Mateo 13:52 - Chayahuita (Shahui)

⁵² —Yosë quiricanën nani nitotaramaꞌ. Yosë huaꞌanëntërinsoꞌ aꞌchintëranquëmaꞌ niꞌton, pëiꞌ huaꞌanën pochin nisaramaꞌ. Pëiꞌ huaꞌanën noya nipachina, yaꞌipi pëinënquë yaꞌhuëpisopita noya nocomarin. Nani naꞌcon aꞌchintëranquëmaꞌ Yosë nanamën aꞌchinacamaso marëꞌ. Iráca ninshitopisoꞌ nitotëramaꞌ. Naporahuaton, aꞌnantaꞌ nashamiachin aꞌchintaranquëmaꞌ. Yaꞌipiya nitotatomaꞌ, aꞌchintëraꞌpiaramaꞌ, itërin Quisosori.

Mateo 13:52 ပူးပေါင်းရင်းမြစ်များ

Esdras 7:10

Istrasësoꞌ, yaꞌipi cancanën quëran Sinioro pënëntërinso yanitotërin. Ina nitotahuaton, noꞌtëquën natëcaso yonquirin. Naporahuaton, aꞌnapita israiroꞌsanta aꞌchintochináchin cancantërin.

Esdras 7:21

Ca Artaquirquisë copirnoco camaitarahuë. Iopiratisëiꞌ aquëtëran piꞌi yaꞌconinso parti, naꞌanquëma maꞌsha tapatëramacosopita yaꞌhuëramaꞌ. Ina naponquëma chachin iso pochin camaiaranquëmaꞌ. Corto huaꞌan Istrasë maꞌsona natanpachinquëmaꞌ, quëtocoꞌ. Inasoꞌ, Yosë inápaquë yaꞌhuëaton pënëntërinsoꞌ, noyá nitotërin. Ina nitotaton aꞌchinaꞌpi yaꞌconin.

Esdras 7:6

Istrasësoꞌ, iráca pënëntërinsoꞌ quirica nóya nitotaton, aꞌchinaꞌpi yaꞌconin. Ina quiricaquë Sinioro nohuanton Moisësë ninshitërin. Naporahuaton Siniorori noya catahuarin. Napoaton Artaquirquisë copirnori yaꞌipi nataninsopita catahuacaso marëꞌ quëtërin. Inapoaton inasoꞌ, Papironia quëran Quirosarinquë huëntarin. Aꞌna huëntonaꞌ, israiroꞌsari imaquipi. Inapitasoꞌ aꞌnaquën corto huaꞌanoꞌsaꞌ. Aꞌnaquëntaꞌ, nihuiroꞌsaꞌ. Aꞌnapitasoꞌ, cantanaꞌpiroꞌsaꞌ. Aꞌnapitantaꞌ, yaꞌcoana aꞌpairoꞌsaꞌ. Aꞌnaquënsoꞌ, Yosë chinotacaso pëiquë sacatopisopita. Artaquirquisë nani canchisë piꞌipi copirno yaꞌconinso nisapasoꞌ, Quirosarinquë canquipi. Yaꞌnatiirinso yoquiquë yaꞌnatiirinso tahuëri chachin pipipi. Napoaponaraihuëꞌ, aꞌnatërápo yoqui nisahuaton, aꞌna tahuëri quëran Quirosarinquë canquipi. Siniorori catahuarin niꞌton, noya iratopi.

Proverbios 15:7

Yonquinahuanoꞌsaso nonpachinara, piyapiꞌsa yonquínahuan acoapi. Yaꞌhuërëꞌ co yonquinahuanoꞌsahuëꞌ nonpachinara, anishacancantopi.

Mateo 12:35

Noya cancantohuatëhuaꞌ, noyasáchin nonarihuaꞌ. Co noyahuëꞌ cancantohuatëhuaꞌ, co noyahuëꞌ nonarihuaꞌ.

Mateo 13:51

Ina quëran caꞌtanoꞌsanënpita natanin: —Nani aꞌchintëranquëmasoꞌ ¿nitotëramaꞌ ti? itërin. —Nani nitotërai, itopi.

Mateo 13:53

Nani aꞌchintohuachina, paꞌnin huachi.

Mateo 23:34

Napoaton pënëntonaꞌpiroꞌsaꞌ aꞌpataranquëmaꞌ. Noꞌtëquën yonquinaꞌpiroꞌsaꞌ, aꞌchinaꞌpiroꞌsaꞌ inapita aꞌpataranquëmaꞌ aꞌchintinënquëmaso marëꞌ. Noꞌtëquën pënënaponënquëmaꞌ nipirinhuëꞌ, noꞌhuiaramaꞌ. Aꞌchintopirinënquëmahuëꞌ, aꞌnaquën tëpaaramaꞌ. Aꞌnaquën niyontonpiso pëiquë chiníquën huihuiaramaꞌ. Nisha nisha ninanoquë imatomaꞌ, aparisitaramaꞌ. Aꞌnaquëontaꞌ corosëquë patanantatomaꞌ, tëpaaramaꞌ.

Mateo 28:19

Napoaton canpita paatomaꞌ, yaꞌipi piyapiꞌsaꞌ aꞌchintocoꞌ. Nisha nisha nananquë nonpisopita aꞌchintocoꞌ imainaco. Insosona natëhuachinaco, iꞌquë aporintocoꞌ. “Tata Yosë, Huiꞌnin, Ispirito Santo inapita nanan quëtërincoi niꞌton, aporintaranquën,” itahuatomaꞌ, aporintocoꞌ.

Lucas 11:49

Yosë noꞌtëquën ninorinquëmaꞌ. Iráca chachin naporin: ‘Naꞌa quëmapiꞌsaꞌ aꞌpararahuë pënëinënquëmaso marëꞌ. Aꞌchintapirinënquëmahuëꞌ, noꞌhuitomaꞌ, ahuëaramaꞌ. Aꞌnaquën tëpaaramaꞌ,’ itërinquëmaꞌ.

Juan 13:34

Iporasoꞌ nasha pochin pënënaranquëmaꞌ noya ninosorocamaso marëꞌ. Carinquëma nosororanquëmaso pochachin, imaramacosopita capinintaꞌ ninosorocoꞌ.

2 Corintios 6:10

Sëtopiraihuëꞌ, Yosë yonquiatoi, noya cancantërai. Co naꞌcon maꞌsha yaꞌhuëtopirincoihuëꞌ, Yosë nanamën aꞌchintërai niꞌton, naꞌa piyapiꞌsaꞌ natëtonacoi, noya noya cancantapi. Co mantaꞌ yaꞌhuëtopirincoihuëꞌ, Yosë nohuitatoi, sano cancantërai. Co mantaꞌ noya nininsoꞌ pahuantërincoihuëꞌ.

Efesios 3:4

Ina nontohuatamaꞌ, Quisocristo nanamën anitotërincosoꞌ canpitantaꞌ nitotaramaꞌ.

Efesios 3:8

Casoꞌ aꞌnapita imapisopita quëran naꞌcon naꞌcon co noyahuëꞌ nipirahuëꞌ, anoyacancantërinco. Ina quëran nosoroatonco, acorinco nisha piyapiꞌsaꞌ shaꞌhuitaꞌhuaso marëꞌ. Quisocristo nanamënsoꞌ noyápiachin. Ma inacha niꞌton, nosoromiatërinpoa paya, tënahuë yonquiato.

Colosenses 1:7

Ipapërasë aꞌchintërinquëmaꞌ, inaroꞌcoi nóya ninosororaisoꞌ. Quiya pochachin natëton, Quisocristo nanamën aꞌchinarin. Co quiyasoꞌ nanitëraihuëꞌ canpitataquë pacaꞌhuaisoꞌ niꞌton, ina aꞌparahuë aꞌchintinquëmaso marëꞌ. Co chirorinhuëꞌ aꞌchinacasoꞌ.

Colosenses 3:16

Yaꞌipi Quisocristo nanamën yonquirácoꞌ. Naꞌcon ina yonquicoꞌ. Noya nitotatomaꞌ, niaꞌchintocoꞌ, nipënëncoꞌ. Yosë cantanën nisha nisha nininsopita cantacoꞌ. Sarmo quirica nontatomaꞌ, inantaꞌ cantacoꞌ. Canpitaora yonquinëma quëraontaꞌ ocoirahuatomaꞌ, cantacoꞌ: “Ma noyanquëncha Tata niꞌton, catahuarancoi paya,” itatomaꞌ, cancanëma quëran huarëꞌ cantacoꞌ.

1 Timoteo 3:6

Huaꞌqui imapisopitaráchin ansiano yaꞌcoinaꞌ. Nasha imarinsoꞌ yaꞌconpachin, co noyahuëꞌ yonquiamara: “Casoꞌ ansianoco niꞌton, noya noyaco,” tapon nimara yonquinënquë. Iráca sopai huaꞌan ina pochin yonquihuachina, Yosëri anaꞌintërin. Niꞌcona inapochachin anaꞌintochinquëmaꞌ.

Tito 1:9

Yosë nanamën noꞌtëquën aꞌchintërainquëmaꞌ. Ina nanansáchin ansianoꞌsaꞌ imainaꞌ. Ina naꞌcon yonquihuachinaꞌ, noya pënëntaponaꞌ, noꞌtëquën aꞌchinaponaꞌ. Aꞌnapitaso nisha nanan aꞌchinpirinahuëꞌ, ansianoꞌsarisoꞌ Yosë nanamënáchin aꞌchinchinaꞌ. Ama imapisopita nonpin nanan natëtacaiso marëhuëꞌ inapochinaꞌ.