Mateo 14:36 - Chayahuita (Shahui)

³⁶ “Quëma aꞌmoransoꞌ huirotën tërantaꞌ sëꞌhuatonaꞌ, noyachinaꞌ,” itopi. “Inta nipachin sëꞌhuainaꞌ,” topachina, sëꞌhuapi. Insoarisona sëꞌhuahuachina, aꞌnaroáchin noyatopi.

Mateo 14:36 ပူးပေါင်းရင်းမြစ်များ

Mateo 14:35

Yaꞌhuëhuanoꞌsari nohuitahuatonaꞌ, nanan aꞌpapi. “Quisoso nani canquirin,” topachinara, naꞌa caniaꞌpiroꞌsaꞌ quëpi anoyatacaso marëꞌ. Nisha nisha parti quëran huëꞌpi.

Mateo 23:5

Piꞌpian Yosë quiricanën ninshitahuatonaꞌ, tëꞌyainaquë achinpipi piyapiꞌsari nicacaiso marëꞌ. Naporahuatonaꞌ, naporopi aꞌmopi nohuitacaiso marëꞌ. ‘Inapohuatëhuaꞌ, piyapiꞌsaꞌ noya niꞌsarinënpoaꞌ,’ taꞌtonaꞌ, napopi. Napoaponaraihuëꞌ, co aquëtëꞌ Yosë yonquipihuëꞌ.

Marcos 6:56

Intohuaso tërantaꞌ Quisoso paꞌpachina, inatohuaꞌ caniaꞌpiroꞌsaꞌ quëparapi. Nisha nisha ninanoquë paꞌsarin. Aꞌnaquën pancana. Aꞌnaquën caraíchin piyapi yaꞌhuëpirinhuëꞌ, insëquësona paꞌpachina, cachiquë caniaꞌpiroꞌsaꞌ acopi. “Quëma aꞌmoransoꞌ huirotën tërantaꞌ sëꞌhuatonaꞌ, noyachinaꞌ,” tosapi. “Inta nipachin, sëꞌhuainaꞌ,” topachina, sëꞌhuapi. Insoarisona sëꞌhuahuachinaꞌ, aꞌnaroáchin noyatopi huachi.

Marcos 8:22

Ina quëran Pitsaitaquë chinpiconpi. Inaquë somaraya nininsoꞌ Quisosoquë quëpi. “Sëꞌhuaquëꞌ Sinioro noyachin,” itopi.

Lucas 6:19

Yaꞌipiya Quisoso sëꞌhuacaisoꞌ nohuantopi. Sëꞌhuahuachinara, ina nohuanton, aꞌnaroáchin noyatopi.

Juan 6:37

Aꞌnaquën Tata Yosë nohuanton, imasarinaco. Insosona imapachinaco, co onporontaꞌ aꞌpararahuëꞌ.

Juan 7:23

Chinoto tahuëri niponahuëꞌ, marca niacotëramaꞌ. Moisësë pënëntërinsoꞌ natëcaso marëꞌ naporamaꞌ. Inapoapomarahuëꞌ, ¿onpoatomataꞌ nipachin chinoto tahuëri piyapi anoyatërahuëso marëꞌ noꞌhuiramaco?

Hechos 3:16

‘Quisoso catahuarincoi,’ taꞌtoi, iso apia nohuitëramasoꞌ anoyatërai. Inantaꞌ: ‘Inasoꞌ, catahuarinco mini,’ taꞌton, noya paꞌsarin niꞌnamaꞌ canpitantaꞌ.