Mateo 14:23 - Chayahuita (Shahui)

²³ Nani nontohuachina, panënquë inaora paꞌnin Yosë nontacaso marëꞌ. Inaquë Yosë nontasoꞌ, tashitërin.

Mateo 14:23 ပူးပေါင်းရင်းမြစ်များ

Mateo 26:36

Ina quëran, Quisimani nararo itopiquë canconpi. Inaquë caꞌtanoꞌsanënpita shaꞌhuitërin. —Isëquë huënsëtacoꞌ. Pasëyáquë paꞌsarahuë Yosë nontapo, itërin.

Mateo 6:6

Canpitaso nipirinhuëꞌ Yosë yanontohuatamaꞌ, canpitaoráchin onpopiyanquë tërantaꞌ Yosë nontacasoꞌ yaꞌhuërin. Quëmaoraíchin Yosë nontëquëꞌ. Co quënanpiranhuëꞌ, nataninquën. Co piyapiꞌsaꞌ natanpirinënquënhuëꞌ, Yosësoꞌ noya natanatënquën, acanaarinquën.

Marcos 1:35

Tahuëririnquë coꞌhuara noya huënihuayantërasohuëꞌ, Quisoso huënsërahuaton ninano quëran pipirin. Co piyapi yaꞌhuërinquëhuëꞌ Yosë nontacaso marëꞌ inaoraíchin paꞌnin.

Marcos 6:46

Nani nontohuachina, inaora paꞌnin aꞌna motopiaꞌhuayaquë Yosë nontacaso marëꞌ.

Lucas 3:21

Coꞌhuara apoꞌmochatërasohuëꞌ, Coanshari piyapiꞌsaꞌ aporintahuachina, Quisosontaꞌ huëꞌnin aporihuanacaso marëꞌ. Nani aporihuanahuaton, Yosë nontërin. Nontasoꞌ, piꞌiroꞌtëꞌ niꞌsoatërin.

Lucas 5:16

Quisososo nipirinhuëꞌ, apira apira piyapiꞌsaꞌ patërin. Co piyapi yaꞌhuërinquëhuëꞌ paꞌnin Yosë nontacaso marëꞌ.

Lucas 6:12

Ina quëran Quisoso aꞌna motopiaꞌhuaquë paantarin Yosë nontacaso marëꞌ. Yaꞌipi tashiꞌ Yosë nontárin.

Lucas 9:18

Aꞌna tahuëri Quisoso inaora paꞌnin Yosë nontacaso marëꞌ. Caꞌtanoꞌsanënpitaráchin inaquë yaꞌhuëpi. Nani Yosë nontohuachina, Quisosori itërin: —Nani maꞌsha nanitaparahuë niꞌto, ¿in pochintaꞌ piyapiꞌsaꞌ cancantiarinaco? itërin.

Lucas 9:28

Posa tahuëri quëran Quisoso motopiquë paꞌnin. Pitro, Coansha, Santiaco, inapitaráchin quëparahuaton, Yosë nontacaso marëꞌ paꞌnin.

Hechos 6:4

Quiyaso nipirinhuëꞌ Yosë nontaꞌhuaisoꞌ, nanamën aꞌchinaꞌhuaisoꞌ, inasáchin yonquiarai, itopi caꞌtanoꞌsari.