Mateo 14:6 - Chayahuita (Shahui)

⁶ Ina quëran huaꞌhuatërinsoꞌ tahuëri nanihuachina, pita ninin. Naꞌa piyapiꞌsaꞌ amatërin. Naporoꞌ Irotiasa huaꞌhuin yaꞌconahuaton, yaꞌipi piyapiꞌsaꞌ niꞌtërantapaquë nansararin. Nanon nansarinsoꞌ niꞌsahuaton, huaꞌani paꞌyatërin:

Mateo 14:6 ပူးပေါင်းရင်းမြစ်များ

Génesis 40:20

Cara tahuëriya quëran, huaraon huaꞌhuatërinso tahuëri nanirin. Naporoꞌ yaꞌipi catahuarinsopita huaꞌanoꞌsa ichicapacancanacaso marëꞌ, panca pita ninin. Yaꞌipi përarinsopita niꞌtonënquë huaraonsoꞌ camaitërin: “Cato huaꞌanoꞌsa chachin tashinan pëi quëran ocoicoꞌ,” tënin.

Mateo 14:3

Iꞌhua chachin Coansha nanpisoꞌ, Irotisë co noyahuëꞌ ninin. Iin saꞌin osërëtaton, manin. Pinipi saꞌin chachin osërëtërin, Irotiasa itopisoꞌ. Napoaton Coansha Paotistari chiníquën pënënin. “Yosë co nohuantërinhuëꞌ iyaparin saꞌin osërëtaton macamasoꞌ,” itërin. Napotohuachina, chiníquën noꞌhuitaton, sontaroꞌsaꞌ camairin macacaiso marëꞌ. Masahuatonaꞌ, tashinan pëiquë poꞌmopi.

Mateo 14:7

“Maꞌsona tërantaꞌ, apiaꞌhua, nohuantohuatan, nico quëchinquën. Yoscoarëꞌ quëchinquën,” itërin.

Mateo 22:24

—Iráca Maistro Moisësë pënëninpoaꞌ: “Quëmapi saꞌaponahuë co huiꞌnin yaꞌhuëyátërasohuëꞌ saꞌin ayananpihuachin, ina iini chachin imoroën maantacasoꞌ yaꞌhuërin. Huiꞌnahuanpachin, iincoꞌ apoin inari yaꞌhuërëtacaso marëꞌ. Ina quëran mashotohuachin, maꞌshanën, noꞌpanën, inapita maantarin,” tënin Moisësë.

Marcos 6:14

Yaꞌipi Quisoso naporinsoꞌ nahuinin. Piyapiꞌsaꞌ natanahuatonaꞌ, nisha nisha yonquipi. Cariria huaꞌaontaꞌ natantërin, Irotisë itopisoꞌ. Iꞌhuamiáchin inari sontaronënpita camaiton, Coansha Paotista atëpatërin niꞌton, yonquiárin: “Ina quëmapisoꞌ Coansha. Iꞌhua chiminaponahuëꞌ, nanpiantarin. Napoaton nani maꞌsha nanitaparin,” tënin.

Marcos 6:17

Iꞌhua chachin Coansha nanpisoꞌ, Irotisë co noyahuëꞌ ninin. Iin saꞌin osërëtërin. Pinipi saꞌin chachin osërëtaton, manin, Irotiasa itopisoꞌ. Napoaton Coanshari chiníquën pënënin. “Co Yosë nohuantërinhuëꞌ iyaparin saꞌin osërëtaton macamasoꞌ,” itërin. Napotërinso marëꞌ Irotiasasoꞌ co quëyatonhuëꞌ, onpopionta yatëparin. Ina nohuanton huaꞌansoꞌ, sontaroꞌsa aꞌparin. Coansha macacaiso marëꞌ. Masahuatona tashinan pëiquë poꞌmopi. Inapotahuatona, catinaquëtopi.

Marcos 8:15

Quisosoriso nipirinhuëꞌ pënënarin: —Niꞌcona iyaroꞌsaꞌ. Pan ahuëpocatërinso pochin parisioroꞌsaꞌ yaꞌhuëtopi. Irotisë imapisopitantaꞌ yaꞌhuëtopi. Ama iyaroꞌsaꞌ ina nohuantocosohuëꞌ, itërin.

Lucas 13:31

Naporoꞌ aꞌnaquën parisioroꞌsaꞌ Quisosoquë huëꞌpi. —Aꞌnaroáchin taꞌaquëꞌ. Irotisë yatëparinquën, itiipi.

Lucas 23:11

Napohuachina, Irotisëri tëhuarin. Sontaronënpitarintaꞌ tëcaripi. Noyápiachin huaꞌan aꞌmorinso pochin aꞌmotahuaton, Piratoquë aꞌpaantarin.

Lucas 23:7

“Ina quëran mini,” itopi. Iꞌhuamiáchin Cariria huaꞌan Quirosarinquë huëꞌnin niꞌtapon, Irotisë itopisoꞌ. Inaquë yaꞌhuarin niꞌton, Quisoso yaaꞌparin Irotisë nontacaso marëꞌ. “Ina piyapinën niꞌton, inari anaꞌinchin,” taꞌton, aꞌparin.

Lucas 3:1

Naporo tahuëriꞌsaꞌ Tipirio itopisoꞌ, Noma copirno yaꞌconin. Nani shonca aꞌnatërápo piꞌipi huaꞌanëntarin. Ponsio Piratontaꞌ Cotia parti huaꞌanëntarin. Irotisësoꞌ, Cariria parti huaꞌanëntarin. Iin Pinipi itopisontaꞌ, Itoria parti, Traconiti parti, inapita parti huaꞌanëntarin. Nisaniasësoꞌ nipirinhuëꞌ, Apirinia parti huaꞌanëntarin.

Lucas 3:19

Irotisëntaꞌ huaꞌan nipirinhuëꞌ pënënin. “Quëmasoꞌ paꞌpi co noyahuëꞌ ninan. Naporahuaton, iyaparin saꞌin osërëtaton, manan. Pinipi saꞌin chachin manan. Irotiasa itopisoꞌ. Ina marëꞌ oshahuanan,” itërin.

Lucas 8:3

Coanantaꞌ imarin. Cosa saꞌin inasoꞌ. Soꞌinsoꞌ yaꞌipi Irotisë maꞌshanënpita aꞌpairin. Sosanantaꞌ imarin. Inapita imatonaꞌ, inahuara coriquinëna quëran cosharoꞌ paꞌanpi Quisoso, caꞌtanoꞌsanënpita, inapita coshatacaiso marëꞌ.

Hechos 12:1

Naporoꞌ tahuëriꞌsaꞌ aꞌna huaꞌan yaꞌhuërin, Irotisë itopisoꞌ. Quisoso imapisopita noꞌhuiton, sontaroꞌsaꞌ aꞌparin aparisitacaiso marëꞌ.

Hechos 4:27

Iso ninanoquë chachin Sinioro, piyapiꞌsaꞌ yonquipi huiꞌnan tëpacaiso marëꞌ. Inasoꞌ nóya nipirinhuëꞌ, tëpapi. Quëmari acoranso nipirinhuëꞌ, co quëꞌyapihuëꞌ. Irotisë, Ponsio Pirato, nisha piyapiroꞌsaꞌ, israiroꞌsaꞌ, inapitari Quisoso noꞌhuipi.