Mateo 15:10 - Chayahuita (Shahui)

¹⁰ Ina quëran piyapiꞌsaꞌ përasahuaton, aꞌchintërin. —Yaꞌipinquëmaꞌ natanco noꞌtëquën yonquicamaso marëꞌ.

Mateo 15:10 ပူးပေါင်းရင်းမြစ်များ

1 Reyes 22:28

Micaiasëso napoaponahuëꞌ, taantarin: “Noya huënantahuatansoꞌ, co tëhuënchachin Sinioro noninsoꞌ shaꞌhuirahuëꞌ,” tënin.

Isaías 55:3

Huëcapairahuatomaco noya natancoꞌ. Natanpatamaco nanpiaramaꞌ. Tapi nosoroato nani shaꞌhuitërahuë. Ina nanicaso marëꞌ canpitaroꞌco anoyatomiatarahuë.

Isaías 6:9

Napotohuatora: “Paaton nipachin piyapinëhuëpita shaꞌhuitëquëꞌ: ‘Onponta nanamëhuë natanpiramahuëꞌ, co natëtaramahuëꞌ. Maꞌpitaso ninahuëso niꞌsápomarahuë tërantaꞌ, co yonquiaramahuëꞌ,’ tënin Sinioro, itonquëꞌ.

Mateo 13:19

Tricoraya paꞌsarayarëso pochin Yosë nanamën yaꞌipi parti aꞌchintërëꞌ. ‘Yosë yahuaꞌanëntarinquëmaꞌ,’ topachina, aꞌnaquën piyapiꞌsaꞌ ira pochin nipi. Nanamën natanpirinahuëꞌ, co yonquipihuëꞌ. Inairaroꞌsari huëcapairahuatonaꞌ, pëꞌyaquipiso pochin aꞌnaroáchin sopai huëꞌnin. Huëꞌsahuaton, Yosë nanamën natanpisoꞌ osërëtiirin. Ananiantërin huachi.

Mateo 15:11

Coshatërëso marëꞌ co oshahuanëhuëꞌ. Cancanënpoa quëran yonquirëso marëꞌ oshahuanëhuasoꞌ. Tëhuënchachin co noyahuëꞌ nonpatëra, oshahuanëꞌ, itërin.

Mateo 15:9

‘Yosë pënëntërinsoꞌ aꞌchinarai,’ topirinahuëꞌ, inahuara yonquinëna quëran aꞌchinpi. Napoaton topinan quëran chinotërinaco,” tënin Yosë. Iráca Isaiasë ninshitaton naporin, itërin Quisosori.

Mateo 24:15

Iráca Naniri ninoton, ninshitërin. ‘Aꞌna tahuëri inimicoroꞌsaꞌ Yosë pëinënquë yaꞌconahuatonaꞌ, tapiaponaꞌ. Paꞌpi co noyahuëꞌ nitatonaꞌ inapotohuachinaꞌ, co huachi inaquë Yosë chinotapihuëꞌ,’ tënin. Noꞌtëquën ninorin niꞌton, ina quirica nontohuatamaꞌ, noya yonquicoꞌ.

Lucas 24:45

Yosë quiricaquë naporinsopita aꞌchintaantarin. Aꞌchintaton, catahuarin noꞌtëquën yonquicaiso marëꞌ.

Efesios 1:17

Tata Yosësoꞌ noya noya ninin. Inasáchin chinotacasoꞌ yaꞌhuërin. Quisocristo isoroꞌpaquë oꞌmaton, Yosë anohuitërinpoaꞌ. Ina yonquiato, canpita marëꞌ Yosë nontërahuë: “Catahuaquëꞌ Sinioro noꞌtëquën yonquiꞌinaꞌ. Noya noya nohuichinënquën. Noya nohuitohuachinënquën, quëma yonquiranso chachin nitotapi.

Colosenses 1:9

Naporo quëran huarëꞌ canpita yonquiatëinquëmaꞌ, Yosë nontërai. Nani tahuëriya nontatoi, itërai: “Quëmasoꞌ Sinioro tëhuënchachin anitotërancoi noꞌtëquën natëcaꞌhuainquënso marëꞌ. Corosasëquë imarinënsopita naꞌcon catahuaquëꞌ. Yaꞌipi nohuantëransoꞌ anitotëquëꞌ. Ispirito Santori catahuain noꞌtëquën yonquiꞌinaꞌ.

Santiago 1:5

“¿Maꞌcha ipora niiya?” topatamaꞌ, Yosë nontocoꞌ noya anitochinquëmaꞌ. Onpopiontaꞌ Yosë nontacasoꞌ yaꞌhuërin. Co nosororinpoasoꞌ apiratërinpoahuëꞌ. Inaora nohuanton, catahuarinpoaꞌ. Nontërëhuaso marëꞌ co noꞌhuirinpoahuëꞌ. Catahuarinpoaꞌ noꞌtëquën yonquicaso marëꞌ.