Mateo 14:8 - Chayahuita (Shahui)

⁸ Itohuachina, aꞌshin paahuarin. —¿Maꞌtaꞌ mama maꞌpai? itoonin. —“Coansha anishitëconotahuaton, motën quëtoco,” itëquëꞌ, itërin aꞌshini. Manorahuaton, huaꞌan yaꞌhuërinquë paantarin. —Coansha motën nohuantërahuë. Sënanquë acorahuaton, apiramiáchin quëtoco, itoonin.

Mateo 14:8 ပူးပေါင်းရင်းမြစ်များ

1 Reyes 18:13

Iꞌhua chachin Quisapirari sontaroꞌsa camairin pënëntonaꞌpiroꞌsa tëpacaisoꞌ. Napohuachina, carisoꞌ pasa pënëntonaꞌpi poꞌorahuë. Aꞌnatërápo shonca, aꞌnatërápo shonca acorahuato, cato motopi naninoꞌsaquë poꞌorahuë. Inapotahuato, aꞌcarárahuë. ¡Co aꞌna ina nitotomaranquënhuëꞌ!

1 Reyes 19:2

Ina natanahuaton Quisapirasoꞌ, Iniasë shaꞌhuitacaso marëꞌ aꞌnara comision aꞌparin: “Naporin Quisapira: ‘Quëmasoꞌ Paaro marëꞌ pënëntonaꞌpiroꞌsa acorahuësoꞌ, atëpatëran. Napoaton carionta atëpataꞌhuanquënso yaꞌhuërin. Tashiraya ipora pochin atëpatëransopita pochin nitaranquën. Coꞌsoꞌ inapotohuatënquënhuëꞌ, mamanshiroꞌsa chiníquën anaꞌinchinaco,’ tënin,” itërin.

Esdras 1:9

Isonápo maꞌsharoꞌsa ohuarapisopita pichipiso yaꞌhuërin: Cara shonca tasonoꞌsa oro quëran nininsoꞌ. Huaranca tasonoꞌsa prata quëran nininsoꞌ. Cato shonca iscon cosoroaꞌhua. Cara shonca posicho oro quëran. Catapini pasa shonca posicho prata quëran. Huaranca maꞌshanta nisha nisha nipisopita. Inapitasoꞌ yaꞌipiya quëran aꞌnatërápo huaranca catapini pasa icanin. Yaꞌipi inapita Sispasarosoꞌ maꞌpatahuaton, Quirosarinquë quëpanantarin.

Proverbios 1:16

Inahuasoꞌ, co noyahuëꞌ nicacaiso marëꞌ manopi. Tëpatacaiso marëꞌ manopi.

Mateo 14:11

Motën sënanquë acorahuatonaꞌ, nanon quëtopi. Nanontaꞌ aꞌshin quëtoonin.

Mateo 14:7

“Maꞌsona tërantaꞌ, apiaꞌhua, nohuantohuatan, nico quëchinquën. Yoscoarëꞌ quëchinquën,” itërin.

Mateo 14:9

Natanahuaton, huaꞌan sëtërin. “Coansha noya quëmapi,” taꞌton, co huachi yonquirinhuëꞌ tëpacasoꞌ. Co yatëpapirinhuëꞌ, “Yaꞌipi piyapiꞌsaꞌ nataninaco, Yoscoarëꞌ itërahuë,” taꞌton, sontaroꞌsaꞌ aꞌparin tëpacaiso marëꞌ.

Marcos 6:24

Napotápachina, aꞌshin paahuarin. —¿Maꞌtaꞌ mama maꞌpai? itoonin. —“Coansha nishitëconotahuaton, motën quëtoco,” itëquëꞌ, itërin.

Marcos 6:25

Manorahuaton, huaꞌan yaꞌhuërinquë paantarin. —Coansha motën nohuantërahuë. Sënanquë acorahuaton, apiramiáchin quëtoco, itërin.

Marcos 6:28

Sënanquë motën acorahuaton, nanon quëtërin. Nanontaꞌ aꞌshin quëtonin.