Mateo 13:32 - Chayahuita (Shahui)

³² iminquë shaꞌpatëra papotohuachina, panca taꞌan ninin. Nani aꞌshinpachina, inairaroꞌsaꞌ huëcatonaꞌ, inaquë pëirin,” itërin. (Inapochachin caniaritapon, caraíchin piyapi Yosë imapirinahuëꞌ, aꞌna tahuëri notohuaroꞌ piyapiꞌsaꞌ Yosë imasapi.)

Mateo 13:32 ပူးပေါင်းရင်းမြစ်များ

Salmos 104:12

I yonsanquë inairaroꞌsa huaꞌhuatopi. Nararoꞌsaquë huënsëatonaꞌ, përarantapi.

Daniel 4:12

Monoquën noya noyatërin. Nitërinsontaꞌ, paꞌpi notohuaroꞌ. Inariáchin yaꞌipiya cosharo ananitërin. Yaꞌipi maꞌsharoꞌsanta inaanaquë naꞌipi. Sëꞌpainpitaquëntaꞌ, inairaroꞌsa huaꞌhuatopi. Yaꞌipi isoroꞌpaquë yaꞌhuërinso inaquë nanpipi.

Marcos 4:30

Ina quëran shaꞌhuitantarin: “¿Maꞌpochintaꞌ Yosë huaꞌanëntërinpoasoꞌ ninin? ¿Ma quërantaꞌ nanitërëꞌ ina yonquicasoꞌ?

Marcos 4:32

Piꞌpiraꞌhuaya niponahuëꞌ, shaꞌpatëra, panca panca papotërin. Aꞌnapita sharoꞌsa quëran panca panca taꞌan ninin. Panca sëꞌpatohuachina, inairaroꞌsaꞌ naꞌiyatonaꞌ, inaquë pëipi,” itërin.

Lucas 13:18

“¿Ma pochintaꞌ Yosë huaꞌanëntërinsoꞌ? topiramahuëꞌ. Aꞌna pënënto nanan shaꞌhuitantaꞌinquëmaꞌ canpitantaꞌ nitotacamaso marëꞌ.

Hechos 1:15

Ina quëran naꞌa Quisoso imapisopita niyontonpi. Pasa cato shonca piyapiꞌsa pochin yaꞌhuëpi. Pitrori huancánachin huanirahuaton, itërin:

Hechos 21:20

Natanahuatonaꞌ, “Ma noyacha Yosësoꞌ niꞌton, nisha piyapiꞌsantaꞌ imasapi paya,” topi aꞌnaya aꞌnaya. Ina quëran itantapi: —Noya iyasha nipirinhuëꞌ, isëquë naꞌa huaranca cotioroꞌsaꞌ Quisoso imaponaraihuëꞌ, Moisësë iráca pënëntërinsoꞌ yanatëpi antaꞌ. “Inantaꞌ natëcasoꞌ yaꞌhuërin,” topi.

Apocalipsis 11:15

Ina quëran yaꞌnatontarinsoꞌ anquënintaꞌ, pihuiantarin. Pihuihuachina, inápaquë chiníquën nonsapi, natanahuë. “Iráca quëra huarëꞌ naꞌa copirnoroꞌsaꞌ yaꞌhuëpirinahuëꞌ, iporasoꞌ Yosëri yaꞌipiya huaꞌanëntarin. Quisocristorë chachin huaꞌanëntomiatarin. Co onporontaꞌ pipiapihuëꞌ,” tosapi.