Mateo 14:19 - Chayahuita (Shahui)

¹⁹ Ina quëran piyapiꞌsaꞌ shaꞌhuitërin pastoquë huënsëcaiso marëꞌ. Nani huënsëhuachinara, Quisosori aꞌnatërapoya pan, catoya sami, inapita manin. Masahuaton, inápaquë nëꞌpëtahuaton, Yosë nontërin. “Yosparinquën, Tata,” itahuaton, pan, sami, inapita sëꞌpanahuaton, caꞌtanoꞌsanënpita quëtërin. —Piyapiꞌsaꞌ quëtoncoꞌ caꞌinaꞌ, itohuachina, quëtëraꞌpiapi.

Mateo 14:19 ပူးပေါင်းရင်းမြစ်များ

Mateo 14:18

—Inaya tërantaꞌ quëshico, itohuachina, quëshiipi.

Marcos 6:39

Itohuachinara, piyapiꞌsaꞌ shaꞌhuitërin pastoquë huënsëcaisoꞌ.

Marcos 6:41

Ina quëran aꞌnatërapoya pan, catoya sami, inapita maꞌparin. Inápaquë nëꞌpëtahuaton, Yosë nontërin. “Yosparinquën, Tata,” itahuaton, pan sëꞌpanin. Ina quëran caꞌtanoꞌsanënpita quëtërin piyapiꞌsaꞌ quëtacaiso marëꞌ. Sami sëꞌpaninsontaꞌ quëtëraꞌpiapi. Inaíchin nipirinhuëꞌ, yaꞌipi piyapi ananitërin.

Marcos 7:34

Inápaquë nëꞌpëtahuaton, sëtërin quëran panca nii oꞌhuarin. Ina quëran Yosë nontahuaton: “¡Ipata!” itërin. “¡Nëꞌhuëransoꞌ inquiquëꞌ!” tapon napotërin.

Lucas 22:17

Minëaꞌhua masahuaton, Yosë nontërin. “Yosparinquën, Tata,” itahuaton, caꞌtanoꞌsanënpita quëtërin. —Canpitantaꞌ piꞌpian piꞌpian oꞌocoꞌ.

Lucas 22:19

Ina quëran cosharoꞌ masahuaton, “Yosparinquën, Tata,” itahuaton, sëꞌpanin. Inapotahuaton, aꞌnaya aꞌnaya quëtërin. —Ca nonëhuë pochin isoꞌ. Canpita marëꞌ chiminarahuë. Ca chinotatomaco, caꞌcoꞌ, itërin.

Lucas 24:30

Yacoshatohuachinaꞌ, Quisosori pan manin. “Yosparinquën,” Yosë itahuaton, sëꞌpanin. Sëꞌpanahuaton, quëtërin.

Lucas 9:14

Aꞌnatërápo huaranca pochin quëmapiꞌsaꞌ yaꞌhuëpi niꞌton, napopi. Ina quëran caꞌtanoꞌsanënpita itërin: —Piyapiꞌsaꞌ shaꞌhuitocoꞌ huënsëꞌinaꞌ. Aꞌnatërápo shonca, aꞌnatërápo shonca pochin huënsëꞌinaꞌ, itërin.

Lucas 9:16

Nani huënsëhuachinara, Quisosori aꞌnatërapoya pan, catoya sami, inapita maꞌpatërin. Inápaquë nëꞌpëtahuaton, Yosë nontërin: “Yosparinquën, Tata,” itahuaton, pan, sami, inapita sëꞌpanahuaton, caꞌtanoꞌsanënpita quëtërin. “Piyapiꞌsaꞌ quëtoncoꞌ caꞌinaꞌ,” itërin.

Juan 11:41

Ina quëran naꞌpi chiꞌhuincatopi. Quisoso inápaquë nëꞌpëtahuaton, Yosë nontërin: —Nani Tata nontëranquën catahuancoso marëꞌ. Natanatonco, catahuaranco mini. Ina marëꞌ “Yosparinquën,” itëranquën.

Juan 6:23

Napoasoi, potiroꞌsanta Tipiriasë quëran huëꞌpisoꞌ canquirapi quënanpi. Quisoso cosharoꞌ anaꞌataton piyapiꞌsaꞌ aꞌcarinsoꞌ yaꞌcari nonshiipi.

Hechos 27:35

Itahuatoncoi, pan manin. Yaꞌipiya niꞌtërantapaiquë, Yosë nontërin. “Yosparinquën Tata Yosë,” itahuaton, sëꞌpanin. Ina quëran coshatarin.

Romanos 14:6

Ma tahuërisona chinotohuatamaꞌ, Yosë yonquiatomaꞌ, ina chinotaramaꞌ. Inapochachin nosha caꞌpatamaꞌ, Yosë yonquiatomaꞌ, coshatëramaꞌ. “Yosparinquën, Sinioro,” itëramaꞌ. Co nosha caꞌnaꞌpinquëmahuëntaꞌ Yosë yonquiatomaꞌ, coshatëramaꞌ. “Yosparinquën, Sinioro,” itëramaꞌ canpitantaꞌ.

1 Corintios 10:16

Niyontonpatëhuara, Quisocristo chimininsoꞌ yonquirëhuaꞌ. “Quiya marëꞌ Sinioro huënainën paꞌnin niꞌton, ‘Yosparinquën’ tënai,” itatëhuaꞌ, huënainën pochin nininsoꞌ oꞌorëhuaꞌ. Cancanënpoa quëran huarëꞌ yonquiatëhuaꞌ, oꞌopatëhuaꞌ, huënainën napopináchin yonquirëhuaꞌ. Ina quëran cosharoꞌ ina nonën pochin nininsoꞌ sëꞌpanahuatëhuaꞌ, caꞌnëhuaꞌ. “Tëhuënchachin canpoa marëꞌ Quisocristo nonën ohuanpi,” taꞌtëhuaꞌ, napopináchin yonquirëhuaꞌ.

1 Corintios 10:31

Maꞌsona tërantaꞌ nipatamaꞌ, Yosë yonquiatomaꞌ, noya nicoꞌ aꞌnapitantaꞌ Yosë noya yonquicaiso marëꞌ. Napoaton coshatohuatamaꞌ, oꞌopatamaꞌ, maꞌsona tërantaꞌ nipatamaꞌ, ina yonquicoꞌ.

1 Corintios 11:24

“Yosparinquën Tata Yosë,” itahuaton, sëꞌpanin. Sëꞌpanahuaton, aꞌnaya aꞌnaya quëtërin. “Ca nonëhuë pochin isoꞌ. Caꞌcoꞌ. Canpita marëꞌ chiminarahuë. Niyontonpatamaꞌ, chiminahuësoꞌ yonquiatomaco, piꞌpian cosharoꞌ caꞌcoꞌ,” itërin.

Colosenses 3:17

Maꞌsona tërantaꞌ yanipatamaꞌ, Sinioro Quisoso yonquiatomaꞌ, nicoꞌ. Ina yonquiatomaꞌ, noya noncoꞌ. Quisoso catahuarinquëmaꞌ niꞌton, “Yosparinquën,” Tata Yosë itocoꞌ.

1 Samuel 9:13

Canconpatamaꞌ, aꞌnaroáchin yonícoꞌ. Coꞌhuara inaquë paꞌshátërasohuëꞌ, yaꞌcopiontacoꞌ. Inasoꞌ, inaquë capon paꞌsarin. Coꞌhuara ina canshátërasohuëꞌ, co aꞌnapitaso caponahuëꞌ. Ina cancona huarëꞌ caponaꞌ. Inari maꞌsha Sinioro marëꞌ tëpapisoꞌ, “Yosparinquën,” itacaso niꞌton, ninapi. Inapotohuachina naporo huarëꞌ përarinsopita caponaꞌ. Napoaton apira paꞌpatamaꞌ quënancoanamaꞌ, itopi nanoꞌsari.