Mateo 13:36 - Chayahuita (Shahui)

³⁶ Ina quëran piyapiꞌsaꞌ patahuaton, pëiquë yaꞌconconin. Inaquë caꞌtanoꞌsanënpitari itaponaꞌ: “Achin sacaiꞌ pochin pënënto nanan aꞌchintopirancoihuëꞌ. Pacatëroꞌ shaꞌpisoꞌ co nitotëraihuëꞌ. ¿Maꞌtaꞌ tapon naporan? Aꞌchintantacoi nitochii,” itopi.

Mateo 13:36 ပူးပေါင်းရင်းမြစ်များ

Mateo 13:1

Naporoꞌ tahuëri pëi quëran pipirahuaton, sonoꞌ yonsanquë huënsëconin.

Mateo 13:11

“Yosë huaꞌanëntërinsoꞌ co insontaꞌ inaora yonquinën quëran nitotërinhuëꞌ. Canpitasoꞌ yaꞌipiya aꞌchintaranquëmaꞌ. Aꞌnapitaso nipirinhuëꞌ co yaꞌipi aꞌchintarahuëꞌ. Pënënto nanan quëransáchin aꞌchintarahuë.

Mateo 13:18

Ina quëran caꞌtanoꞌsanënpita aꞌchintaantarin. “Natanco iyaroꞌsaꞌ. Shaꞌtonaꞌpi shaꞌninso pochin nininsoꞌ aꞌchintantaꞌinquëmaꞌ noꞌtëquën nitotacamaso marëꞌ.

Mateo 13:25

Ina quëran tashihuachina, huëꞌësoiꞌ inimico huëꞌnin. Huëꞌsahuaton, inaquë chachin pacatëroꞌ trico pochin yaꞌnorinsoꞌ shaꞌquirin antaꞌ. Trico shaꞌninsoꞌ huancanaya ina huancanaya shaꞌquirin. Nani shaꞌpachina, paꞌnin. Co incari tërantaꞌ niꞌninhuëꞌ.

Mateo 14:22

Ina quëran caꞌtanoꞌsanënpita shaꞌhuitërin. “Potiquë yaꞌconahuatomaꞌ, aquëtëran pacoꞌ. Nani piyapiꞌsaꞌ nontohuato, cantaꞌ paꞌsarahuë,” itohuachina, paꞌpi huachi. Ina quëran piyapiꞌsaꞌ nontërin.

Mateo 15:39

Ina quëran piyapiꞌsaꞌ nontahuaton, potiquë yaꞌconin. Aquëtëran pëntonahuaton, Macatan parti canconin.

Mateo 9:28

Pëiquë canconahuatonaꞌ, Quisoso yaꞌconin. Somarayaroꞌsantaꞌ yaꞌconpachinara, Quisosori itërin: —Cari nanitato anoyatërahuësoꞌ ¿natëramaꞌ ipora ti? itërin. —Natërainquën mini Sinioro. Yaꞌipiya nanitaparan tënai, itopi.

Marcos 4:34

Napoaponahuëꞌ, pënënto nanan quëransáchin aꞌchintërin. Ina quëran caꞌtanoꞌsanënpitaráchin yaꞌhuëhuachinara, oshaquëran aꞌchintantarin noꞌtëquën yonquicaiso marëꞌ.

Marcos 6:45

Ina quëran caꞌtanoꞌsanënpita itapon: “Potiquë yaꞌconahuatomaꞌ, aquëtëran pacoꞌ. Apira cantaꞌ paꞌsarahuë. Pitsaitaꞌpaꞌ paꞌahuaꞌ,” itërin. Caꞌtanoꞌsanënpita nani paꞌpachinara, piyapiꞌsaꞌ nontarin yaꞌhuëpiꞌpaꞌ paacaiso marëꞌ.

Marcos 7:17

Nani aꞌchintohuachina, piyapiꞌsaꞌ patahuaton, pëiquë yaꞌconconin. Caꞌtanoꞌsanënpitantaꞌ yaꞌconpi. Nani yaꞌconpachinara: “Achin naporansoꞌ co nitotëraihuëꞌ. ¿Maꞌtaꞌ tapon naporan?” itopi.

Marcos 8:9

Catapini huaranca piyapiꞌsaꞌ pochin coshatopi. Nani coshatohuachinara, piyapiꞌsaꞌ nontërin pacacaiso marëꞌ.