Mateo 13:6 - Chayahuita (Shahui)

⁶ Piꞌiri chiníquën piꞌcahuachina, yaahuirin. Piꞌpisharaꞌhuaya itëhuanin niꞌton, ahuirin huachi.

Mateo 13:6 ပူးပေါင်းရင်းမြစ်များ

Isaías 49:10

Co huachi tanaponahuëꞌ. Co huachi yamoroaponahuëꞌ. Co piꞌiri tëranta piꞌcaton aparisitaponhuëꞌ. Cari nosoroato insëchinsona pacacaisoꞌ, aꞌnotapo. Huinanoꞌsa yaꞌhuërinquë cari quëpapo.

Mateo 13:21

co cancanëna quëran huarëꞌ natëpihuëꞌ. Co chiníquën cancantatonaraihuëꞌ, co natëmiatopihuëꞌ. Maꞌsha onpohuachinara, aꞌnaroáchin yaaꞌpopi. Imapiso marëꞌ aparisitohuachinara, aꞌpopi huachi.

Mateo 13:5

Aꞌnaquën yaꞌpirin naꞌpiroquë paꞌsarayarin, piꞌpian piꞌpian noꞌpaꞌ yaꞌhuërinquë. Shimënshin noꞌpaꞌ niꞌton, shiarahuaton, papotopirinhuëꞌ.

Mateo 13:7

Aꞌnaquën yaꞌpiriontaꞌ nahuanoquë paꞌsarayarin. Inaquë papotopirinhuëꞌ, nahuanoꞌsarintaꞌ papotërin. Aꞌshinahuatonaꞌ, imotërin huachi. Napoaton co nitërinhuëꞌ.

Marcos 4:6

Piꞌiri chiníquën picahuachina, yaahuirin. Piꞌpisharaꞌhuaya itëhuanin niꞌton, ahuirin huachi.

Lucas 8:13

Aꞌnaquëontaꞌ naꞌpiro pochin nipi. Yosë nanamën natanahuatonaꞌ, aꞌnaroáchin paꞌyatatonaꞌ, natëpirinahuëꞌ. Co chiníquën cancantatonahuëꞌ, co natëmiatopihuëꞌ. Maꞌsha onpohuachinara, Yosë aꞌpopi.

Efesios 3:17

Yaꞌipi cancanëna quëran natëtatonaꞌ, Quisocristoíchin yonquiꞌinaꞌ. ‘Cancanëhuëquë yaꞌhuërarin,’ taꞌtonaꞌ, noya noya nohuichinën. Catahuaquëꞌ noya nosoroꞌinën. Yaꞌipi piyapiꞌsantaꞌ nosoroꞌinaꞌ, Nara itëquën acopoꞌ paꞌpachina, co inpaninhuëꞌ. Inapochachin inapitantaꞌ ‘Quisocristo naꞌcon nosororincoiꞌ,’ taꞌtonaꞌ, aꞌnapitantaꞌ nosoroꞌinaꞌ. Noya ninosorohuachinaꞌ, Ispirito Santori catahuararin chiníquën cancantacaisoꞌ.

Colosenses 1:23

Imamiatohuatamaꞌ, Yosë noya niꞌsarinquëma huachi. Noya nanan natanamaꞌ. “Nichaꞌësarinpoaꞌ,” taꞌtomaꞌ, natërama huachi. Natëmiatocoꞌ. Ama, iyaroꞌsaꞌ, nisha nisha yonquicosohuëꞌ. Ama piꞌpian tërantaꞌ aꞌpocosohuëꞌ. Yaꞌipi parti noya nanan chachin aꞌchinapi. Inachachin cantaꞌ aꞌchinarahuë.

Colosenses 2:7

Niꞌcoꞌ. Maꞌsha shaꞌpatëra, itën acopoꞌ noꞌpaquë paꞌpachina, noya huanirin. Inapochachin canpitantaꞌ Quisocristo noya chinpitocoꞌ. Inasáchin yonquicoꞌ achinicancainquëmaꞌ. Nani iyasha noꞌtëquën aꞌchintërinquëmaꞌ niꞌton, yaꞌipi cancanëma quëran Quisocristo natëcoꞌ. “Yosë naꞌcon nosororinpoaꞌ,” taꞌtomaꞌ, nani tahuëri “Yosparinquën Sinioro,” itocoꞌ.

Apocalipsis 7:16

Co huachi tanaponahuëꞌ, co yamoroponahuëꞌ. Co piꞌiri picahuachin, parisitaponahuëꞌ. Noya yaꞌhuëintarapi.