Mateo 14:5 - Chayahuita (Shahui)

⁵ Chiníquën noꞌhuiton, yatëpapirinhuëꞌ, piyapiꞌsaꞌ tëꞌhuatërin. “Yosëri chachin Coansha aꞌparin pënëinpoaso marëꞌ,” taꞌtonaꞌ, noya niꞌpi. Inapita tëꞌhuataton, co atëpatërinhuëꞌ.

Mateo 14:5 ပူးပေါင်းရင်းမြစ်များ

Jeremías 26:21

Ina naporinsoꞌ, Coaquin copirno, catahuarinsopita huaꞌanoꞌsaꞌ, aꞌnapita huaꞌanoꞌsaꞌ, inapitanta natanpi. Ina marëꞌ copirnori yatëparin. Oriasëso napoaponahuëꞌ, ina natantahuaton tëꞌhuanënquë Iquipitoꞌpaꞌ taꞌarin.

Mateo 11:9

Pënëntërinsoꞌ natanacamaso marëꞌ paꞌnamaꞌ, tënahuë. Coansha tëhuënchachin nóya pënëntërin. Co topinan quëran pënëntërinhuëꞌ. Yosëri chachin aꞌparin pënëntacaso marëꞌ.

Mateo 21:26

Nipirinhuëꞌ, “Co Yosëri nanan quëtërinhuëꞌ. Piyapiri quëtërin,” itohuatëhuaꞌ, naꞌa piyapiꞌsaꞌ noꞌhuiarinënpoaꞌ. “Yosëri aꞌparin pënëntacaso marëꞌ,” topi yaꞌipiya, nitopi.

Mateo 21:32

Coansha Paotista pënënpirinquëmahuëꞌ, co yanatëramahuëꞌ. Noya cancantamaso marëꞌ aꞌchintopirinquëmahuëꞌ, co yanatëramahuëꞌ. Copirno marëꞌ coriqui maꞌpatonaꞌpiroꞌsaꞌ, monshihuanaꞌpiroꞌsaꞌ, inapitaso nipirinhuëꞌ aꞌnaroáchin natëtonaꞌ, noya cancantopi. Ina nicapomarahuëꞌ, co yonquiramahuëꞌ. Co natëtochináchinhuëꞌ cancantëramaꞌ, itërin.

Lucas 20:6

Nipirinhuëꞌ: ‘Co Yosëri nanan quëtërinhuëꞌ. Piyapiri quëtërin,’ itohuatëhuaꞌ, naꞌa piyapiꞌsaꞌ chiníquën noꞌhuiarinënpoaꞌ. Naꞌpiquë tëꞌyaratënënpoaꞌ, tëpamarinënpoaꞌ. ‘Yosëri aꞌparin pënëinpoaso marëꞌ,’ topi yaꞌipiya,” nitopi.

Hechos 4:21

“Co natëhuatamacoihuëꞌ, anaꞌintarainquëmaꞌ,” itahuatonaꞌ, aꞌpapi. Apia anoyatërinsoꞌ nani catapini shonca naꞌcon piꞌipitërin niꞌton, yaꞌipi piyapiꞌsari paꞌyatopi. “Yosëíchin nanitërin anoyatacasoꞌ. Ma noyacha Yosëso paya,” topi yaꞌipi piyapiꞌsaꞌ. Napoaton huaꞌanoꞌsari co nanitopihuëꞌ anaꞌintacaisoꞌ.

Hechos 5:26

Ina quëran ponisiaroꞌsasoꞌ huaꞌanënarë chachin paꞌsahuatonaꞌ, macoantapi. Piyapiꞌsaꞌ tëꞌhuatatonaꞌ, co ahuëpihuëꞌ. “Naꞌpiquë tëꞌyarahuachinënpoaꞌ,” taꞌtonaꞌ, oshaquëran mapi.