Mateo 13:43 - Chayahuita (Shahui)

⁴³ Yosë natëpisopitaso nipirinhuëꞌ, nóya niꞌsarin. Piꞌi aꞌpininso pochin Yosë huaꞌanëntërinquë yaꞌnoapi. Huëratëhuanpatamaꞌ, noya natanatomaco, yonquicoꞌ,” itërin Quisosori.

Mateo 13:43 ပူးပေါင်းရင်းမြစ်များ

Éxodo 34:35

Israiroꞌsari nirayahuachinara, Moisësë huënararayatërinso niꞌpi. Naporoꞌ naquëranchin nëꞌmëtërinquë nipaꞌcopirayatantarin. Ina pochin paꞌsárin. Yosë nontacaso nëꞌmëtë pëiquë yaꞌcontaquë huarëꞌ, Yosë nontacaso marëꞌ ocoiantarin.

Mateo 11:15

Huëratëhuanpatamaꞌ, noya natanatomaco, yonquicoꞌ.

Mateo 25:34

Ina quëran inchinanëhuë quëran acorahuësopita itarahuë: ‘Yaꞌipinquëmaꞌ huëcatomaꞌ, Yosë huaꞌanëntërinquë yaꞌconquicoꞌ. ¡Ma noyacha Tata Yosë nosororinquëma paya! Isoroꞌpaꞌ ninin quëran huarëꞌ yonquirinquëmaꞌ huaꞌanëntërinquë ayaꞌcoinquëmaso marëꞌ.

Mateo 25:36

Capa aꞌmocaꞌhuasoꞌ nipachina, quëtëramaco. Caniohuatërantaꞌ, huëcatomaꞌ, nosoroquiramaco. Tashinan pëiquë yaꞌhuasocontaꞌ, niꞌquiramaco. Napoaton huëco huachi, noya yaꞌhuaꞌahuaꞌ,’ itarahuë.

Mateo 26:29

Co huachi opaiꞌ oꞌoantarahuëꞌ. Chiminarahuë huachi. Aꞌna tahuëri Tata Yosë huaꞌanëntërinsoꞌ nanihuachin, canpitaroꞌco nasha pochin oꞌoantarahuë. Naporoꞌ noya noya cancantarihua huachi, itërin.

Marcos 4:23

Huëratëhuanpatamaꞌ, noya natanatomaco, yonquicoꞌ,” itërin.

Lucas 12:32

Naquëranchin itaantarin: —Ama iyaroꞌsaꞌ paꞌyancosohuëꞌ. Ohuica pëꞌtahuanaꞌpi pochin nicato aꞌpaiaranquëmaꞌ. Caraichinquëmaꞌ nipomarahuëꞌ, Yosë noya niꞌninquëmaꞌ. Huaꞌanëntërinquë chachin ayaꞌconinquëmaꞌ.

Lucas 22:29

Ina marëꞌ Yosëꞌpaꞌ canaaramaꞌ. Aꞌna tahuëri Yosë nohuanton, huaꞌanëntarahuë. Naporoꞌ canpitantaꞌ acoaranquëmaꞌ huaꞌan pochin nicamasoꞌ.

1 Corintios 15:58

Napoaton iyaroꞌsaꞌ chiníquën cancantocoꞌ. Nosororanquëmaꞌ niꞌton, pënënaranquëmaꞌ: Ama nisha nisha yonquicosohuëꞌ. Naporahuaton, paatomaꞌ aꞌnapita aꞌchintëraꞌpiacoꞌ. Sinioro catahuahuachinquëmaꞌ, co onporontaꞌ topinan quëran aꞌchinaramahuëꞌ. Aꞌchinpatamaꞌ, Yosëri nohuantërinsopita imasapi huachi.

Santiago 2:5

Niꞌcoꞌ iyaroꞌsaꞌ. Naꞌaquënpoaꞌ co naꞌcon coriqui yaꞌhuëtopirinpoahuëꞌ, Yosë huayoninpoaꞌ imacaso marëꞌ. Yosë nohuitohuatëhuaꞌ, nóya cancantarihuaꞌ. Huëntonënquë chachin ayaꞌconinpoaꞌ niꞌton, Yosëꞌpaꞌ noya noya yaꞌhuëcontarihuaꞌ. Nani shaꞌhuitërinpoaꞌ. “Nosorohuatamaco, inápaquë quëpantaranquëmaꞌ,” itërinpoaꞌ.