Mateo 13:33 - Chayahuita (Shahui)

³³ “Naquëranchin iyaroꞌsaꞌ Yosë huaꞌanëntërinsoꞌ aꞌchintaantaꞌinquëmaꞌ. Pan ahuëpocatërinso pochin ninin antaꞌ. Aꞌna sanapi pan nipachina, cara shonca quiro pochin trico noꞌmoꞌ manin. Masahuaton, piꞌpian tërantaꞌ pan ahuëpocatërinsoꞌ ayontohuachina, yaꞌipiya sëꞌcotaton, ahuëpocatërin huachi,” itërin Quisosori.

Mateo 13:33 ပူးပေါင်းရင်းမြစ်များ

Génesis 18:6

Napotohuachinara, Apraanso nëꞌmëtë pëinënquë yaꞌconahuaton, Sara itapon: —Manorahuaton, cato shonca quiro pochin, noya noya tricoroꞌmo nininsoꞌ maquëꞌ. Ina masahuaton, pan niquëꞌ, itërin.

Mateo 13:24

Ina quëran aꞌchintaantarin: “Aꞌnantaꞌ iyaroꞌsaꞌ, aꞌchintaantaꞌinquëmaꞌ Yosë huaꞌanëntërinsoꞌ nitotacamaso marëꞌ. Aꞌna patron iminpachina, noya trico shaꞌnin.

Marcos 13:20

Yosë nohuanton, co huaꞌquiꞌ aparisitapihuëꞌ. Huaꞌquiꞌ aparisitapi naporini, yaꞌipi piyapiꞌsaꞌ taquiꞌitonahuëꞌ. Nipirinhuëꞌ, piyapinënpita nosoroaton, co nohuantërinhuëꞌ huaꞌquiꞌ aparisitacaisoꞌ. Huayoninsopita nichaꞌësarin huachi.

Lucas 13:21

Pan ahuëpocatërinso pochin ninin antaꞌ. Aꞌna sanapi pan nipachina, cato shonca quiro pochin trico noꞌmoꞌ manin. Masahuaton, piꞌpian tërantaꞌ pan ahuëpocatërinsoꞌ ayontohuachina, yaꞌipiya sëꞌcotërin, pan huëpocatërin huachi,” tënin Quisoso.

Juan 15:2

Aꞌna sëꞌpaquën co nitohuachinahuëꞌ, nishitëtërin. Aꞌnaquënso nipirinhuëꞌ piꞌpian nitërin. Ina sëꞌparaꞌhuainpita piꞌpian niꞌquitërin naꞌcon naꞌcon nitacaso marëꞌ. Co niꞌquitohuatërahuëꞌ, co noya nitërinhuëꞌ.

Gálatas 5:9

Niꞌcoꞌ iyaroꞌsaꞌ. Pan nipatëra, piꞌpian ahuëpocatërinsoꞌ acotohuachinara, yaꞌipi sëꞌcotërin. Inapochachin piꞌpian tërantaꞌ nonpin nanan yonquihuatamaꞌ, co huaꞌquiya quëranhuëꞌ yaꞌipinquëmaꞌ nitapicancanaramaꞌ.

Filipenses 1:6

“Quisocristo imasarahuë huachi,” topatamaꞌ, naporo tahuëri chachin Yosë anoyacancantërinquëmaꞌ. Co naniantarinquëmahuëꞌ, tënahuë. Ipora huantaꞌ catahuarinquëmaꞌ noya noya nicacamaso marëꞌ. Quisocristo oꞌmantaquë huarëꞌ catahuarinquëmaꞌ. Naporoꞌ Quisocristo pochachin cancantaramaꞌ.

Filipenses 1:9

Canpita marëꞌ ina nontërahuë. “Catahuaquëꞌ, Sinioro, noya noya ninosoroꞌinaꞌ. Quëma nohuanton, nanamën nóya nitochinaꞌ. Catahuaquëꞌ, Sinioro, noꞌtëquën yonquiꞌinaꞌ,” itërahuë Yosë nontato.

2 Pedro 3:18

Canpitaso nipirinhuëꞌ, Sinioro Quisocristoíchin yonquicoꞌ. Inaora nohuanton, nosororinquëmaꞌ niꞌton, nani tahuëri yacatahuarinquëmaꞌ. Inasáchin yonquihuatamaꞌ, oshaquëran noya noya nohuitaramaꞌ. Inasoꞌ nichaꞌësarinpoaꞌ. Yaꞌipi piyapiꞌsari chinochinaꞌ. Ayaroꞌ tahuëriquë huarëꞌ inasáchin yonquiaꞌahuaꞌ. Amen. Nani ninshitëranquëma huachi. Pitro

Jueces 6:19

Quitionosoꞌ paꞌsahuaton aꞌnara chipoaꞌhua tëparin. Tëparahuaton poꞌmorin. Ina poꞌmorahuaton cato shonca quiro pochin tricoroꞌmo manin. Ina quëraontaꞌ, pan co ahuëcatopinanhuëꞌ anpirin. Chipoaꞌhua noshinën anpirinsosoꞌ, aꞌna iꞌmëquë poꞌmorin. Noꞌhuiquënsoꞌ, huëꞌëtaquëranchin acorin. Yaꞌipi inapita insina narataquë quëparin.

1 Samuel 1:24

Siroquë Yosë chinotacaso nëꞌmëtë pëi yaꞌhuërin niꞌton, huaꞌhuin aꞌpotohuachina, inaquë quëparin. Huaꞌhua nipirinhuëꞌ quëparin. Cara toroaꞌhua, cato shonca cato quiro trico, inapitanta quëparin. Naporahuaton aꞌnara shaꞌhuëtë morsaquë huinonta quëparin.