5:12

Huaꞌqui Yosë nanamën natanapomarahuëꞌ, co nanitëramahuëꞌ Yosë noꞌtëquën natëcamasoꞌ. Noya yonquiatomaꞌ, aꞌnapita aꞌchintacamaso nipirinhuëꞌ, co noꞌtëquën yonquiyátëramahuëꞌ. Yaꞌnan aꞌchintëranquëmasoꞌ naquëranchin aꞌchintantaꞌhuanquëmasoꞌ yaꞌhuërin. Co inapita tërantaꞌ cancanëma quëran huarëꞌ yanatëramahuëꞌ. Huaꞌhuaroꞌsa pochin cancantatomaꞌ, co nanitëramahuëꞌ yaꞌipi Yosë nanamën yonquicamasoꞌ. Niꞌcoꞌ. Canopiaꞌhuaya shoꞌshoráchin yonquirin. Co nanitërinhuëꞌ coshatacasoꞌ.