Mateo 13:35 - Chayahuita (Shahui)35 Iráca pënëntonaꞌpiri ninoton, ninshitërin. “Piyapiꞌsaꞌ aꞌchintahuato, maꞌpochinsona nininsoꞌ aꞌchintarahuë. Isoroꞌpaꞌ ninin quëran huarëꞌ co piyapiꞌsaꞌ nitotopirinahuëꞌ, aꞌchintarahuë huachi,” tënin iráca ninoton. Naporinso chachin ina pochin Quisosori aꞌchintarin. အခန်းကိုကြည့်ပါ။ |
Co inapita pochin aꞌchinaihuëꞌ. Yosë yonquirinso chachin aꞌchinai. Iráca coꞌhuara isoroꞌpaꞌ yaꞌhuëyátërasohuëꞌ, Yosë ninotonpoaꞌ, yonquirinpoaꞌ anoyacancantinpoaso marëꞌ. Anoyacancantohuachinpoaꞌ, inarëꞌquënpoaꞌ yaꞌhuëmiatarihuaꞌ. Iráca co insontaꞌ nitotopirinahuëꞌ, iporaso huachi Yosë anitotërinpoaꞌ niꞌton, aꞌchintërainquëmaꞌ.
Huaꞌhuayatërahuëꞌ piyapiꞌsari natëapi. Carniroaꞌhua imapisopitaíchin co ina chinotapihuëꞌ. Inasoꞌ aꞌna quirica yaꞌhuëtërin. Nanpirin quirica itopisoꞌ. Inaquë nininënpita nani ninshitërin. Isoroꞌpaꞌ ninin quëran huarëꞌ imapisopita ninoton, inaquë ninshitërin. “Canpoa marëꞌ Carniroaꞌhua chiminin,” taꞌtonaꞌ, ina imasapi. Aꞌnapitaso nipirinhuëꞌ co nanpirin quiricaquë nininënpita yaꞌhuërinhuëꞌ niꞌton, maꞌsha marë quëran pipirinsoꞌ chinotapi.
Iráca isoroꞌpaquë yaꞌhuërin. Iporasoꞌ co yaꞌhuërinhuëꞌ. Aꞌna tahuëriso nipirinhuëꞌ yaꞌnoantarin. Acoporoꞌ quëran huëantarin. Ayaroꞌ tahuëri nanihuachin, parisitopiquë paꞌsarin. Nipirinhuëꞌ, coꞌhuara paꞌshátërasohuëꞌ, aꞌnanaya yaꞌnoantahuaton, piyapiꞌsaꞌ aꞌpayanarin. Co Quisoso imapihuëꞌ niꞌton, paꞌyanapi. Quisoso imapi naporini, iráca quëran huarëꞌ nininënpita nanpirin quiricaquë ninshichitonhuëꞌ.